Dute 14
14
Ngezinto ezithile ezingafanele ukwenziwa emngcwabeni
1Lina lingabantwana beNkosi uNkulunkulu wenu. Kaliyikuzisika, lingaziphuculi emabunzini enu ngenxa yabafileyo.#Levi 19:28; 21:5 2Ngoba lingabantu abangcwele eNkosini yenu; ilikhethile ukuba libe ligugu layo phakathi kwezizwe zonke zasemhlabeni.#Eks 19:5, 6; Dute 4:20; 7:6; 26:18; Tit 2:14; 1 Pet 2:9
Inyamazana ezihlambulukileyo lezingahlambulukanga
3Lingabokudla ulutho olunengekayo.#Levi 11:1–47 4Yilezi inyamazana elingazidla, inkabi lemvu lembuzi, 5impala lomziki lenkolomi, lembuzi yeganga, lomtshwayeli lebhalabhala legogo. 6Lingadla zonke inyamazana ezidabule amangqina ezetshisayo. 7Kodwa kuzo ezetshisayo lakuzo ezidabule amangqina, lingadli ikamela lomvundla lembila, ngoba zona ziyetshisa kodwa kazidabulanga amangqina; zingcolile kini; 8lengulube ingcolile kini, ngoba idabule amangqina kodwa kayetshisi. Lingabokudla inyama yazo, lingathinti izidumbu zazo.
9Kuzo zonke ezihlala emanzini lingadla zonke ezilamaphiko lamaxolo. 10Kodwa lezo ezingelamaphiko lamaxolo lingazidli, ngoba zingcolile kini.
11Lingadla zonke inyoni ezihlambulukileyo. 12Kodwa yilezi elingayikuzidla, ukhozi lelinqe lengqungqulu, 13lomzwazwa, lezinhlobo zonke zabomahelwane, 14zonke inhlobo zamawabayi, 15intshe, lomandukulo, lenkanku, lezinhlobo zonke zenkozi, 16isikhova esincinyane lesikhova esikhulu, lesikhova esibamba inhlanzi, 17levuba, lelinqe elikhulu, lenyonga, 18lezinhlobo zamangabuzane, lehemu, imvenduna lolulwane. 19Zonke izibungu ezilamaphiko zingcolile kini; kazingadliwa. 20Lingadla konke okuhlambulukileyo okulamaphiko.
21Lingabokudla ulutho oluzifeleyo; lingabanika lona abezizweni abahlala emizini yenu ukuba baludle, loba liluthengise kwabezizwe; ngoba lingabantu abangcwele eNkosini uNkulunkulu wenu. Futhi lingapheki izinyane lembuzi ngochago lukanina.#Eks 23:19; 34:26
Umthetho omayelana lokwetshumi
22Iminyaka ngeminyaka lizakukhupha okwetshumi kuzo zonke izithelo zenhlanyelo yenu ezivela emasimini.#Levi 27:30–33; Nani 18:21 23Phambi kweNkosi uNkulunkulu wenu, endaweni ezakuyikhetha ukuba idunyiselwe kiyo, lizakudla okwetshumi kwamabele enu lokwewayini lenu lokwamagcobo enu, lamazibulo enkomo zenu lawezimvu zenu, ukuba lifunde ukuyesaba iNkosi uNkulunkulu wenu njalonjalo. 24Uba indlela inde kakhulu kini, lahluleke ukuletha okwetshumi kwenu ngoba ikhatshana lani indawo iNkosi uNkulunkulu wenu ezakuyikhetha ukuba idunyiselwe kiyo, lapho elibusisile, 25lizakukhupha okwetshumi kwenu ngemali, liyiphathe, liye endaweni iNkosi uNkulunkulu wenu ezakuyikhetha, 26lithenge ngaleyomali lokho elikufisayo, izinkabi loba izimvu loba iwayini loba utshwala, loba kuyini inhliziyo yenu ekufisayo; lidle khona phambi kweNkosi uNkulunkulu wenu, lithabe lina labendlu zenu. 27UmLevi ophakathi kwemizi yenu lingamkhohlwa, ngoba engelasabelo lelifa kini.
28Ngasekupheleni kweminyaka yonke emithathu lizakukhupha okwetshumi kwezithelo zenu zonke ngawona lowomnyaka, likubuthelele phakathi kwemizi yenu. 29UmLevi, lokhu engelasabelo kini, kanye lowemzini, lentandane, lomfelwakazi abaphakathi kwemizi yenu bazakuza, badle, basuthe, ukuba iNkosi uNkulunkulu wenu ilibusise kuwo wonke umsebenzi wezandla zenu.
Currently Selected:
Dute 14: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
