پیدأیش ۴۶
۴۶
یعقوب شِه مصر
1 پٚس یعقوب کوچ کودنٚ رِه هرچی کی دأشتی اوسأده، بأمؤ بئرشبع و اویَه خو پِئر ایسحأقٚ خودا وأسی، قوربأنیأن پیشکش بوکوده. 2 او وخت کی شب بو، رویأ میأن خودا یعقوبَ بوگفته: «یعقوب! یعقوب!» جوأب بٚدأ: «اَیٚه ایسأم، خوداوندا!»
3 بوگفته: «من خودا ایسٚم، تی پِئرٚ خودا! مصر شؤئؤنٚ جَا نوأترسِئن، چونکی خودم اویَه تی جَا ایتأ پیله قوم چأکونم. 4 من تی اَمرأ اَیٚم مصرٚ میأن و حتم تٚرَه وأگردأنم. تو مصرٚ میأن میری و یوسف تی چومأنَ خو دٚسٚ اَمرأ دٚوٚدِه.»
5 یعقوب جٚه بئرشبع رأ دکفته و اونٚ پٚسرأن اونَ خوشأنٚ زنأکأن و زأکأنٚ اَمرأ و اَرأبه‌یأنٚ اَمرأ کی فرعون اَشأنَ فأدأ بو، بٚبردٚد مصرٚ ور. 6 اوشأن خوشأنٚ گله و رمه و تومأمٚ مأل و مینألَ کی کنعانٚ میأن جمَ کوده بودَ، خوشأنٚ اَمرأ بأوٚردٚد مصرٚ میأن. 7 یعقوب تومأمٚ خو پٚسرأن و دؤخترأن و خو پٚسرأن و دؤخترأنٚ نتأج و تومأمٚ خو فکٚ فأمیلأنٚ اَمرأ بأمؤ مصرٚ میأن.
8 یعقوبٚ نتأج و اونی پٚسرأنٚ ایسم کی اونی اَمرأ بأمؤده مصرٚ میأن اَطؤیی ایسٚه:
رئوبین اونی پیله پٚسر 9 و اونی پٚسرأن: حنوک، فلو، حصرون و کرمی.
10 شمعون و اونی پٚسرأن: یموئیل، یامین، اوحد، یاکین، صوحر و شائول، (شائول مأر کنعأنی بو.)
11 لاوی و اونی پٚسرأن: جرشون، قهات و مراری.
12 یهودا و اونی پٚسرأن: عیر، اونان، شیله، فارص و زارح. ولی عیر و اونان پیشتر جٚه او وخت کی یعقوب بٚشه مصر کنعانٚ میأن بٚمٚردٚد فارصٚ پٚسرأن، حصرون و حامول بود.
13 یساکار و اونی پٚسرأن: تولاع، فوّه، یوب و شمرون.
14 زبولون و اونی پٚسرأن: سارد، ایلون و یاحل‌ئیل.
15 اَشأن لیه پٚسرأن بود کی اوشأنَ خو دؤختر دینه اَمرأ، فَدّان‌اَرامٚ میأن یعقوبٚ رِه بٚزأ. اَ پٚسرأن و دؤخترأن یعقوبٚ شین سرجٚم سی و سه نفر بود.
16 جادٚ پٚسرأن: صفیون، حجّی، شونی، اصبون، عیری، ارودی و ارئیلی.
17 اشیرٚ پٚسرأن: یمنه، یشوه، یشوی، بریعه و اونی دؤختر سِراح. بریعه پٚسرأنم حابر و ملکی‌ئیل بود.
18 اَشأن همٚتأ یعقوب و زلفه پٚسرأن بود، هو کنیز کی لابان خو دؤختر لیه‌یَ فأدأ بو. اوشأن همٚتأ سٚرجٚم شونزده نفر بود.
19 راحیل یعقوبٚ زنأکٚ پٚسرأن: یوسف و بنیأمین بود. 20 یوسفٚ پٚسرأن کی مصرٚ میأن بودونیأ بأمؤده: منسأ و افرایم بود.
اَشأنٚ مأر اسنات، فوطی‌فأرع دؤختر، اونٚ کأهین بو. 21 بنیامینٚ پٚسرأن: بالع، باکر، اشبیل، جیرا، نعمان، ایحی، رش، مفیّم، حفیّم و آرد.
22 اَشأن همٚتأ راحیل و یعقوبٚ پٚسرأن بود. اوشأن همٚتأ سٚرجٚم چأرده نفر بود.
23 دانٚ پٚسر: حوشیم. 24 نفتالی پٚسرأن: یحص‌ئیل، جونی، یصر و شلیّم.
25 اَشأن همٚتأ یعقوب و بلهه پٚسرأن بود، هو کنیز کی لابان خو دؤختر راحیلَ فأدأ بو. اوشأن همٚتأ سرجٚم هفت نفر بود.
