Roma 12
12
Ukuhamba okungcwele
1Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho. 2Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.
Ukuthobeka lokuphila kwamaKristu
3Ngomusa engiwuphiweyo ngitsho kulowo lalowo wenu ukuba angacabangi ukuthi mkhulu kulalokho afanele ukucabanga khona, kodwa acabange ngokuqonda, njengalokhu uNkulunkulu abele ilowo lalowo isilinganiso sokukholwa. 4Ngoba njengokuba silezitho ezinengi emzimbeni munye, kodwa izitho zonke kazilamsebenzi munye,#1 Kor 12:12 5kunjalo thina esibanengi, singumzimba munye kuKristu; siyizitho omunye komunye. 6Sileziphiwo ezehlukeneyo njengomusa esiwuphiweyo; uba isiphiwo siyikutshumayela, asitshumayele ngesilinganiso sokukholwa kwethu;#1 Kor 12:4–11 7uba siyikukhonza, kakube senkonzweni. Ofundisayo kasebenzise isiphiwo sakhe ekufundiseni, 8lolayayo kasisebenzise ekulayeni; ophanayo kanike ngesihle; osizayo kasize ngokutshiseka; olesihawu kakwenze ngentokozo.
9Uthando lwenu kalube qotho. Zondani okubi, libambelele kokulungileyo. 10Thandanani ngothando lobuzalwane, liziqhenye ekuhloniphaneni. 11Khuthalani lingadinwa; livuthe emoyeni; likhonze iNkosi. 12Thokozani ethembeni; libekezele ekuhluphekeni; liphikelele ekukhulekeni. 13Bapheni abangcwele ekusweleni kwabo; liphathe kuhle izihambi.
14Babusiseni abalizingelayo; busisani, lingabathuki.#Mat 5:44; Luka 6:28 15Thokozani kanye labathokozayo, likhale labakhalayo. 16Hlalisanani kuhle, lingazikhukhumezi, kodwa lihlangane labathobileyo, lingazitshayi abahlakaniphileyo.#Zaga 3:7 17Lingaphindiseli muntu okubi ngokubi; linakane okudumisekayo phambi kwabantu bonke. 18Uba kungenzeka, zimiseleni ukuhlalisana ngokuthula labantu bonke. 19Lina bathandiweyo, lingaziphindiseli, kodwa yekelelani ulaka lukaNkulunkulu, ngoba kulotshiwe ukuthi: Ngokwami ukuphindisela, ngizakuphindisela, kutsho iNkosi.#Dute 32:35
20Kodwa kulotshiwe futhi ukuthi: Uba isitha sakho silambile, siphe ukudla, uba somile, sinathise; ngoba ngokwenza njalo uzakumenza ayangeke kakhulu.#Zaga 25:21, 22
21Unganqotshwa ngokubi, kodwa nqoba okubi ngokuhle.
Currently Selected:
Roma 12: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
