Kol 4
4
1Makhosi, yenzelani izigqili zenu okulungileyo lokufaneleyo, lazi ukuthi lani lileNkosi ezulwini.#Efe 6:9 2Khuthalani ekukhulekeni, lilinde kukho, libonge. 3Lisikhulekele lathi ukuba uNkulunkulu asivulele ithuba lelizwi ukuba sitshumayele imfihlakalo kaKristu engibotshwe ngenxa yayo, 4ukuze ngiyibonakalise njengalokhu ngifanele ukukhuluma. 5Hambani ngokuhlakanipha mayelana labangaphandle, lisebenzise amathuba wonke.#Efe 5:16 6Ukukhuluma kwenu kakube lomusa, kungabi duma, ukuze likwazi ukubaphendula bonke ngokufaneleyo.
Ukubingelela kwabazalwane. Isicino
(Efe 6:21, 22)
7Konke okumaqondana lami uzakulitshela uTikiko, umzalwane othandekayo lesikhonzi esithembekileyo eNkosini.#Seb 20:4; 2 Tim 4:12 #Efe 6:21, 22 8Ngimthumile kini ngakho lokhu ukuze lazi ukuthi sihlezi kanjani lokuba aduduze inhliziyo zenu. 9Ngithume uOnesimo kanye laye, umzalwane othembekileyo lothandekayo, ongomunye wakini. Bazakulazisa ngakho konke okulapha.#Filim 10–12 10Uyalibingelela uAristako oyisibotshwa kanye lami; loMarko umzawakhe kaBarnabasi, elalaywa ngaye ukuthi uba efika kini, mamukeleni,#Seb 19:29; 27:2; Filim 24; Seb 12:12, 25; 13:13; 15:37–39 11loJoshuwa othiwa nguJustusi. Yibo bodwa abokusoka abasebenzela umbuso kaNkulunkulu kanye lami, abakade beyinduduzo kimi. 12Uyalibingelela uEpafra omunye wakini, inceku kaKristu Jesu; uyalikhulekela kakhulu ngezikhathi zonke ukuba lime liphelele liqine entandweni yonke kaNkulunkulu.#Kol 1:7; Filim 23 13Ngoba ngingamfakazela ukuthi ulisebenzele kakhulu lina, labaseLawodikeya, labaseHiyerapoli. 14Uyalibingelela uLuka inyanga ethandekayo, loDema.#2 Tim 4:10, 11; Filim 24 15Bingelelani abazalwane baseLawodikeya, loNimfa kanye lebandla elisemzini wakhe. 16Nxa isifundiwe lincwadi phakathi kwenu kayifundwe lasebandleni labaseLawodikeya; lani liyifunde futhi leyo evela eLawodikeya. 17Limtshele uArkipho lithi: Qaphela inkonzo oyamukele eNkosini, ukuba uyiphelelise.#Filim 2
18Mina Pawuli ngiyaloba lokhukubingelela ngesami isandla. Khumbulani izibopho zami. Umusa kawube kini.
Currently Selected:
Kol 4: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
