پیدأیش ۴۸
۴۸
یعقوب افرایم و منسأیَ برکت دِهه
1 ایتأ زمأتٚ پٚسی یوسفَ وأخٚوٚرَ کودٚد کی اونی پِئر خٚیلی نأخوش ایسٚه پٚس خو پِئرٚ دئنٚ رِه خو دوتأ پٚسرأن منسأ و افرایمَ اوسأده و بوشؤ. 2 چونکی یعقوب، یوسفٚ اَمؤنٚ خٚوٚرَ بٚشتأوٚسته، خو جمَ کوده زور و قوّتٚ اَمرأ بینیشته خو خوفتن جیگأ میأن 3 اون یوسفَ بوگفته: «او خودا کی قأدیرٚ موطلق ایسٚه کنعانٚ لوزٚ میأن مٚرَه آشیکأرَ بوسته و مٚرَه برکت بٚدأ. 4 اون مٚرَه بٚفرمأسته: "تٚرَه خٚیلی زأی فأدٚم و دٚدأر تی نتأجٚ جَا خٚیلی قومأن چأکونم و اَ سرزیمینَ فأدٚم تی نتأجَ کی اَشأنٚ اَبدی مِلک بٚبه." 5 اَسه تی دو تأ پٚسرأن منسأ و افرایم کی پیشتر جٚه می اَمؤن، مصرٚ میأن بودونیأ بأمؤده، می زأکأن رئوبین و شمعونٚ مأنستَن می وأرث بٚده. 6 ولی او زأکأن کی جٚه اَنٚ پٚسی تِرِه بٚزأی بٚبد، تی شین ایسٚد و افرایم و منسأ ارثٚ جَا سأم بٚرٚده. 7 من، تی مأر راحیلٚ وأسی اَ کأرَ کونٚم. می بیرون اَمؤنٚ پٚسی فَدّان اَرامٚ جَا اون افراتَ فأنرٚسه رأ دورون بٚمٚرده و منم اونَ اویَه افراتٚ رأ کنأرَه بیگیلَ کودم.» (افرات هو بیت‌لحمٚ ایسه.)
8 او وخت کی یعقوب یوسفٚ پٚسرأنَ بیدِه اونٚ جَا وأوٚرسه: «ینی اَشأن تی پٚسرأنٚده؟» 9 یوسف بوگفته: «هطؤیه، اَشأن می پٚسرأنٚده کی خودا اوشأنَ مصرٚ میأن مٚرَه بٚبخشه.» یعقوب بوگفته: «اوشأنَ بأوٚر می ورجأ کی اوشأنَ برکت فأدٚم.»
10 یعقوبٚ چومأن پیری وأسی سو نأشتی و تأرَ بوسته بو و خُب دِئن نتأنستی. پٚس یوسف خو پٚسرأنَ بأوٚرده اونی ورجأ. اون اوشأنَ مأچی بٚدأ و کشأ گیفته.
11 یعقوب، یوسفَ بوگفته: «هیوخت فیکر نوکودیم کی ایوأردِه تٚرَه بیدینٚم ولی هسأ خودا وئأشته کی حتّا تی زأکأنم بیدینٚم.»
12 یوسف خو پٚسرأنَ جٚه یعقوبٚ زأنویأنٚ سٚر اوسأده و خو پِئرٚ موقأبیل تعظیم بوکوده. 13 بأزون افرایمَ یعقوبٚ چپٚ ور بدأشته و منسأیَ اونٚ رأستٚ ور. 14 ولی یعقوب خو دسأنَ ایجور بٚخصوص درأزَ کوده و پٚسرأنٚ سٚر بٚنأ کی اونی رأستٚ دٚس کوجه‌پٚسرٚ رو افرایمٚ سٚر و اونٚ چپٚ دٚس پیله پٚسر منسأ سٚر بمأنسته.
15 او وخت یوسفَ اَطؤ برکت بٚدأ: «او خودا کی اونی حوضورٚ میأن می پِئرأن ایبرأهیم و ایسحأق زٚندیگی کودیدی، تی اَ دوتأ پٚسرَ برکت فأدٚه. او خودا کی می تومأمٚ عُمرٚ میأن شبأن بو، 16 او فٚرٚشته کی هرتأ بدی جَا مٚرَه حیفظ بوکوده، اوشأنَ برکت بٚده. بٚبه کی اَ دوتأ پٚسر می نأم و می پِئرأن ایبرأهیم و ایسحأقٚ نأمَ زٚنده بٚدأرٚد و اوشأنٚ جَا ایتأ پیله قوم چأکوده بٚبه.»
