خروج ۱
۱
ایسرأییلٚ قومٚ بٚرده بوستن مصرٚ میأن
1 اَشأن ایسرأییلٚ (هو یعقوب ایسٚه) پٚسرأنٚ نأم ایسٚه کی خوشأنٚ خأنوأرَ اوسأدٚد و اونی اَمرأ بوشؤده مصرٚ میأن: 2 رئوبین، شمعون، لاوی، یوهودأ، 3 یساکار، زبولون، بنیامین، 4 دان، نفتالی، جاد و اشیر. 5 اوشأنی کی بوشؤده مصرٚ میأن هفتأد نفر بوستید. یوسف پیشتر جٚه اون بوشؤ بو مصرٚ میأن.
6 چن سأل بوبوسته و اَ زمأتٚ میأن یوسف و اونی برأرأن و تومأمٚ او نتأجٚ آدمأن بٚمٚردٚد. 7 ولی اَشأنٚ نتأجٚ جَا او زأکأن کی بودونیأ بأمؤده خٚیلی توند زیأدَ بوستد و ایتأ پیله قوم چأکودٚد تأ اویَه کی مصرٚ سرزیمین اَشأنٚ جَا پورَ بوسته. 8 بأزون، مصرٚ میأن ایتأ پأدیشأ بأمؤ کأرٚ سٚر کی یوسفَ نشنأختی و خٚوٚر نأشتی کی اون چندر خیدمت بوکوده. 9 اون مردومَ بوگفته: «هر روج اَمی سرزیمینٚ میأن بنی‌ایسرأییلٚ آدم نفرأن زیأدَ بِه و تأنٚده اَمِرِه خطرنأک بٚبد. 10 هنٚ وأسی بأیید اَشأنٚ زیأدَ نوبوستنٚ رِه ایتأ چأره بیدینیم چونکی اگه جنگ بٚبه، اوشأن اَمی دوشمنأنَ اَمرأ ایتأ بٚده و اَمی ضد جنگده و اَمی سرزیمینٚ جَا جیویزٚده.»
11 پٚس مصریأن، ایسرأییلٚ مردومَ خوشأنٚ بٚرده چأکودٚد و هنٚ وأسی کی اَشأنَ مجبوری کأرٚ اَمرأ فشأرٚ میأن بٚند، اَشأنٚ سٚر چنتأ مأمور بٚنأده. ایسرأییلیأن خورأکٚ تیلنبأر کودنٚ وأسی، فیتوم و رَمِسیسٚ شهرأنَ فرعونٚ رِه چأکودٚد. 12 اَنٚ اَمرأ کی مصریأن هر روج ویشتر فیشأر اَوٚردید، ایسرأییلیأنٚ آدم نفرأن هر روج ویشترَ بوستی. مصریأنَ اَ مأجیرأ وأسی ترسَ گیفته. 13 هنٚ وأسی، اوشأنَ ویشتر فیشأر بأوٚردٚد، 14 ایجور کی ایسرأییلٚ مردوم بٚرده بوستنٚ عذأبٚ جَا بٚتنگ بأمؤده، چونکی اَشأنَ زورٚ اَمرأ بیأبأنٚ دورون ایجور کأر فأکشِیید کی زألأش اَوٚردید و وأستی چَل و خشتَ او شهرأنٚ چأکودنٚ رِه آمأدَه کوده بید.
15 اَنَ بٚنیم کنأر، مصرٚ پأدیشأ، فرعون، عبرانی قأبیله‌یأن، شفره و فوعه‌یَ دستور بٚدأ، 16 بوگفته: «عبرانی زنأکأنٚ زأئأن زمأت کی اوشأنَ یاور دٚئیدی کی خوشأنٚ زأکأنَ بٚزأیٚد، بیدینید اگه پٚسر بو، اونَ بوکوشید؛ ولی اگه دؤختر بو وئألید زٚنده بِئیسه.» 17 ولی قأبیله‌یأن خودا جَا بٚترسِئده و فرعونٚ دستورَ انجأم ندأده و تأزه بودونیأ بأمؤ پٚسرأنم زٚنده بدأشتد. 18 پٚس فرعون اَشأنَ دؤخأده و وأوٚرسِه: «چٚره می دستورَ انجأم ندأیید؟ چٚره ایسرأییلی پٚسرأنَ نوکوشتید؟»
19 اوشأن جوأب بٚدأده: «اَی پأدیشأ، ایسرأییلٚ زنأکأن مصرٚ زنأکأنٚ مأنستَن بی چنگ و موشت نییٚد؛ قابیله فأرٚسِئن جَا پیشتر، اوشأن زأیٚده.»
20 پٚس خودا لوطف اَ قأبیله‌یأنٚ سٚر بأمؤ و بنی‌ایسرأییلٚ آدم نفرأن ویشترَ بو و اَشأنٚ قودرتٚم ویشترَ بوسته. 21 و چونکی قأبیله‌یأن خودا جَا بٚترسِئده، خودایٚم اوشأنَ خأنوأر فأدأ. 22 پٚس فرعون ایوأردِه خو مردومَ اَطؤ دستور بٚدأ: «جٚه اَنٚ پٚسی هرتأ ایسرأییلی تأزه بودونیأ بأمؤ پٚسرَ تأوٚدید نیلٚ روخأنٚ میأن؛ ولی دؤخترأنَ زٚنده بٚدأرید.»
