پیدأیش ۴۹
۴۹
یعقوبٚ آخری گبأن
1 او وخت یعقوب خو پٚسرأنَ دؤخأده و اَشأنَ بوگفته: «می دور جمَ بید کی او چی‌یَ کی دونبألتر شیمی سٚر اَیٚه شِمِره وأگویا بوکونٚم 2 اَی یعقوبٚ پٚسرأن شیمی پِئر ایسرأییلٚ گبأنَ خُب بٚشتأوید.
3 «رئوبین، تو می پیله پٚسری! تومأمٚ می زور و می قودرتٚ نوبری! تو همٚتأنٚ میأن قودرت و موقأمٚ جَا بوجؤرتر ایسی، 4 ولی دریأ وأشی موجأنٚ مأنستَن، جوشٚ خوروش زٚنی. جٚه اَنٚ پٚسی تو دِه البأقئنٚ جَا بوجؤرتر نییی چونکی می ایتأ زنأکأن اَمرأ بوخوفتی و می آبرویَ بٚبردی.
5 «شمعون و لاوی، شومأن کس‌کسَ مأنیدی، او مردأکأن ایسید کی رحم و اینصأف نأرید. 6 من هیوخت شیریک نٚبم شیمی پٚلیدٚ نقشه‌یأنٚ میأن چونکی آدمأنَ شیمی غیظٚ جَا بوکوشتید و خودتأنٚ کله اَمرأ گأبأن پأیأنٚ رگَ وأوِئیدی. 7 شیمی غیظٚ رو لعنت بٚبه کی اَطؤچی شدت دأره و هیذره رحم نأره. من شیمی نتأج ایسرأییلٚ سرزیمینٚ اَسٚر تأ اوسٚرَ میأن دؤرشین وأرشینَ کونٚم.
8 «اَی یوهودأ، تی برأرأن تٚرَه ستأیٚش کونٚده. تو وأتٚرکأنی تی دوشمنأنَ 9 یوهودأ ایتأ شیر کوته مأنستَن ایسٚه کی شیکأرٚ جَا وأگردسته و خوفته، هسأ کی تأنه خوفتنٚ جَا اونَ ویریزأنه؟ 10 پأدیشأیی عصأ یوهودأ جَا دورَ نیبه و هطؤیم پأدیشأیی چؤگأن اونٚ زأکأنٚ جَا دورَ نیبه، تأ او وخت کی شیلو بأیٚه، کی تومأمٚ قومأن اونَ ایطأعت کونٚده. 11 خو اولأغَ دٚوٚده بِیترین رٚزٚ دأرَ و خو شرأبٚ میأن خو رختَ شوره. 12 اونٚ چومأن شرأبٚ جَا تأرتٚرَ به و اونٚ گأزأن شیرٚ جَا سیفیدترَ بِه.
13 «زِبولون دریأ کنأرٚ میأن سأمأن گیره و ایتأ بندر کشتیأنٚ رِه بِه و اونی مرزأن تأ صیدونٚ ور شِه.
14 «یِساکار ایتأ پور زورٚ حمألَ حیوأن ایسٚه کی خو بأر جیر خوفته 15 او وخت کی دینه اویَه کی خوفته خوش‌خوشأ‌نه، کأر کونه و بیگأری ور فأکشه بِه ایتأ غولأم مأنستَن.
16 «دان ایتأ جٚه ایسرأییلٚ قومأنٚ مأنستَن خو قومَ دأوری کونه. 17 اون، رأ سٚرٚ لأنتی مأنستَن ایسٚه، اسبأنٚ پأ بوزَ گزه کی اوشأنٚ سوأرأن بٚکفٚد. 18 خوداوندا، تی نیجأتٚ رأفأ ایسأم.
19 «دوزدأن جادَ فوتورکده، ولی او وخت کی اوشأن پٚسأ پٚسأ بٚشٚد اونٚ اوشأنَ فوتورکه.
20 «اشیر ایتأ پور مأصولٚ سرزیمین اَنٚ شین بِه و پأدیشأیأنٚ رِه اونٚ مأصولٚ جَا خوردنی چأکونه.
21 «نفتألی ایتأ آزأدٚ آهو ایسٚه کی قشنگٚ کوتأن چأکونه.
