Eks 20
20
Imithetho elitshumi
1UNkulunkulu wasekhuluma wonke lamazwi esithi:#Dute 5:1–21 2NgiyiNkosi uNkulunkulu wakho eyakukhupha eGibithe, endaweni yobugqili.
3Ungabi labanye onkulunkulu ngaphandle kwami.
4Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba;#Eks 34:17; Levi 19:4; 26:1; Dute 4:15–18; 27:15 5ungazikhothameli, ungazikhonzi; ngoba mina Nkosi, uNkulunkulu wakho, nginguNkulunkulu olomona; ngehlisela ububi baboyise ebantwaneni besizukulwana sesithathu lesesine sabangizondayo,#Eks 34:6, 7; Nani 14:18; Dute 7:9, 10 6kodwa ngilothando olungapheliyo ezizukulwaneni eziyinkulungwane zabangithandayo abagcina imilayo yami.
7Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala phambi kweNkosi.#Levi 19:12
8Khumbula usuku lweSabatha, ulwenze lube ngcwele.#Eks 16:23–30; 31:12–14 9Uzakusebenza insuku eziyisithupha, uwenze wonke umsebenzi wakho;#Eks 23:12; 31:15; 34:21; 35:2; Levi 23:3 10kodwa usuku lwesikhombisa luliSabatha leNkosi uNkulunkulu wakho; ungasebenzi ngalo wena lendodana yakho lendodakazi yakho lenceku yakho lencekukazi yakho lenkomo zakho lowemzini osemzini wakho. 11Ngoba ngensuku eziyisithupha iNkosi yenza izulu lomhlaba lolwandle lakho konke okukukho, yaphumula ngosuku lwesikhombisa; ngalokhu iNkosi yalubusisa usuku lwesikhombisa, yalwenza lwaba ngcwele.#Gen 2:1–3; Eks 31:17
12Hlonipha uyihlo lonyoko, ukuze zibe zinengi insuku zokuhamba kwakho elizweni ekunika lona iNkosi uNkulunkulu wakho.#Dute 27:16; Mat 15:4; 19:19; Mark 7:10; 10:19; Luka 18:20; Efe 6:2, 3
13Ungabulali.#Gen 9:6; Levi 24:17; Mat 5:21; 19:18; Mark 10:19; Luka 18:20; Roma 13:9; Jak 2:11
14Ungafebi.#Levi 20:10; Mat 5:27; 19:18; Mark 10:19; Luka 18:20; Roma 13:9; Jak 2:11
15Ungebi.#Levi 19:11; Mat 19:18; Mark 10:19; Luka 18:20; Roma 13:9
16Ungafakazi amanga ngomakhelwana wakho.#Eks 23:1; Mat 19:18; Mark 10:19; Luka 18:20
17Ungabi lamhawu ngendlu kamakhelwana wakho, lomkakhe, lenceku yakhe, lencekukazi yakhe, lenkabi yakhe, lobabhemi wakhe, langolunye ulutho lwakhe.#Roma 7:7; 13:9
Ukwesaba kwabantu
18Kwathi lapho abantu bonke besizwa ukuduma lokukhala kophondo, lalapho bebona imibane lokuthunqa kwentaba bathuthumela, bema khatshana;#Heb 12:18, 19 19bathi kuMose: Khuluma lathi wena, sizakuzwa; kodwa uNkulunkulu kangakhulumi kithi funa sife. 20UMose wathi ebantwini: Lingesabi; ngoba uNkulunkulu ufikile ukuba alilinge, ukuze limesabe, lingoni. 21Abantu bema khatshana; kodwa uMose wasondela emnyameni omkhulu lapho uNkulunkulu ayekhona.
Umthetho omayelana lealtare
22INkosi yathi kuMose: Tshono kwabakoIsrayeli uthi: Lina ngokwenu selizibonele ukuthi ngikhulume kini ngisezulwini. 23Lingenzi onkulunkulu besiliva ukuba babe khona kanye lami, lingazenzeli onkulunkulu begolide. 24Lingenzele ialtare lomhlabathi, linikele kulo iminikelo yenu yokutshiswa leminikelo yenu yokuthula, izimvu lenkabi zenu. Kuzo zonke indawo lapho ngilenza ibizo lami ukuba likhunjulwe khona ngizakuza kini ngilibusise. 25Uba lingenzela ialtare lelitshe, lingalenzi ngamatshe abaziweyo; ngoba nxa lilitshaya ngensimbi yokubaza, liyalingcolisa.#Dute 27:5–7; Josh 8:31 26Lingakhweli phezu kwealtare lami ngezikhwelo, funa kwambulwe ubunqunu benu.
Currently Selected:
Eks 20: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