Currently Selected:
خروج ۱: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۱
۱
ایسرأییلٚ قومٚ بٚرده بوستن مصرٚ میأن
1 اَشأن ایسرأییلٚ (هو یعقوب ایسٚه) پٚسرأنٚ نأم ایسٚه کی خوشأنٚ خأنوأرَ اوسأدٚد و اونی اَمرأ بوشؤده مصرٚ میأن: 2 رئوبین، شمعون، لاوی، یوهودأ، 3 یساکار، زبولون، بنیامین، 4 دان، نفتالی، جاد و اشیر. 5 اوشأنی کی بوشؤده مصرٚ میأن هفتأد نفر بوستید. یوسف پیشتر جٚه اون بوشؤ بو مصرٚ میأن.
6 چن سأل بوبوسته و اَ زمأتٚ میأن یوسف و اونی برأرأن و تومأمٚ او نتأجٚ آدمأن بٚمٚردٚد. 7 ولی اَشأنٚ نتأجٚ جَا او زأکأن کی بودونیأ بأمؤده خٚیلی توند زیأدَ بوستد و ایتأ پیله قوم چأکودٚد تأ اویَه کی مصرٚ سرزیمین اَشأنٚ جَا پورَ بوسته. 8 بأزون، مصرٚ میأن ایتأ پأدیشأ بأمؤ کأرٚ سٚر کی یوسفَ نشنأختی و خٚوٚر نأشتی کی اون چندر خیدمت بوکوده. 9 اون مردومَ بوگفته: «هر روج اَمی سرزیمینٚ میأن بنی‌ایسرأییلٚ آدم نفرأن زیأدَ بِه و تأنٚده اَمِرِه خطرنأک بٚبد. 10 هنٚ وأسی بأیید اَشأنٚ زیأدَ نوبوستنٚ رِه ایتأ چأره بیدینیم چونکی اگه جنگ بٚبه، اوشأن اَمی دوشمنأنَ اَمرأ ایتأ بٚده و اَمی ضد جنگده و اَمی سرزیمینٚ جَا جیویزٚده.»
11 پٚس مصریأن، ایسرأییلٚ مردومَ خوشأنٚ بٚرده چأکودٚد و هنٚ وأسی کی اَشأنَ مجبوری کأرٚ اَمرأ فشأرٚ میأن بٚند، اَشأنٚ سٚر چنتأ مأمور بٚنأده. ایسرأییلیأن خورأکٚ تیلنبأر کودنٚ وأسی، فیتوم و رَمِسیسٚ شهرأنَ فرعونٚ رِه چأکودٚد. 12 اَنٚ اَمرأ کی مصریأن هر روج ویشتر فیشأر اَوٚردید، ایسرأییلیأنٚ آدم نفرأن هر روج ویشترَ بوستی. مصریأنَ اَ مأجیرأ وأسی ترسَ گیفته. 13 هنٚ وأسی، اوشأنَ ویشتر فیشأر بأوٚردٚد، 14 ایجور کی ایسرأییلٚ مردوم بٚرده بوستنٚ عذأبٚ جَا بٚتنگ بأمؤده، چونکی اَشأنَ زورٚ اَمرأ بیأبأنٚ دورون ایجور کأر فأکشِیید کی زألأش اَوٚردید و وأستی چَل و خشتَ او شهرأنٚ چأکودنٚ رِه آمأدَه کوده بید.
15 اَنَ بٚنیم کنأر، مصرٚ پأدیشأ، فرعون، عبرانی قأبیله‌یأن، شفره و فوعه‌یَ دستور بٚدأ، 16 بوگفته: «عبرانی زنأکأنٚ زأئأن زمأت کی اوشأنَ یاور دٚئیدی کی خوشأنٚ زأکأنَ بٚزأیٚد، بیدینید اگه پٚسر بو، اونَ بوکوشید؛ ولی اگه دؤختر بو وئألید زٚنده بِئیسه.» 17 ولی قأبیله‌یأن خودا جَا بٚترسِئده و فرعونٚ دستورَ انجأم ندأده و تأزه بودونیأ بأمؤ پٚسرأنم زٚنده بدأشتد. 18 پٚس فرعون اَشأنَ دؤخأده و وأوٚرسِه: «چٚره می دستورَ انجأم ندأیید؟ چٚره ایسرأییلی پٚسرأنَ نوکوشتید؟»
19 اوشأن جوأب بٚدأده: «اَی پأدیشأ، ایسرأییلٚ زنأکأن مصرٚ زنأکأنٚ مأنستَن بی چنگ و موشت نییٚد؛ قابیله فأرٚسِئن جَا پیشتر، اوشأن زأیٚده.»
20 پٚس خودا لوطف اَ قأبیله‌یأنٚ سٚر بأمؤ و بنی‌ایسرأییلٚ آدم نفرأن ویشترَ بو و اَشأنٚ قودرتٚم ویشترَ بوسته. 21 و چونکی قأبیله‌یأن خودا جَا بٚترسِئده، خودایٚم اوشأنَ خأنوأر فأدأ. 22 پٚس فرعون ایوأردِه خو مردومَ اَطؤ دستور بٚدأ: «جٚه اَنٚ پٚسی هرتأ ایسرأییلی تأزه بودونیأ بأمؤ پٚسرَ تأوٚدید نیلٚ روخأنٚ میأن؛ ولی دؤخترأنَ زٚنده بٚدأرید.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org