26 پٚس تومأمٚ اوشأنی کی جٚه یعقوبٚ نتأج اونی اَمرأ بوشؤده مصر جغرز اونی پٚسرأنٚ زنأکأن همٚتأ سرجٚم شصت و شیش نفر بود. 27 یوسفٚ رِه دوتأ پٚسر مصرٚ میأن بودونیأ بأمؤد. پٚس یعقوبٚ خأنوأر کی مصرٚ میأن ایسأ بود، همٚتأ سٚرجٚم هفتأد نفر بود.
28 یعقوب، خو پٚسر یوهودأیَ پیشتر اوسه کوده یوسفٚ ورجأ کی اونی جَا وأوٚرسِه کی کؤ رأ وأستی بٚشٚد جوشنٚ زیمینٚ ور. او وخت کی فأرٚسِده جوشنٚ میأن، 29 یوسف خو اَرأبه‌یَ آمأدَه کوده و خو پِئر دِئن رِه بوشؤ جوشن. او او وخت کی اویَه خو پِئرَ بیدِه اونَ کشأ گیفته اَندر زمأت گریه بوکوده،
30 او وخت یعقوب یوسفَ بوگفته: «هسأ، دِه مٚردنٚ غورصه‌یَ نأرم، چونکی ایوأردِه تٚرَه بیدِم و دأنٚم کی تو زٚنده ایسی.» 31 یوسف خو برأرأن و تومأمٚ اوشأنٚ خأنوأر آدمأنَ بوگفته: «هسأ شؤئؤندرم کی فرعونَ وأخٚوٚرَ کونٚم کی شومأن کنعانٚ جَا بأمؤیید می ورجأ. 32 من اونَ گم کی شومأن چوپأنید و شیمی مألأن و گوسوٚندأن و هر چی کی دأریدی شیمی اَمرأ بأوٚردید. 33 پٚس اگه فرعون شیمی جَا وأوٚرسه کی شیمی کأر چیسه، 34 اونَ بیگید کی جٚه او زمأت کی جوأن بیم تأ اَسه چوپأنی و مألدأری کودأندیبید اَ کأرأنٚم اَمی پیله بأبأیأنٚ جَا ارث بٚبردید. اگه فرعونَ اَطؤ جوأب بٚدید اون شٚمٚره وئأله کی جوشنٚ میأن سأمأن بیگیرید چونکی مصرٚ مردومأن چوپأنأنٚ جَا اَشأنَ مرأغَ گیره.»
Currently Selected:
پیدأیش ۴۶: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۴۶
۴۶
یعقوب شِه مصر
1 پٚس یعقوب کوچ کودنٚ رِه هرچی کی دأشتی اوسأده، بأمؤ بئرشبع و اویَه خو پِئر ایسحأقٚ خودا وأسی، قوربأنیأن پیشکش بوکوده. 2 او وخت کی شب بو، رویأ میأن خودا یعقوبَ بوگفته: «یعقوب! یعقوب!» جوأب بٚدأ: «اَیٚه ایسأم، خوداوندا!»
3 بوگفته: «من خودا ایسٚم، تی پِئرٚ خودا! مصر شؤئؤنٚ جَا نوأترسِئن، چونکی خودم اویَه تی جَا ایتأ پیله قوم چأکونم. 4 من تی اَمرأ اَیٚم مصرٚ میأن و حتم تٚرَه وأگردأنم. تو مصرٚ میأن میری و یوسف تی چومأنَ خو دٚسٚ اَمرأ دٚوٚدِه.»
5 یعقوب جٚه بئرشبع رأ دکفته و اونٚ پٚسرأن اونَ خوشأنٚ زنأکأن و زأکأنٚ اَمرأ و اَرأبه‌یأنٚ اَمرأ کی فرعون اَشأنَ فأدأ بو، بٚبردٚد مصرٚ ور. 6 اوشأن خوشأنٚ گله و رمه و تومأمٚ مأل و مینألَ کی کنعانٚ میأن جمَ کوده بودَ، خوشأنٚ اَمرأ بأوٚردٚد مصرٚ میأن. 7 یعقوب تومأمٚ خو پٚسرأن و دؤخترأن و خو پٚسرأن و دؤخترأنٚ نتأج و تومأمٚ خو فکٚ فأمیلأنٚ اَمرأ بأمؤ مصرٚ میأن.
8 یعقوبٚ نتأج و اونی پٚسرأنٚ ایسم کی اونی اَمرأ بأمؤده مصرٚ میأن اَطؤیی ایسٚه:
رئوبین اونی پیله پٚسر 9 و اونی پٚسرأن: حنوک، فلو، حصرون و کرمی.
10 شمعون و اونی پٚسرأن: یموئیل، یامین، اوحد، یاکین، صوحر و شائول، (شائول مأر کنعأنی بو.)
11 لاوی و اونی پٚسرأن: جرشون، قهات و مراری.
