Dute 5
5
Imithetho elitshumi
1UMose wasebiza wonke uIsrayeli, wathi kuye: Zwana, Israyeli, izimiso lezahlulelo engizikhuluma endlebeni zakho lamuhla, ukuba uzifunde, unanzelele ukuzigcina.#Eks 20:1–17 2INkosi uNkulunkulu wethu yenza isivumelwano lathi eHorebe. 3INkosi kayisenzanga lesisivumelwano labokhokho, kodwa lathi thina sonke esikhona, esikhona lapha lamuhla. 4INkosi yakhuluma lani ikhangelene lani entabeni, isemlilweni; 5mina ngema phakathi kweNkosi lani ngalesosikhathi, ukuba ngilazise ilizwi leNkosi; ngoba lesaba ngenxa yomlilo, kalikhwelanga entabeni. Yona yathi: 6NgiyiNkosi uNkulunkulu wakho, eyakukhupha eGibithe, endaweni yobugqili.
7Ungabi labanye onkulunkulu ngaphandle kwami.
8Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba.#Levi 26:1; Dute 4:15–18; 27:15 9Ungazikhothameli, ungazikhonzi; ngoba mina iNkosi uNkulunkulu wakho nginguNkulunkulu olomona, ngehlisela ububi baboyise ebantwaneni besizukulwana sesithathu lesesine sabangizondayo,#Eks 34:6, 7; Nani 14:18; Dute 7:9, 10 10ngibe lothando olungapheliyo ezizukulwaneni eziyinkulungwane zabangithandayo abagcina imilayo yami.
11Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala eNkosini.#Levi 19:12
12Gcina usuku lweSabatha, ulwenze lube ngcwele, njengokukulaya kwayo iNkosi uNkulunkulu wakho.#Eks 16:23–30; 31:12–14 13Uzasebenza insuku eziyisithupha, uwenze wonke umsebenzi wakho;#Eks 23:12; 31:15; 34:21; 35:2; Levi 23:3 14kodwa usuku lwesikhombisa luliSabatha leNkosi uNkulunkulu wakho; ungasebenzi ngalo wena lendodana yakho lendodakazi yakho lenceku yakho lencekukazi yakho lenkabi yakho lobabhemi wakho lezinkomo zakho, lowemzini osemzini wakho, ukuba inceku lencekukazi zakho ziphumule njengawe. 15Ukhumbule ukuthi wawuyinceku elizweni laseGibithe, lokuthi iNkosi uNkulunkulu wakho yakukhupha khona ngesandla esilamandla langengalo elamandla. Ngakhoke iNkosi uNkulunkulu wakho yakulaya ukuba ugcine usuku lweSabatha.
16Hlonipha uyihlo lonyoko, njengokukulaya kweNkosi uNkulunkulu wakho, ukuba uphile isikhathi eside, lokuba kukulungele elizweni iNkosi uNkulunkulu wakho ekunika lona.#Dute 27:16; Mat 15:4; 19:19; Mark 7:10; 10:19; Luka 18:20; Efe 6:2, 3
17Ungabulali.#Gen 9:6; Levi 24:17; Mat 5:21; 19:18; Mark 10:19; Luka 18:20; Roma 13:9; Jak 2:11
18Ungafebi.#Levi 20:10; Mat 5:27; 19:18; Mark 10:19; Luka 18:20; Roma 13:9; Jak 2:11
19Ungebi.#Levi 19:11; Mat 19:18; Mark 10:19; Luka 18:20; Roma 13:9
20Ungafakazi amanga ngomakhelwane wakho.#Eks 23:1; Mat 19:18; Mark 10:19; Luka 18:20
21Ungahawukeli umfazi kamakhelwane; ungafisi indlu kamakhelwane lensimu yakhe lenceku yakhe lencekukazi yakhe lenkabi yakhe lobabhemi wakhe lokunye okwakhe.#Roma 7:7; 13:9
Ukwesaba kwabantu
22Amazwi la iNkosi yawakhuluma ngelizwi elikhulu emhlanganweni wenu entabeni iphakathi komlilo leyezi lomnyama omkhulu; kayengezelelanga lutho kuwo. Yawaloba ematsheni amabili, yanginika wona.#Heb 12:18, 19 23Kwathi lilizwa ilizwi elivela phakathi komnyama, lentaba ivutha umlilo, lasondela kimi lina lonke zinhloko zezizwe lani lonke balisa, 24lathi: Khangelani, iNkosi uNkulunkulu wethu isitshengisile inkazimulo yayo lobukhulu bayo, salizwa lelizwi layo livela phakathi komlilo; lamhla sibonile ukuthi umuntu angakhuluma loNkulunkulu aphile. 25Ngakhoke sizafelani na? Ngoba lumlilo omkhulu uzasiqothula. Uba siphinda silizwa ilizwi leNkosi futhi, sizakufa. 26Ngoba ngubani ebantwini bonke owezwa ilizwi likaNkulunkulu ophilayo likhuluma livela emlilweni, njengalokhu silizwile thina, waphila na? 27Sondela wena, uzwe konke iNkosi uNkulunkulu wethu ezakukutsho, usitshele konke ekutshiloyo kuwe, ukuba sikuzwe, sizakukwenza.
28INkosi isiwezwile amazwi enu eliwakhulume kimi, yathi: Ngizwile amazwi alababantu abawakhulume kuwe; lokho abakukhulumileyo kuhle. 29Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini! 30Hamba uyekuthi kibo: Buyelani emathenteni enu. 31Kodwa wena, mana lapha phansi kwami, ngizakutshela yonke imithetho lezimiso lezahlulelo ozakubafundisa zona, ukuze bazenze elizweni engibanika lona libe ngelabo. 32Ngakhoke qaphelani ukuba lenze njengokulilaya kwayo iNkosi uNkulunkulu wenu; lingaphambukeli ngakwesokunene langakwesokhohlo. 33Lizakuhamba endleleni yonke iNkosi uNkulunkulu wenu elilaye yona, ukuba liphile, kulilungele, lihlale isikhathi eside elizweni elizakuba ngelenu.
Currently Selected:
Dute 5: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
