پیدأیش ۵۰
۵۰
1 او وخت یوسف خؤرَه تأوٚدأ خو پِئر جینأزَه سٚر، گریه بوکوده و اونَ مأچی بٚدأ 2 بأزون فرمأن بٚدأ کی مومیأیی بوکونٚد اونٚ جینأزه‌یَ. 3 ایتأ جینأزه‌یَ مومیأیی کودنٚ کأر، چهل روج زمأت بٚردی. یعقوبٚ جینأزه مومیأیی کودنٚ پٚسی، مصرٚ مردوم هفتأد روج اونٚ رِه مأتم بیگیفتٚده.
4 او وخت کی مأتم تومأنَ بوسته یوسف بوشؤ دربأریأن ورجأ، اَشأنٚ جَا بٚخأسته کی جٚه اونی ور فرعونَ بٚگد: 5 «می پِئر مٚرَه قسم بٚدأ کی اونٚ مٚردنٚ پٚسی اونٚ جینأزه‌یَ بٚبرم کنعأن، او قبرٚ میأن بیگیلَ کونٚم کی خؤرِه آمأدَه کوده. شیمی جَا خأیٚم کی وئألید بٚشٚم و می پِئرَ بیگیلَ کونٚم. جٚه می پِئرٚ بیگیلَ کودنٚ پٚسی وأگردم.» 6 فرعون قوبیل بوکوده و یوسفَ بوگفته: «بوشو هوطؤ کی قول بٚدأیی تی پِئرَ بیگیلَ کون.» 7 پٚس یوسف رأ دکفته کی خو پِئرَ بیگیلَ کونه. تومأمٚ فرعونٚ موبأشرأن و تومأمٚ فرعونٚ خأنوأرٚ پیله‌کسأن و تومأمٚ مصرٚ سرزیمینٚ پیله‌کسأن بوشؤده اونٚ اَمرأ. 8 یوسف هطؤیم تومأمٚ خو خأنه آدمأن و خو برأرأن و تومأمٚ خو پِئرٚ خأنه آدمأنَ خو اَمرأ بٚبرده. ولی اوشأنٚ زأکأن و مألأن و گوسوٚندأن جوشنٚ میأن بِئیسأده. 9 اَرأبه‌یأن و سوأرأنٚم بوشؤده اوشأنٚ اَمرأ هطؤ بوبوسته کی ایتأ پیله دسته بوشؤ کنعأن.
10 او وخت کی فأرٚسِده اُردنٚ روخأنٚ او ور کی اطادٚ گندم جیگأ نٚهأ بو ایجگره اَمرأ گریه بوکودٚد و مأتم بیگیفتٚد و یوسف هفت روج خو پِئرٚ رِه مأتم بیگیفته. 11 او وخت کی او کنعانٚ آدمأن کی اطادٚ میأن زٚندیگی کودید اَ شیوٚن وأویلأیَ بیدِده آبِل مِصرایِم نأم بٚنأده او جأیَ و بوگفتٚده: «اَیٚه او جیگأ ایسٚه کی مصریأن پیله مأتم بیگیفتٚده.»
12 اَطؤیی، یعقوبٚ پٚسرأن هوطؤ کی اون اَشأنَ وصیت بوکوده بو، انجأم بٚدأده 13 اونٚ جینأزه‌یَ بٚبردٚده کنعانٚ سرزیمینٚ میأن، ایتأ غأرٚ میأن ممری‌یَ فأنرٚسه مکفلیه زیمین دورون بیگیلَ کودٚد کی ایبرأهیم اونَ و اونی کیشأورزی زیمینٚ اَمرأ عفرون حیتّی جَا بیهه کی خو خأنوأرٚ مزأر بٚبه. 14 جٚه اونٚ پٚسی کی یوسف خو پِئرَ بیگیلَ کوده خو برأرأن و تومأمٚ اوشأنی کی اونٚ اَمرأ بوشؤ بودٚ اَمرأ وأگردسته مصر.
یوسف مهرٚوأنی کودن خو برأرأنٚ اَمرأ
15 او وخت کی یوسفٚ برأرأن بیدِده کی اوشأنٚ پِئر بٚمٚرده، کس‌کسَ بوگفتٚده: «هسأ دِه یوسف او نأجورٚ کردکأرأنٚ اینتقأمَ کی اونَ بوکودیمَ اَمی جَا فأگیره.» 16 پٚس اَ پیغأمَ یوسفٚ رِه اوسه کودٚد: «تی پِئر پیشتر جٚه اَنکی بیمیره اَطؤ چی وصیت بوکوده: 17 "یوسفَ بیگید: تی جَا خأهیش کونٚم تی برأرأنٚ گونأ جَا کی تٚرَه بد بوکودٚد دٚوأری و اوشأنٚ گونأیَ بٚبخشی." هسأ اَمأن، تی پِئر خودا بنده‌یأن، تی جَا ایلتمأس کونیم کی اَمٚرَه بٚبخشی.» او وخت کی یوسف اَ پیغأمَ بٚشتأوٚسته زأر زأر گریه بوکود.
