Popular Bible Verses from Roma 12

Share

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

Thokozani ethembeni; libekezele ekuhluphekeni; liphikelele ekukhulekeni.

Unganqotshwa ngokubi, kodwa nqoba okubi ngokuhle.

Thandanani ngothando lobuzalwane, liziqhenye ekuhloniphaneni.

Uthando lwenu kalube qotho. Zondani okubi, libambelele kokulungileyo.

Uba kungenzeka, zimiseleni ukuhlalisana ngokuthula labantu bonke.

Lina bathandiweyo, lingaziphindiseli, kodwa yekelelani ulaka lukaNkulunkulu, ngoba kulotshiwe ukuthi: Ngokwami ukuphindisela, ngizakuphindisela, kutsho iNkosi.

Khuthalani lingadinwa; livuthe emoyeni; likhonze iNkosi.

Ngomusa engiwuphiweyo ngitsho kulowo lalowo wenu ukuba angacabangi ukuthi mkhulu kulalokho afanele ukucabanga khona, kodwa acabange ngokuqonda, njengalokhu uNkulunkulu abele ilowo lalowo isilinganiso sokukholwa.

Lingaphindiseli muntu okubi ngokubi; linakane okudumisekayo phambi kwabantu bonke.

Hlalisanani kuhle, lingazikhukhumezi, kodwa lihlangane labathobileyo, lingazitshayi abahlakaniphileyo.

Kodwa kulotshiwe futhi ukuthi: Uba isitha sakho silambile, siphe ukudla, uba somile, sinathise; ngoba ngokwenza njalo uzakumenza ayangeke kakhulu.

Babusiseni abalizingelayo; busisani, lingabathuki. Thokozani kanye labathokozayo, likhale labakhalayo.

Bapheni abangcwele ekusweleni kwabo; liphathe kuhle izihambi.

Ngoba njengokuba silezitho ezinengi emzimbeni munye, kodwa izitho zonke kazilamsebenzi munye, kunjalo thina esibanengi, singumzimba munye kuKristu; siyizitho omunye komunye.