22 «یوسف ایتأ پور مأصولٚ دأر ایتأ روخأنٚ ورجأ ایسٚه کی تومأمٚ دؤرٚوٚر اونٚ خألأنٚ سأیه دکفته. 23 دوشمنأن اونَ فوتورکستٚده و خوشأنٚ تیرأنٚ اَمرأ اونَ زخم بٚزِده. 24 ولی او یعقوبٚ خودا دٚسٚ اَمرأ کی قأدیر و ایسرأییلٚ رِه شبأن و صخره ایسٚه، اونٚ کمأن خو جأ سٚر بمأنسته و اونٚ بألأن پورزورَ بوستد. 25 بٚبه کی او خودا کی قأدیر ایسٚه، تی پِئرٚ خودا، تٚرَه یاور بٚبه و تٚرَه برکت فأده آسمأن و زیمینٚ جَا و تی زأکأنَ زیأدَ کونه. 26 تی پِئرٚ برکت قدیمٚ کوهأنٚ مأصولأنٚ جَا پیله‌تر ایسٚه. تومأم اَ برکتأن یوسف رو بینیشینه، کی خو برأرأنٚ میأن اینتخأب بوبوسته.
27 «بنیامین ایتأ وأشی گورگ ایسٚه کی صُب دٚمأن خو دوشمنأنَ فٚوٚرِه و شب اونچی کی بدوزأنه‌یَ تؤخس کونه.»
28 اَن یعقوبٚ برکتأن بو کی فأدٚه خو پٚسرأنَ کی ایسرأییلٚ دوأزده‌تأ قومأنَ چأکودٚد.
یعقوبٚ مٚردن
29 بأزون یعقوب اَطؤ وصیت بوکوده: «من زوتری میرٚم و می پیله‌بابایأنَ دوچوکم. شومأ می جینأزه‌یَ بٚبرید کنعأن، او غأرٚ میأن کی عِفرون حیتی زیمینٚ میأن نٚهأ می پِئرأنٚ ورجأ بیگیلَ کونید، 30 هو غأر کی ممری نیزدیکی، مکفیله زیمینٚ میأن نٚهأ و ایبرأهیم اون و اونٚ کیشأورزی زیمینٚ اَمرأ عفرون حیتّی جَا بیهه اونٚ خأنوأرٚ رِه مزأر بٚبه. 31 اویَه ایبرأهیم و اونی زن سارا، ایسحأق و اونی زن ربکا بیگیلَ بوستٚد منم لیه‌یَ هویه بیگیلَ کودم. 32 می پیله‌بابا ایبرأهیم هنٚ وأسی حیتّیأنٚ جَا او غأر و اونی کیشأورزی زیمینَ بیهه.»
33 بأزون کی یعقوب اَ وصیتَ خو پٚسرأنٚ اَمرأ تومأنَ کوده، خو خوفتن جیگأ میأن درأزَ کشٚه، جأن بٚدأ و خو پیله‌بابایأنَ دوچوکسته.
Currently Selected:
پیدأیش ۴۹: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۴۹
۴۹
یعقوبٚ آخری گبأن
1 او وخت یعقوب خو پٚسرأنَ دؤخأده و اَشأنَ بوگفته: «می دور جمَ بید کی او چی‌یَ کی دونبألتر شیمی سٚر اَیٚه شِمِره وأگویا بوکونٚم 2 اَی یعقوبٚ پٚسرأن شیمی پِئر ایسرأییلٚ گبأنَ خُب بٚشتأوید.
3 «رئوبین، تو می پیله پٚسری! تومأمٚ می زور و می قودرتٚ نوبری! تو همٚتأنٚ میأن قودرت و موقأمٚ جَا بوجؤرتر ایسی، 4 ولی دریأ وأشی موجأنٚ مأنستَن، جوشٚ خوروش زٚنی. جٚه اَنٚ پٚسی تو دِه البأقئنٚ جَا بوجؤرتر نییی چونکی می ایتأ زنأکأن اَمرأ بوخوفتی و می آبرویَ بٚبردی.
5 «شمعون و لاوی، شومأن کس‌کسَ مأنیدی، او مردأکأن ایسید کی رحم و اینصأف نأرید. 6 من هیوخت شیریک نٚبم شیمی پٚلیدٚ نقشه‌یأنٚ میأن چونکی آدمأنَ شیمی غیظٚ جَا بوکوشتید و خودتأنٚ کله اَمرأ گأبأن پأیأنٚ رگَ وأوِئیدی. 7 شیمی غیظٚ رو لعنت بٚبه کی اَطؤچی شدت دأره و هیذره رحم نأره. من شیمی نتأج ایسرأییلٚ سرزیمینٚ اَسٚر تأ اوسٚرَ میأن دؤرشین وأرشینَ کونٚم.
8 «اَی یوهودأ، تی برأرأن تٚرَه ستأیٚش کونٚده. تو وأتٚرکأنی تی دوشمنأنَ 9 یوهودأ ایتأ شیر کوته مأنستَن ایسٚه کی شیکأرٚ جَا وأگردسته و خوفته، هسأ کی تأنه خوفتنٚ جَا اونَ ویریزأنه؟ 10 پأدیشأیی عصأ یوهودأ جَا دورَ نیبه و هطؤیم پأدیشأیی چؤگأن اونٚ زأکأنٚ جَا دورَ نیبه، تأ او وخت کی شیلو بأیٚه، کی تومأمٚ قومأن اونَ ایطأعت کونٚده. 11 خو اولأغَ دٚوٚده بِیترین رٚزٚ دأرَ و خو شرأبٚ میأن خو رختَ شوره. 12 اونٚ چومأن شرأبٚ جَا تأرتٚرَ به و اونٚ گأزأن شیرٚ جَا سیفیدترَ بِه.
