Popular Bible Verses from اول تیموتائوس 2

Share

اَرِیَگه فَخَد یِه خدا هَس ئو اِ بِن خدا ئو آمَل فَخَد یِه بَسخَه‌کَر هَس، یانی اَ اِنسونَ گه مسیحْ عیسیَ؛ او گه گیو ووژ اَرِه خیمت آزادی کُل آمَل داتی، ایی حخیختَ اِ زَمو دُریس ووژ شاتی هاوِنتیَ بی.

اِسَه، وِر اژ هرچی، تشویقَ مَهَم گه درخواستَل، دوعائَل، شِفاعتَل ئو شگِرگزاریَل اَرِه کُل مردِم باءَ جا، اَرِه پاتِشائَل ئو کُل کارَدَسَل، تاگَه بتونیم زِنِه‌ی آروم ئو آسودَه‌مونی داشدوئی گه اِ کُل لِحاظی باوِ دل خدا ئو سنگین بو.

ایلَهَه آواخدِم یَسَ گه پیال اِ کُل جا، بی خِض ئو مِرافَه، دَسَل مقدّس اَرِه دوعا بِگِرِنِ رُ. هَمیش مِم گه ژِنَل وَه جِنِکَلی گه لائقونَ ووژون ‌اِربِرازِنِن، سنگین‌رنگین ئو نجیم، نه وَه گیسَل آچِنیا، یا طِلا ئو مِرواری، یا کِراسَل گِرو خیمت، بلکِم وَه کارَل خو، اَجورَ گه لائق ژِنَلی کَ گه ادعاءَ مَهَن خداپِرَسِن.