17 ولی چونکی یوسف بیدِه خو پِئرٚ رأستٚ دٚسٚ افرایمٚ سٚر نٚهأ نأرأحتَ بوسته پٚس اونی رأستٚ دٚسَ بیگفته کی اونَ منسأ سٚر بٚنه. 18 یوسف بوگفته: «پِئر جأن، ایشتیوأ تی دسأنَ پٚسرأنٚ سٚر بٚنأیی! می پیله پٚسر اَیتأیه. تی رأستٚ دٚسَ بٚنه اونٚ سٚر.»
19 ولی اونی پِئر قوبیل نوکوده و بوگفته: «می جأنٚ پٚسر، دأنٚم چی کودأندرم. منسأ جَایٚم ایتأ پیله قوم چأکوده بِه، ولی اونٚ کوجه برأر افرایم، پیله‌تر بِه و دٚدأر اونٚ نتأجٚ جَا خٚیلی قومأن چأکوده بٚده.»
20 او وخت او روجٚ میأن یعقوب، یوسفٚ پٚسرأنَ برکت فأدأ، بوگفته: «بٚبه کی ایسرأییلٚ قوم کس‌کسَ اَ گبأنٚ اَمرأ برکت بٚدد، بٚگد: خودا تٚرَه افرایم و منسأ مأنستَن پیروز و خوشبختَ کونٚه.» اَطؤیی یعقوب افرایمَ منسأ رو بأش چأکوده.
21 بأزون یعقوب، یوسفَ بوگفته: «پور دِه بأقی نییٚه کی من بیمیرم ولی خودا شیمی اَمرأ ایسأ و ایوأردِه شٚمٚره وأگردأنِه شیمی پیله‌بابایأنٚ سرزیمینٚ میأن. 22 من او زیمینَ کی اموریأنٚ جَا می کمأن و شمشیرٚ اَمرأ فأگیفتم، تٚرَه بٚخشٚم کی تی برأرأنٚ رو بأش ایسی.»
Currently Selected:
پیدأیش ۴۸: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۴۸
۴۸
یعقوب افرایم و منسأیَ برکت دِهه
1 ایتأ زمأتٚ پٚسی یوسفَ وأخٚوٚرَ کودٚد کی اونی پِئر خٚیلی نأخوش ایسٚه پٚس خو پِئرٚ دئنٚ رِه خو دوتأ پٚسرأن منسأ و افرایمَ اوسأده و بوشؤ. 2 چونکی یعقوب، یوسفٚ اَمؤنٚ خٚوٚرَ بٚشتأوٚسته، خو جمَ کوده زور و قوّتٚ اَمرأ بینیشته خو خوفتن جیگأ میأن 3 اون یوسفَ بوگفته: «او خودا کی قأدیرٚ موطلق ایسٚه کنعانٚ لوزٚ میأن مٚرَه آشیکأرَ بوسته و مٚرَه برکت بٚدأ. 4 اون مٚرَه بٚفرمأسته: "تٚرَه خٚیلی زأی فأدٚم و دٚدأر تی نتأجٚ جَا خٚیلی قومأن چأکونم و اَ سرزیمینَ فأدٚم تی نتأجَ کی اَشأنٚ اَبدی مِلک بٚبه." 5 اَسه تی دو تأ پٚسرأن منسأ و افرایم کی پیشتر جٚه می اَمؤن، مصرٚ میأن بودونیأ بأمؤده، می زأکأن رئوبین و شمعونٚ مأنستَن می وأرث بٚده. 6 ولی او زأکأن کی جٚه اَنٚ پٚسی تِرِه بٚزأی بٚبد، تی شین ایسٚد و افرایم و منسأ ارثٚ جَا سأم بٚرٚده. 7 من، تی مأر راحیلٚ وأسی اَ کأرَ کونٚم. می بیرون اَمؤنٚ پٚسی فَدّان اَرامٚ جَا اون افراتَ فأنرٚسه رأ دورون بٚمٚرده و منم اونَ اویَه افراتٚ رأ کنأرَه بیگیلَ کودم.» (افرات هو بیت‌لحمٚ ایسه.)