18 او وخت اونٚ برأرأن بأمؤده بٚکفتٚده اونٚ پأ جیر و بوگفتٚده: «اَمأن تی غولأمیم.»
19 ولی یوسف اَشأنَ بوگفته: «کی می جَا نوأترسِنید مگه من خودایٚم؟ 20 دوروسته کی شومأن مٚرَه بدی بوکودید، ولی خودا شیمی نأجورٚ کأرَ مِرِه خُبی اَمرأ عوضَ کوده هطؤ کی فأندرٚستأندریدی اَ موقأمٚ میأن مٚرَه فأرٚسأنه کی خٚیلی آدمأنَ ویشتأیی مٚردنٚ جَا نیجأت بٚدم. 21 پٚس می جَا نوأترسنید. من شیمی جَا و شیمی خأنوأرأنٚ جَا مورأقبت کونٚم.» اون مهرٚوأنی اَمرأ اوشأنٚ اَمرأ گب بٚزِه و اوشأنٚ خیألَ رأحتَ بوسته.
یوسفٚ مرگ
22 یوسف و اونی برأرأن و اوشأن خأنوأرأن هوطؤ پیشتر مأنستَن مصر میأن خوشأنٚ زٚندیگی‌یَ بوکودٚد. یوسف صد و ده سأل زٚندیگی بوکود. 23 اون بتأنسته کی افرایمٚ زأکأنٚ سه‌تأ نتأجَ بیدینه و هطؤیم بٚتأنسته ماخیرٚ زأکأنَ کی منسأ پٚسر کی یوسفٚ زأکأن بٚحیسأب اَمؤییدی بودونیأ اَمؤنَ شأهید بٚبه.
24 یوسف خو برأرأنَ بوگفته: «من پور دِه بأقی نییٚه کی من بیمیرم شک نأرٚم کی خودا شٚمٚره مصرٚ جَا بٚره کنعأن، او وعده بٚدأ سرزیمینٚ میأن کی ایبرأهیم و ایسحأق و یعقوبٚ نتأجَ بٚدأ بو.» 25 بأزون یوسف خو برأرأنَ قسم بٚدأ، بوگفته: «او وخت کی خودا شٚمٚره بٚره کنعانٚ ور، می خأشأنَم بٚبٚرید شیمی اَمرأ.»
26 یوسف صد و ده سأل دأشتی کی مصرٚ میأن بٚمٚرده و اونٚ جینأزه‌یَ مومیأیی بوکودٚد و بٚنأده تأبوتٚ میأن.
Currently Selected:
پیدأیش ۵۰: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۵۰
۵۰
1 او وخت یوسف خؤرَه تأوٚدأ خو پِئر جینأزَه سٚر، گریه بوکوده و اونَ مأچی بٚدأ 2 بأزون فرمأن بٚدأ کی مومیأیی بوکونٚد اونٚ جینأزه‌یَ. 3 ایتأ جینأزه‌یَ مومیأیی کودنٚ کأر، چهل روج زمأت بٚردی. یعقوبٚ جینأزه مومیأیی کودنٚ پٚسی، مصرٚ مردوم هفتأد روج اونٚ رِه مأتم بیگیفتٚده.
4 او وخت کی مأتم تومأنَ بوسته یوسف بوشؤ دربأریأن ورجأ، اَشأنٚ جَا بٚخأسته کی جٚه اونی ور فرعونَ بٚگد: 5 «می پِئر مٚرَه قسم بٚدأ کی اونٚ مٚردنٚ پٚسی اونٚ جینأزه‌یَ بٚبرم کنعأن، او قبرٚ میأن بیگیلَ کونٚم کی خؤرِه آمأدَه کوده. شیمی جَا خأیٚم کی وئألید بٚشٚم و می پِئرَ بیگیلَ کونٚم. جٚه می پِئرٚ بیگیلَ کودنٚ پٚسی وأگردم.» 6 فرعون قوبیل بوکوده و یوسفَ بوگفته: «بوشو هوطؤ کی قول بٚدأیی تی پِئرَ بیگیلَ کون.» 7 پٚس یوسف رأ دکفته کی خو پِئرَ بیگیلَ کونه. تومأمٚ فرعونٚ موبأشرأن و تومأمٚ فرعونٚ خأنوأرٚ پیله‌کسأن و تومأمٚ مصرٚ سرزیمینٚ پیله‌کسأن بوشؤده اونٚ اَمرأ. 8 یوسف هطؤیم تومأمٚ خو خأنه آدمأن و خو برأرأن و تومأمٚ خو پِئرٚ خأنه آدمأنَ خو اَمرأ بٚبرده. ولی اوشأنٚ زأکأن و مألأن و گوسوٚندأن جوشنٚ میأن بِئیسأده. 9 اَرأبه‌یأن و سوأرأنٚم بوشؤده اوشأنٚ اَمرأ هطؤ بوبوسته کی ایتأ پیله دسته بوشؤ کنعأن.
