پیدأیش ۴۷
۴۷
1 یوسف بوشؤ فرعونٚ ورجأ و اونَ بوگفته: «می پِئر و می برأرأن خوشأنٚ مألأن و گوسوٚندأن و هر چی کی دأشتیدی اَمرأ کنعانٚ جَا بأمؤده اَیٚه و هسأ جوشنٚ میأن ایسأد.» 2 یوسف پنج نفر جٚه خو برأرأنَ کی خو اَمرأ بأوٚرده بو، فرعونَ معرفی بوکود.
3 فرعون اوشأنٚ جَا وأوٚرسه: «شیمی کأر چیسه؟» بوگفتد: «اَمأن اَمی پیله‌بابایأنٚ مأنستَن چوپأنیم. 4 بأمؤییم مصرٚ میأن زٚندیگی بوکونیم، چونکی اَ قأطی سألٚ وأسی کنعانٚ میأن هیجیگأ اَمی گله‌یأنٚ رِه نٚنه کی بٚچٚرد. ایلتمأس کونیم وئألی جوشنٚ میأن سأمأن بیگیریم.»
5 فرعون یوسفَ بوگفته: «هسأ کی تی پِئر و برأرأن بأمؤده تی ورجأ، 6 اوشأنَ هرتأ جیگأیَ فأدٚن کی خأیی. وئأل مصرٚ بِیترین جأجیگأ میأن کی جوشن ایسٚه سأمأن بیگیرٚد. اگه اوشأنٚ میأن خورومٚ آدمأن شنأسی اوشأنَ می گله‌یأنٚ سٚرم بٚنه.»
7 بأزون یوسف، خو پِئر یعقوبَ بأوٚرده فرعونٚ ورجأ و یعقوب فرعونَ برکت بٚدأ 8 فرعون یعقوبٚ جَا وأوٚرسه: «تی عُمرٚ جَا چن سأل گوذره؟»
9 یعقوب جوأب بٚدأ: «صد و سی سأل دأرم و می عمرٚ سألأنَ غوربت میأن بوگذرأنِم. می عُمر کوتأ و پور جٚه درد و رنج بو و می پیله‌بابایأنٚ عُمرَ فأنرٚسه کی غوربتٚ میأن زٚندیگی بوکودٚد. فأنرٚسه.»
10 یعقوب پیشتر جٚه اَنکی بٚشه فرعونَ برکت بٚدأ،
11 او وخت یوسف هوطؤ کی فرعون دستور بٚدأبو مصرٚ بِیترین جأجیگأ ینی رعمسیسَ بٚدأ خو پِئر و برأرأنٚ رِه اینتخأب بوکوده و اوشأنَ اویَه سأمأن بٚدأ 12 و یوسف اوندر کی اوشأنٚ رِه وٚست بٚبه خوردنی اوشأنٚ فأدأ.
قأطی سأل
13 قأطی سأل هرتأ روج ویشترَ بوستی و ایجور کی تومأمٚ مصر و کنعانٚ مردوم ویشتأیی کشِئیدی 14 یوسف تومأمٚ مصر و کنعانٚ مردومٚ پولأنَ کی او غله‌یأنٚ هئنٚ وأسی فأدأ بود، جمَ کود و فرعونٚ خزأنه‌یأنٚ میأن دوکود. 15 او وخت کی مردومٚ پول تومأنَ بوسته بأمؤده یوسفٚ ورجأ بوگفتد: «دِه پول نأریم کی غله عوض فأدیم. اَمٚرَه خوردنی فأدٚن. ولأن ویشتأیی جَا بیمیریم.»
16 یوسف اَشأنٚ جوأب دئنٚ رِه بوگفته: «اگه شیمی پولأن تومأنَ بوسته شیمی مألأنَ مٚرَه فأدید کی اونی عوض غله شٚمٚره فأدٚم» 17 دِه اوشأن چأره نأشتیدی جغرز اَنکی خوشأنٚ مألأنَ یوسفَ فأدٚد کی اَشأنَ نأن فأدٚه. اَطؤیی ای سألٚ میأن، تومأمٚ مصرٚ اَسبأن، اولأغأن، مألأن و گله‌یأن بوبوسته فرعونٚ شین.