13 «زِبولون دریأ کنأرٚ میأن سأمأن گیره و ایتأ بندر کشتیأنٚ رِه بِه و اونی مرزأن تأ صیدونٚ ور شِه.
14 «یِساکار ایتأ پور زورٚ حمألَ حیوأن ایسٚه کی خو بأر جیر خوفته 15 او وخت کی دینه اویَه کی خوفته خوش‌خوشأ‌نه، کأر کونه و بیگأری ور فأکشه بِه ایتأ غولأم مأنستَن.
16 «دان ایتأ جٚه ایسرأییلٚ قومأنٚ مأنستَن خو قومَ دأوری کونه. 17 اون، رأ سٚرٚ لأنتی مأنستَن ایسٚه، اسبأنٚ پأ بوزَ گزه کی اوشأنٚ سوأرأن بٚکفٚد. 18 خوداوندا، تی نیجأتٚ رأفأ ایسأم.
19 «دوزدأن جادَ فوتورکده، ولی او وخت کی اوشأن پٚسأ پٚسأ بٚشٚد اونٚ اوشأنَ فوتورکه.
20 «اشیر ایتأ پور مأصولٚ سرزیمین اَنٚ شین بِه و پأدیشأیأنٚ رِه اونٚ مأصولٚ جَا خوردنی چأکونه.
21 «نفتألی ایتأ آزأدٚ آهو ایسٚه کی قشنگٚ کوتأن چأکونه.
22 «یوسف ایتأ پور مأصولٚ دأر ایتأ روخأنٚ ورجأ ایسٚه کی تومأمٚ دؤرٚوٚر اونٚ خألأنٚ سأیه دکفته. 23 دوشمنأن اونَ فوتورکستٚده و خوشأنٚ تیرأنٚ اَمرأ اونَ زخم بٚزِده. 24 ولی او یعقوبٚ خودا دٚسٚ اَمرأ کی قأدیر و ایسرأییلٚ رِه شبأن و صخره ایسٚه، اونٚ کمأن خو جأ سٚر بمأنسته و اونٚ بألأن پورزورَ بوستد. 25 بٚبه کی او خودا کی قأدیر ایسٚه، تی پِئرٚ خودا، تٚرَه یاور بٚبه و تٚرَه برکت فأده آسمأن و زیمینٚ جَا و تی زأکأنَ زیأدَ کونه. 26 تی پِئرٚ برکت قدیمٚ کوهأنٚ مأصولأنٚ جَا پیله‌تر ایسٚه. تومأم اَ برکتأن یوسف رو بینیشینه، کی خو برأرأنٚ میأن اینتخأب بوبوسته.
27 «بنیامین ایتأ وأشی گورگ ایسٚه کی صُب دٚمأن خو دوشمنأنَ فٚوٚرِه و شب اونچی کی بدوزأنه‌یَ تؤخس کونه.»
28 اَن یعقوبٚ برکتأن بو کی فأدٚه خو پٚسرأنَ کی ایسرأییلٚ دوأزده‌تأ قومأنَ چأکودٚد.
یعقوبٚ مٚردن
29 بأزون یعقوب اَطؤ وصیت بوکوده: «من زوتری میرٚم و می پیله‌بابایأنَ دوچوکم. شومأ می جینأزه‌یَ بٚبرید کنعأن، او غأرٚ میأن کی عِفرون حیتی زیمینٚ میأن نٚهأ می پِئرأنٚ ورجأ بیگیلَ کونید، 30 هو غأر کی ممری نیزدیکی، مکفیله زیمینٚ میأن نٚهأ و ایبرأهیم اون و اونٚ کیشأورزی زیمینٚ اَمرأ عفرون حیتّی جَا بیهه اونٚ خأنوأرٚ رِه مزأر بٚبه. 31 اویَه ایبرأهیم و اونی زن سارا، ایسحأق و اونی زن ربکا بیگیلَ بوستٚد منم لیه‌یَ هویه بیگیلَ کودم. 32 می پیله‌بابا ایبرأهیم هنٚ وأسی حیتّیأنٚ جَا او غأر و اونی کیشأورزی زیمینَ بیهه.»
33 بأزون کی یعقوب اَ وصیتَ خو پٚسرأنٚ اَمرأ تومأنَ کوده، خو خوفتن جیگأ میأن درأزَ کشٚه، جأن بٚدأ و خو پیله‌بابایأنَ دوچوکسته.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org