10 او وخت کی فأرٚسِده اُردنٚ روخأنٚ او ور کی اطادٚ گندم جیگأ نٚهأ بو ایجگره اَمرأ گریه بوکودٚد و مأتم بیگیفتٚد و یوسف هفت روج خو پِئرٚ رِه مأتم بیگیفته. 11 او وخت کی او کنعانٚ آدمأن کی اطادٚ میأن زٚندیگی کودید اَ شیوٚن وأویلأیَ بیدِده آبِل مِصرایِم نأم بٚنأده او جأیَ و بوگفتٚده: «اَیٚه او جیگأ ایسٚه کی مصریأن پیله مأتم بیگیفتٚده.»
12 اَطؤیی، یعقوبٚ پٚسرأن هوطؤ کی اون اَشأنَ وصیت بوکوده بو، انجأم بٚدأده 13 اونٚ جینأزه‌یَ بٚبردٚده کنعانٚ سرزیمینٚ میأن، ایتأ غأرٚ میأن ممری‌یَ فأنرٚسه مکفلیه زیمین دورون بیگیلَ کودٚد کی ایبرأهیم اونَ و اونی کیشأورزی زیمینٚ اَمرأ عفرون حیتّی جَا بیهه کی خو خأنوأرٚ مزأر بٚبه. 14 جٚه اونٚ پٚسی کی یوسف خو پِئرَ بیگیلَ کوده خو برأرأن و تومأمٚ اوشأنی کی اونٚ اَمرأ بوشؤ بودٚ اَمرأ وأگردسته مصر.
یوسف مهرٚوأنی کودن خو برأرأنٚ اَمرأ
15 او وخت کی یوسفٚ برأرأن بیدِده کی اوشأنٚ پِئر بٚمٚرده، کس‌کسَ بوگفتٚده: «هسأ دِه یوسف او نأجورٚ کردکأرأنٚ اینتقأمَ کی اونَ بوکودیمَ اَمی جَا فأگیره.» 16 پٚس اَ پیغأمَ یوسفٚ رِه اوسه کودٚد: «تی پِئر پیشتر جٚه اَنکی بیمیره اَطؤ چی وصیت بوکوده: 17 "یوسفَ بیگید: تی جَا خأهیش کونٚم تی برأرأنٚ گونأ جَا کی تٚرَه بد بوکودٚد دٚوأری و اوشأنٚ گونأیَ بٚبخشی." هسأ اَمأن، تی پِئر خودا بنده‌یأن، تی جَا ایلتمأس کونیم کی اَمٚرَه بٚبخشی.» او وخت کی یوسف اَ پیغأمَ بٚشتأوٚسته زأر زأر گریه بوکود.
18 او وخت اونٚ برأرأن بأمؤده بٚکفتٚده اونٚ پأ جیر و بوگفتٚده: «اَمأن تی غولأمیم.»
19 ولی یوسف اَشأنَ بوگفته: «کی می جَا نوأترسِنید مگه من خودایٚم؟ 20 دوروسته کی شومأن مٚرَه بدی بوکودید، ولی خودا شیمی نأجورٚ کأرَ مِرِه خُبی اَمرأ عوضَ کوده هطؤ کی فأندرٚستأندریدی اَ موقأمٚ میأن مٚرَه فأرٚسأنه کی خٚیلی آدمأنَ ویشتأیی مٚردنٚ جَا نیجأت بٚدم. 21 پٚس می جَا نوأترسنید. من شیمی جَا و شیمی خأنوأرأنٚ جَا مورأقبت کونٚم.» اون مهرٚوأنی اَمرأ اوشأنٚ اَمرأ گب بٚزِه و اوشأنٚ خیألَ رأحتَ بوسته.
یوسفٚ مرگ
22 یوسف و اونی برأرأن و اوشأن خأنوأرأن هوطؤ پیشتر مأنستَن مصر میأن خوشأنٚ زٚندیگی‌یَ بوکودٚد. یوسف صد و ده سأل زٚندیگی بوکود. 23 اون بتأنسته کی افرایمٚ زأکأنٚ سه‌تأ نتأجَ بیدینه و هطؤیم بٚتأنسته ماخیرٚ زأکأنَ کی منسأ پٚسر کی یوسفٚ زأکأن بٚحیسأب اَمؤییدی بودونیأ اَمؤنَ شأهید بٚبه.
24 یوسف خو برأرأنَ بوگفته: «من پور دِه بأقی نییٚه کی من بیمیرم شک نأرٚم کی خودا شٚمٚره مصرٚ جَا بٚره کنعأن، او وعده بٚدأ سرزیمینٚ میأن کی ایبرأهیم و ایسحأق و یعقوبٚ نتأجَ بٚدأ بو.» 25 بأزون یوسف خو برأرأنَ قسم بٚدأ، بوگفته: «او وخت کی خودا شٚمٚره بٚره کنعانٚ ور، می خأشأنَم بٚبٚرید شیمی اَمرأ.»
26 یوسف صد و ده سأل دأشتی کی مصرٚ میأن بٚمٚرده و اونٚ جینأزه‌یَ مومیأیی بوکودٚد و بٚنأده تأبوتٚ میأن.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org