18 ایتأ سأل دِه بوبوسته پٚسی ایوأردِه اوشأن بأمؤده یوسفٚ ورجأ، بوگفتٚده: «اَی آقأ جأن اَمی پولأن تومأنَ بوسته و تومأمٚ اَمی مألأن و گله‌یأنٚم تی شین بوبوسته تی شین بوبوسته جغرز اَمأن و اَمی زیمینأن دِه هیچی اَمِرِه نمأنسته. 19 ولأن ویشتأیی جَا بیمیریم؛ ولأن اَمی زیمینأن چؤرَ بٚد. اَمأن و اَمی زیمینأنَ بیهین بأزین اَمأن اَمی زیمینأنٚ اَمرأ فرعونٚ شین بیم. اَمٚرَه خوردنی فأدن کی زٚنده بٚمأنیم و دأنه فأدن کی زیمینأن چؤرَ نٚبٚد.»
20 پٚس یوسف تومأمٚ مصرٚ زیمینَ فرعونٚ رِه بیهه. مصریأن خوشأنٚ زیمینأنَ بوفرؤختد اونَ چونکی سخت قأطی سأل بو ویشترَ بو. 21 اَطؤیی بو کی تومأمٚ مصرٚ مردوم فرعونٚ غولأم بوبوستد 22 تنأ او زیمین کی یوسف نیهه کأهینأنٚ زیمین بو، چونکی فرعون اوشأنٚ خوردنی‌یَ اوشأنَ فأدأیی و نیأز نأشتیدی خوشأنٚ زیمینَ بوفروشد.
23 او وخت یوسف مصرٚ مردومَ بوگفته: «من شومأن و شیمی زیمینأنَ فرعونٚ رِه بیهم. هسأ شٚمٚره دأنه فأدم کی بیشید وأشأنید هو زیمینأنٚ میأن. 24 مأصولٚ اوسأنئنٚ وخت، اونٚ ایتأ جٚه پنج قیسمتَ فرعونَ فأدید و البأقی‌یَ بٚدأرید او سألٚ پٚسی کأشتن و خودتأن و شیمی خأنوأرأنٚ خوردنٚ رِه.»
25 اوشأن بوگفتٚده: «تو اَمِرِه خُبی بوکودی و اَمی جأنَ نیجأت بٚدأیی، اونی وأسی فرعونٚ غولأمأن بیمی.»
26 پٚس یوسف اَ فرمأنَ مصرٚ سرزیمینٚ میأن بٚدأ کی جٚه اونی پٚسی، هر سأل تومأمٚ مأصولأنٚ ایتأ قیسمت جٚه پنج قیسمتَ فرعونٚ مألیأت فأدأنٚ رِه فأدٚد. اَ قأنون کأهینأنٚ زیمینأنٚ مأصولٚ شین نوبو. اَ قأنون هنو خو قوّتٚ رو نٚهأ.
27 پٚس بنی‌ایسرأییل جوشنٚ دورون کی مصرٚ سرزیمینٚ میأن نٚهأ، سأمأن بیگیفتٚده و دأل بٚدأل اوشأنٚ مأل و مینأل و آدم نفرأن ویشترَ بوستی. 28 هیفده سأل دِه یعقوب مصرٚ شؤئؤنٚ پٚسی، زٚندیگی بوکود و صد و چهل و هفت سأل دأشتی کی بٚمرد. 29 اون خو عُمرٚ آخرٚ روجأنٚ میأن یوسفَ دؤخأده خو ورجأ و اونَ بوگفته: «تی دٚسَ می رأنٚ جیر بٚنه و قسم بوخور کی اَ مصرٚ میأن مٚرَه بیگیلَ نوکونی. 30 می مٚردنٚ پٚسی مصرٚ سرزیمینٚ جَا می جنأزه‌یَ بٚبر، می پیله‌بابایأنٚ ورجأ بیگیلَ کون.» یوسف اونَ قول بٚدأ کی بوکونه اَ کأرَ.
31 یعقوب بوگفته: «قسم بوخور مِرِه کی کونی اَ کأرَ.» پٚس یوسف قسم بوخورده اونٚ رِه و یعقوب سوجده بوکوده خو خوفتن جیگأ سٚر.