12 یهودا و اونی پٚسرأن: عیر، اونان، شیله، فارص و زارح. ولی عیر و اونان پیشتر جٚه او وخت کی یعقوب بٚشه مصر کنعانٚ میأن بٚمٚردٚد فارصٚ پٚسرأن، حصرون و حامول بود.
13 یساکار و اونی پٚسرأن: تولاع، فوّه، یوب و شمرون.
14 زبولون و اونی پٚسرأن: سارد، ایلون و یاحل‌ئیل.
15 اَشأن لیه پٚسرأن بود کی اوشأنَ خو دؤختر دینه اَمرأ، فَدّان‌اَرامٚ میأن یعقوبٚ رِه بٚزأ. اَ پٚسرأن و دؤخترأن یعقوبٚ شین سرجٚم سی و سه نفر بود.
16 جادٚ پٚسرأن: صفیون، حجّی، شونی، اصبون، عیری، ارودی و ارئیلی.
17 اشیرٚ پٚسرأن: یمنه، یشوه، یشوی، بریعه و اونی دؤختر سِراح. بریعه پٚسرأنم حابر و ملکی‌ئیل بود.
18 اَشأن همٚتأ یعقوب و زلفه پٚسرأن بود، هو کنیز کی لابان خو دؤختر لیه‌یَ فأدأ بو. اوشأن همٚتأ سٚرجٚم شونزده نفر بود.
19 راحیل یعقوبٚ زنأکٚ پٚسرأن: یوسف و بنیأمین بود. 20 یوسفٚ پٚسرأن کی مصرٚ میأن بودونیأ بأمؤده: منسأ و افرایم بود.
اَشأنٚ مأر اسنات، فوطی‌فأرع دؤختر، اونٚ کأهین بو. 21 بنیامینٚ پٚسرأن: بالع، باکر، اشبیل، جیرا، نعمان، ایحی، رش، مفیّم، حفیّم و آرد.
22 اَشأن همٚتأ راحیل و یعقوبٚ پٚسرأن بود. اوشأن همٚتأ سٚرجٚم چأرده نفر بود.
23 دانٚ پٚسر: حوشیم. 24 نفتالی پٚسرأن: یحص‌ئیل، جونی، یصر و شلیّم.
25 اَشأن همٚتأ یعقوب و بلهه پٚسرأن بود، هو کنیز کی لابان خو دؤختر راحیلَ فأدأ بو. اوشأن همٚتأ سرجٚم هفت نفر بود.
26 پٚس تومأمٚ اوشأنی کی جٚه یعقوبٚ نتأج اونی اَمرأ بوشؤده مصر جغرز اونی پٚسرأنٚ زنأکأن همٚتأ سرجٚم شصت و شیش نفر بود. 27 یوسفٚ رِه دوتأ پٚسر مصرٚ میأن بودونیأ بأمؤد. پٚس یعقوبٚ خأنوأر کی مصرٚ میأن ایسأ بود، همٚتأ سٚرجٚم هفتأد نفر بود.
28 یعقوب، خو پٚسر یوهودأیَ پیشتر اوسه کوده یوسفٚ ورجأ کی اونی جَا وأوٚرسِه کی کؤ رأ وأستی بٚشٚد جوشنٚ زیمینٚ ور. او وخت کی فأرٚسِده جوشنٚ میأن، 29 یوسف خو اَرأبه‌یَ آمأدَه کوده و خو پِئر دِئن رِه بوشؤ جوشن. او او وخت کی اویَه خو پِئرَ بیدِه اونَ کشأ گیفته اَندر زمأت گریه بوکوده،
30 او وخت یعقوب یوسفَ بوگفته: «هسأ، دِه مٚردنٚ غورصه‌یَ نأرم، چونکی ایوأردِه تٚرَه بیدِم و دأنٚم کی تو زٚنده ایسی.» 31 یوسف خو برأرأن و تومأمٚ اوشأنٚ خأنوأر آدمأنَ بوگفته: «هسأ شؤئؤندرم کی فرعونَ وأخٚوٚرَ کونٚم کی شومأن کنعانٚ جَا بأمؤیید می ورجأ. 32 من اونَ گم کی شومأن چوپأنید و شیمی مألأن و گوسوٚندأن و هر چی کی دأریدی شیمی اَمرأ بأوٚردید. 33 پٚس اگه فرعون شیمی جَا وأوٚرسه کی شیمی کأر چیسه، 34 اونَ بیگید کی جٚه او زمأت کی جوأن بیم تأ اَسه چوپأنی و مألدأری کودأندیبید اَ کأرأنٚم اَمی پیله بأبأیأنٚ جَا ارث بٚبردید. اگه فرعونَ اَطؤ جوأب بٚدید اون شٚمٚره وئأله کی جوشنٚ میأن سأمأن بیگیرید چونکی مصرٚ مردومأن چوپأنأنٚ جَا اَشأنَ مرأغَ گیره.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org