8 او وخت کی یعقوب یوسفٚ پٚسرأنَ بیدِه اونٚ جَا وأوٚرسه: «ینی اَشأن تی پٚسرأنٚده؟» 9 یوسف بوگفته: «هطؤیه، اَشأن می پٚسرأنٚده کی خودا اوشأنَ مصرٚ میأن مٚرَه بٚبخشه.» یعقوب بوگفته: «اوشأنَ بأوٚر می ورجأ کی اوشأنَ برکت فأدٚم.»
10 یعقوبٚ چومأن پیری وأسی سو نأشتی و تأرَ بوسته بو و خُب دِئن نتأنستی. پٚس یوسف خو پٚسرأنَ بأوٚرده اونی ورجأ. اون اوشأنَ مأچی بٚدأ و کشأ گیفته.
11 یعقوب، یوسفَ بوگفته: «هیوخت فیکر نوکودیم کی ایوأردِه تٚرَه بیدینٚم ولی هسأ خودا وئأشته کی حتّا تی زأکأنم بیدینٚم.»
12 یوسف خو پٚسرأنَ جٚه یعقوبٚ زأنویأنٚ سٚر اوسأده و خو پِئرٚ موقأبیل تعظیم بوکوده. 13 بأزون افرایمَ یعقوبٚ چپٚ ور بدأشته و منسأیَ اونٚ رأستٚ ور. 14 ولی یعقوب خو دسأنَ ایجور بٚخصوص درأزَ کوده و پٚسرأنٚ سٚر بٚنأ کی اونی رأستٚ دٚس کوجه‌پٚسرٚ رو افرایمٚ سٚر و اونٚ چپٚ دٚس پیله پٚسر منسأ سٚر بمأنسته.
15 او وخت یوسفَ اَطؤ برکت بٚدأ: «او خودا کی اونی حوضورٚ میأن می پِئرأن ایبرأهیم و ایسحأق زٚندیگی کودیدی، تی اَ دوتأ پٚسرَ برکت فأدٚه. او خودا کی می تومأمٚ عُمرٚ میأن شبأن بو، 16 او فٚرٚشته کی هرتأ بدی جَا مٚرَه حیفظ بوکوده، اوشأنَ برکت بٚده. بٚبه کی اَ دوتأ پٚسر می نأم و می پِئرأن ایبرأهیم و ایسحأقٚ نأمَ زٚنده بٚدأرٚد و اوشأنٚ جَا ایتأ پیله قوم چأکوده بٚبه.»
17 ولی چونکی یوسف بیدِه خو پِئرٚ رأستٚ دٚسٚ افرایمٚ سٚر نٚهأ نأرأحتَ بوسته پٚس اونی رأستٚ دٚسَ بیگفته کی اونَ منسأ سٚر بٚنه. 18 یوسف بوگفته: «پِئر جأن، ایشتیوأ تی دسأنَ پٚسرأنٚ سٚر بٚنأیی! می پیله پٚسر اَیتأیه. تی رأستٚ دٚسَ بٚنه اونٚ سٚر.»
19 ولی اونی پِئر قوبیل نوکوده و بوگفته: «می جأنٚ پٚسر، دأنٚم چی کودأندرم. منسأ جَایٚم ایتأ پیله قوم چأکوده بِه، ولی اونٚ کوجه برأر افرایم، پیله‌تر بِه و دٚدأر اونٚ نتأجٚ جَا خٚیلی قومأن چأکوده بٚده.»
20 او وخت او روجٚ میأن یعقوب، یوسفٚ پٚسرأنَ برکت فأدأ، بوگفته: «بٚبه کی ایسرأییلٚ قوم کس‌کسَ اَ گبأنٚ اَمرأ برکت بٚدد، بٚگد: خودا تٚرَه افرایم و منسأ مأنستَن پیروز و خوشبختَ کونٚه.» اَطؤیی یعقوب افرایمَ منسأ رو بأش چأکوده.
21 بأزون یعقوب، یوسفَ بوگفته: «پور دِه بأقی نییٚه کی من بیمیرم ولی خودا شیمی اَمرأ ایسأ و ایوأردِه شٚمٚره وأگردأنِه شیمی پیله‌بابایأنٚ سرزیمینٚ میأن. 22 من او زیمینَ کی اموریأنٚ جَا می کمأن و شمشیرٚ اَمرأ فأگیفتم، تٚرَه بٚخشٚم کی تی برأرأنٚ رو بأش ایسی.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org