Currently Selected:
پیدأیش ۴۷: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۴۷
۴۷
1 یوسف بوشؤ فرعونٚ ورجأ و اونَ بوگفته: «می پِئر و می برأرأن خوشأنٚ مألأن و گوسوٚندأن و هر چی کی دأشتیدی اَمرأ کنعانٚ جَا بأمؤده اَیٚه و هسأ جوشنٚ میأن ایسأد.» 2 یوسف پنج نفر جٚه خو برأرأنَ کی خو اَمرأ بأوٚرده بو، فرعونَ معرفی بوکود.
3 فرعون اوشأنٚ جَا وأوٚرسه: «شیمی کأر چیسه؟» بوگفتد: «اَمأن اَمی پیله‌بابایأنٚ مأنستَن چوپأنیم. 4 بأمؤییم مصرٚ میأن زٚندیگی بوکونیم، چونکی اَ قأطی سألٚ وأسی کنعانٚ میأن هیجیگأ اَمی گله‌یأنٚ رِه نٚنه کی بٚچٚرد. ایلتمأس کونیم وئألی جوشنٚ میأن سأمأن بیگیریم.»
5 فرعون یوسفَ بوگفته: «هسأ کی تی پِئر و برأرأن بأمؤده تی ورجأ، 6 اوشأنَ هرتأ جیگأیَ فأدٚن کی خأیی. وئأل مصرٚ بِیترین جأجیگأ میأن کی جوشن ایسٚه سأمأن بیگیرٚد. اگه اوشأنٚ میأن خورومٚ آدمأن شنأسی اوشأنَ می گله‌یأنٚ سٚرم بٚنه.»
7 بأزون یوسف، خو پِئر یعقوبَ بأوٚرده فرعونٚ ورجأ و یعقوب فرعونَ برکت بٚدأ 8 فرعون یعقوبٚ جَا وأوٚرسه: «تی عُمرٚ جَا چن سأل گوذره؟»
9 یعقوب جوأب بٚدأ: «صد و سی سأل دأرم و می عمرٚ سألأنَ غوربت میأن بوگذرأنِم. می عُمر کوتأ و پور جٚه درد و رنج بو و می پیله‌بابایأنٚ عُمرَ فأنرٚسه کی غوربتٚ میأن زٚندیگی بوکودٚد. فأنرٚسه.»
10 یعقوب پیشتر جٚه اَنکی بٚشه فرعونَ برکت بٚدأ،
11 او وخت یوسف هوطؤ کی فرعون دستور بٚدأبو مصرٚ بِیترین جأجیگأ ینی رعمسیسَ بٚدأ خو پِئر و برأرأنٚ رِه اینتخأب بوکوده و اوشأنَ اویَه سأمأن بٚدأ 12 و یوسف اوندر کی اوشأنٚ رِه وٚست بٚبه خوردنی اوشأنٚ فأدأ.
قأطی سأل
13 قأطی سأل هرتأ روج ویشترَ بوستی و ایجور کی تومأمٚ مصر و کنعانٚ مردوم ویشتأیی کشِئیدی 14 یوسف تومأمٚ مصر و کنعانٚ مردومٚ پولأنَ کی او غله‌یأنٚ هئنٚ وأسی فأدأ بود، جمَ کود و فرعونٚ خزأنه‌یأنٚ میأن دوکود. 15 او وخت کی مردومٚ پول تومأنَ بوسته بأمؤده یوسفٚ ورجأ بوگفتد: «دِه پول نأریم کی غله عوض فأدیم. اَمٚرَه خوردنی فأدٚن. ولأن ویشتأیی جَا بیمیریم.»
16 یوسف اَشأنٚ جوأب دئنٚ رِه بوگفته: «اگه شیمی پولأن تومأنَ بوسته شیمی مألأنَ مٚرَه فأدید کی اونی عوض غله شٚمٚره فأدٚم» 17 دِه اوشأن چأره نأشتیدی جغرز اَنکی خوشأنٚ مألأنَ یوسفَ فأدٚد کی اَشأنَ نأن فأدٚه. اَطؤیی ای سألٚ میأن، تومأمٚ مصرٚ اَسبأن، اولأغأن، مألأن و گله‌یأن بوبوسته فرعونٚ شین.
