1 Corinto 10

Babala Tungkul tu Diyos-diyosan Hide

1Nadid, kákkapatkákka ko hide, gusto ko a maala-ala moy u nangyare tu nuno tam hide a simmunud ni Moises. Linenduman hide nu diklám tu nilakad de sakay tu káahabes tu Madideg a Diget.#10:1 Basaán tu 1:13, Exodo 13:21, Exodo 14:22, 29. 2Ni konna hod, nabawtismuwan hide a atanan tu diklám sakay tu diget tánni magin tagasunud hide ni Moises. 3Sakay kimman hide a atanan tu makan a gábwat tu Diyos.#10:3 Basaán tu Exodo 16:35. 4Sakay imminom be hide tu dinom a inyatád nu Diyos, a gábwat tu Bito. I bituwan itod ay ti Cristo a mangkuyoyog nide.#10:4 Basaán tu Exodo 17:6, Bilang 20:11. 5Konna pa man hod, ay awan padi kinasayaan nu Diyos u kakpalan nide, kaya nágkatay hide sakay nagkalat u bangkay de tu parang.#10:5 Basaán tu Bilang 14:29-30.

6Kaya iye hide a pangyayare u makaatád nikitam ti adal tánni awan tamon gustuwán u mágkadukás hide a bagay, konna tu ginággimet de. 7Dyan kam sumamba tu diyos-diyosan hide a konna tu agum nide. Ayun tu nesulat: “Nággetnod u tolay hide tánni kuman, uminom, sakay tumaknág tánni magsayaw bilang págsamba de tu diyos-diyosan.”#10:7 Basaán tu Exodo 32:4, 6. 8Dyan kitam mangilállake sakay mangibábbey a konna tu ginimet nu agum nide. Kaya 23,000 u natay tu essa la a aldew. 9Dyan tam purbaan u Panginoon a konna tu ginimet nu agum nide. Kaya natay hide tu kamandag nu kabiklatan.#10:9 Basaán tu Bilang 21:5-6. 10Dyan kitam be mareklamo a konna tu agum nide, kaya binuno hide nu Anghel a Mágpuksa.

11Nangyare iye nide, tánni magin adal tu atanan a tolay, sakay nesulat iye tánni matolduwan kitam a inabut dán nu dimodyan a panahun a diyan tam ahigán u mágkadukás de a ginimet.

12Kaya ngane, magingat u magakala a matatag dán ti pánnampalataya, bakay matokso kam sakay magkasala. 13Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.#10:13 Basaán tu 1 Corinto 1:9.

14Kaya ngane, kákkapatkákka ko hide, dyan kam sumamba tu diyos-diyosan hide. 15Kagiyán ko iye nikam bilang essa a tolay a makaintende, hikamon u bahala a mangisip ni u kákkagiyán ko ay tama oni male. 16Awan beman u káinom tam tu baso a ipáppasalamat tam ay pákbahagi tam tu dige ni Cristo? U kákkan tam tu tinapay a tináppeng-táppeng tam ay pákbahagi be tu bággi na?#10:16 Basaán tu Mateo 26:27-28, Gimet 2:42. 17Makpal kitam pero nagkaessa kitam a kumán a eessa la a bággi dipo eessa la u tinapay a pamághate-hatiyán tam, kaya maski ni makpal kitam ay eessa la a baggi, dipo kabahagi kitam nu eessa a tinapay.

18Ilingán moy u taga-Israel hide: awan beman u kuman tu alay hide ay mákbahagi tu gággimitán tu pággalayan?#10:18 Basaán tu Levitico 7:6. 19Ánya u gusto ko a kagiyán? Kinagi ko beman a tehhod a serbi u diyos-diyosan hide oni u makan a nealay tu diyos-diyosan hide? 20Awan! U gusto ko a kagiyán ay i alayan ina hide ay inyalay tu dimonyo hide, bakán a tu Diyos. Umád ko a mákpággagum kam tu dimonyo hide.#10:20 Basaán tu Deuteronomio 32:17. 21Awan kam maare a mák-enom tu baso nu Panginoon sakay tu baso nu dimonyo hide. Awan kam maare a mákkan tu lamisaan nu Panginoon sakay tu lamisaan nu dimonyo hide.#10:21 Basaán tu 2 Corinto 6:16. 22Gusto tam beman a mangimon u Panginoon? Tu pangisip moy beman ay makapangyariyan kitam nan u Panginoon?#10:22 Basaán tu Deuteronomio 32:21, Isaias 45:9.

U Kalayaan nu Mánnampalataya

23Tehhod be a magkagi ti konna he, “Malayaák a maggimet ti maskin ánya a bagay,” pero awan atanan ay makapangatád ti maganda. “Malayaák a maggimet ti maskin ánya a bagay,” pero bakán a atanan ay makatulung. 24Bakán la u kapiyyaan moy u áisipán moy nan dapat pate be u kapiyyaan nu agum.

25Maare kam a kuman tu maskin ánya a mabale a masida tu tindaan, dyan kamon magtanung ni nealay iye oni awan tánni awan mabalisa u konsensiya moy. 26Dipo kinagi nu Kasulatan, “U luta sakay u atanan a katoy hod ay kao nu Panginoon!”#10:26 Basaán tu Awit 24:1.

27Ni imbitaan kam nu essa a awan mánnampalataya sakay ummangay kam, kanán moy u ányaman a iyatubang de nikam. Dyan kamon magtanung pa tánni awan mabalisa u konsensiya moy. 28Pero ni tehhod a mángkagi nikam a, “Nealay iye tu diyos-diyosan hide,” dyan moy iye kanán alang-alang tu nángkagi nikam tánni awan mabalisa u konsensiya.#10:28 Basaán tu 1 Corinto 8:7, 10-12. 29U gusto ko kagiyán ay u konsensiya nu agum bakán a u konsensiya moy.

Maare be a makagi nu agum, “Bakin hadlangan nu konsensiya nu agum u kalayaan ko? 30Bakin a bahángngánnák nu agum tu makan a ipáppasalamat ku dán be tu Diyos?”

31Kaya ngane, ni kuman kam sakay uminom oni ányaman u gimitán moy, isipán moy pa ni iye ay makapure tu Diyos. 32Dapat bakán a hikam u magin dahilan nu págkasala nu agum, nu Judio hide, nu Griego hide, oni u kakagumanan moy hide a mánnampalataya.#10:32 Basaán tu 1 Corinto 8:13. 33Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.#10:33Basaán tu 1 Corinto 9:22, Roma 15:2, 1 Corinto 13:5.

Currently Selected:

1 Corinto 10: MBJC

Highlight

Copy