18 ایتأ سأل دِه بوبوسته پٚسی ایوأردِه اوشأن بأمؤده یوسفٚ ورجأ، بوگفتٚده: «اَی آقأ جأن اَمی پولأن تومأنَ بوسته و تومأمٚ اَمی مألأن و گله‌یأنٚم تی شین بوبوسته تی شین بوبوسته جغرز اَمأن و اَمی زیمینأن دِه هیچی اَمِرِه نمأنسته. 19 ولأن ویشتأیی جَا بیمیریم؛ ولأن اَمی زیمینأن چؤرَ بٚد. اَمأن و اَمی زیمینأنَ بیهین بأزین اَمأن اَمی زیمینأنٚ اَمرأ فرعونٚ شین بیم. اَمٚرَه خوردنی فأدن کی زٚنده بٚمأنیم و دأنه فأدن کی زیمینأن چؤرَ نٚبٚد.»
20 پٚس یوسف تومأمٚ مصرٚ زیمینَ فرعونٚ رِه بیهه. مصریأن خوشأنٚ زیمینأنَ بوفرؤختد اونَ چونکی سخت قأطی سأل بو ویشترَ بو. 21 اَطؤیی بو کی تومأمٚ مصرٚ مردوم فرعونٚ غولأم بوبوستد 22 تنأ او زیمین کی یوسف نیهه کأهینأنٚ زیمین بو، چونکی فرعون اوشأنٚ خوردنی‌یَ اوشأنَ فأدأیی و نیأز نأشتیدی خوشأنٚ زیمینَ بوفروشد.
23 او وخت یوسف مصرٚ مردومَ بوگفته: «من شومأن و شیمی زیمینأنَ فرعونٚ رِه بیهم. هسأ شٚمٚره دأنه فأدم کی بیشید وأشأنید هو زیمینأنٚ میأن. 24 مأصولٚ اوسأنئنٚ وخت، اونٚ ایتأ جٚه پنج قیسمتَ فرعونَ فأدید و البأقی‌یَ بٚدأرید او سألٚ پٚسی کأشتن و خودتأن و شیمی خأنوأرأنٚ خوردنٚ رِه.»
25 اوشأن بوگفتٚده: «تو اَمِرِه خُبی بوکودی و اَمی جأنَ نیجأت بٚدأیی، اونی وأسی فرعونٚ غولأمأن بیمی.»
26 پٚس یوسف اَ فرمأنَ مصرٚ سرزیمینٚ میأن بٚدأ کی جٚه اونی پٚسی، هر سأل تومأمٚ مأصولأنٚ ایتأ قیسمت جٚه پنج قیسمتَ فرعونٚ مألیأت فأدأنٚ رِه فأدٚد. اَ قأنون کأهینأنٚ زیمینأنٚ مأصولٚ شین نوبو. اَ قأنون هنو خو قوّتٚ رو نٚهأ.
27 پٚس بنی‌ایسرأییل جوشنٚ دورون کی مصرٚ سرزیمینٚ میأن نٚهأ، سأمأن بیگیفتٚده و دأل بٚدأل اوشأنٚ مأل و مینأل و آدم نفرأن ویشترَ بوستی. 28 هیفده سأل دِه یعقوب مصرٚ شؤئؤنٚ پٚسی، زٚندیگی بوکود و صد و چهل و هفت سأل دأشتی کی بٚمرد. 29 اون خو عُمرٚ آخرٚ روجأنٚ میأن یوسفَ دؤخأده خو ورجأ و اونَ بوگفته: «تی دٚسَ می رأنٚ جیر بٚنه و قسم بوخور کی اَ مصرٚ میأن مٚرَه بیگیلَ نوکونی. 30 می مٚردنٚ پٚسی مصرٚ سرزیمینٚ جَا می جنأزه‌یَ بٚبر، می پیله‌بابایأنٚ ورجأ بیگیلَ کون.» یوسف اونَ قول بٚدأ کی بوکونه اَ کأرَ.
31 یعقوب بوگفته: «قسم بوخور مِرِه کی کونی اَ کأرَ.» پٚس یوسف قسم بوخورده اونٚ رِه و یعقوب سوجده بوکوده خو خوفتن جیگأ سٚر.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org