پیدأیش ۴۵
۴۵
یوسف خؤرَه معرفی کونه
1 یوسف دِه نتأنسته اوشأنٚ ورجأ کی اویَه ایسأبود خؤرَه بٚدأره، پٚس ایجگره بٚزِه: «همٚتأن جٚه اَیٚه بیشید بیرون!» او وخت کی همه بوشؤده و اونَ اونی برأرأنٚ اَمرأ تنأ بٚنأده اون خؤرَه اَشأنَ معرفی بوکود. 2 بأزون هطؤ بولندٚ صدا اَمرأ گریه بوکوده، ایجور کی مصرٚ آدمأن بٚشتأوٚستٚد و فرعونٚ دربأرٚ آدمأنٚم وأخٚوٚرَ بوستد.
3 اون خو برأرأنَ بوگفته: «من یوسف ایسٚم. آیا هنو می پِئر زٚنده‌یه؟» ولی اونٚ برأرأنٚ زوأن کی ترسٚ جَا بند بأمؤ بو دِه نتأنستٚد جوأب بٚدد.
4 یوسف بوگفته: «بأیید جولو!» پٚس اوشأن نیزدیکَ بوستد و اون ایوأردِه بوگفته: «من یوسف ایسٚم، شیمی برأر کی اونَ مصرَ بوفرؤختید. 5 هسأ دِه شیمی اَ کردکأرٚ رِه غورصه نوخورید و شٚمٚره شمأتت نوکونید، چونکی اَن خودا خأسته بو. اون مٚرَه شیمی جَا پیشتر اوسه کوده مصرٚ میأن کی مردومٚ جأنَ اَ قأطی زمأتٚ میأن حیفظَ کونٚه. 6 هفت سأل قأطی جَا دو سأل دٚوأرٚسته، اَ پنج سألٚ میأن کی اَمؤندره هیتأ دِه کشت و کأر نیبه. 7 ولی خودا شیمی جَا پیشتر مٚرَه اوسه کوده اَیٚه کی زیمینٚ سٚر ایتأ نتأج شِمِره بٚنه و شیمی جأنأنَ ایجور کی آدم قأقَ به آزأدَ کونٚه. 8 هطؤیه، خودا بو کی مٚرَه اوسه کوده مصرٚ میأن نه شومأن. اَیٚم خودا مٚرَه فرعونٚ موشأوٚر، اونٚ خأنه میأن همه کأره و تومأمٚ مصرٚ سرزیمینٚ سٚر حأکیم چأکوده.
9 «هسأ، توندأتوند بیشید می پِئرٚ ورجأ و اونَ بیگید کی تی پٚسر، یوسف بوگفته: "خودا اَسٚر تأ او سٚر مصرٚ میأن مٚرَه حأکیم چأکوده. هسأ دفأتن می ورجأ بیأ 10 و جوشنٚ سرزیمینٚ میأن سأمأن بیگیر کی تو، تومأمٚ تی زأکأن و تی نتأج و تومأمٚ تی مأل و مینأل و گأب و گوسوٚندأن اَمرأ می ورجأ بِئیسی. 11 اویَه من تٚرَه دأرم، چونکی هنو پنج سأل دِه قأطی جَا بمأنسته. اگه نأیی می ورجأ او وخت تو و تومأمٚ تی زأکأن و تی فکٚ فأمیلٚ اَمرأ ویشتأیی جَا میریدی."
12 «شومأن همٚتأ و می برأر بنیامین خودتأن دِئندرید اَن منم کی شیمی اَمرأ گب زِئندرم. 13 می پِئرَ وأخٚوٚرَ کونید او قودرتٚ جَا کی اَیٚه مصر میأن دأرم و جٚه هر چی بیدِییدی اونَ بیگید و اونَ دفأتن بأوٚرید می ورجأ.»
14 او وخت یوسف، بنیأمینَ کشأ گیفته و کس‌کسٚ اَمرأ گریه بوکودٚد. 15 بأزین خو البأقی برأرأنَ مأچی بٚدأ و گریه بوکوده. او وخت اوشأن بیأرٚستٚد کی اونٚ اَمرأ گب بٚزند.
16 اَندر زمأت نوبوسته کی اَ خٚوٚر فرعونٚ گوشَ فأرٚسِه کی یوسفٚ برأرأن بأمؤده. فرعون و تومأمٚ اونٚ دربأرٚ آدمأن اَ خٚوٚرٚ ایشتأوٚستٚنٚ جَا خوشألَ بوستد.
17 پٚس فرعون یوسفَ بوگفته: «تی برأرأنَ بوگو: کی خوشأنٚ اولأغأنَ بأر بوکوند و بٚشٚد کنعانٚ ور 18 و پِئر و تومأمٚ خوشأنٚ خأنوأرَ اوسأند بأیٚد مصرٚ میأن. من مصرٚ میأن او زیمین کی ویشتر مأصول دِهه‌یَ فأدم اَشأنَ کی دٚدأر اونی مأصولٚ جَا اوسأند.» 19 تی پِئرٚ اَوٚردنٚ رِه و زنأکأن و زأکأنٚ اَمرأ، چنتأ اَرأبه اوشأنَ فأدٚن کی خوشأنٚ اَمرأ بٚبرد. 20 اَشأنَ بوگو کی خوشأنٚ مأل و مینألٚ وأسی دیل نیگرأن نٚبد، چونکی مصرٚ میأن او زیمین کی ویشتر مأصول دِهه اوشأنَ فأدأ بِه.
21 یوسف هوطؤ کی فرعون بوگفته بو اَرأبه و خوردنی سفرٚ رِه اوشأنَ فأدأ. 22 اون هطؤیم هرتأ جٚه اوشأنَ ای دٚس تأزه لیوأس فأدأ، ولی بنیأمینَ پنج دٚس لیوأس و سیصد میثقأل نوقره بٚبخشه. 23 خو پِئرٚ رِه ده‌تأ اولأغٚ بأر مصرٚ میأن بِیترین چیأنٚ جَا و ده‌تأ اولأغٚ بأر غله و البأقی خوردنیأنٚ جَا اوسه کوده اونی سفرٚ وأسی. 24 اَطؤیی خو برأرأنَ اوسه کوده و اوشأنَ بیسپأرده کی رأ میأن کس‌کسٚ اَمرأ دعوأ نیگیرٚد.
25 اوشأن مصرَ بٚنأده و بوشؤده کنعأن، خوشأنٚ پِئرٚ ورجأ. 26 بأزون دفأتن بوشؤده یعقوبٚ ورجأ، اونَ بوگفتٚده: «یوسف زٚنده ایسٚه! اون تومأمٚ مصرٚ سرزیمینَ حأکیم ایسٚه» ولی ایجور یعقوب حیرأن و قأقَ بوسته کی نتأنستی اوشأنٚ گبأنَ بأوٚر بوکونه. 27 ولی او وخت اونی چومأن اَرأبه‌یأنَ بیدِه و یوسفٚ پیغأمَ اونَ فأدأده، اونی روح تأزَه بوسته 28 و بوگفته: «دِه بأوٚر کونٚم! یوسف می پٚسر زٚنده‌یه! هسأ شم اونٚ ورجأ کی پیشتر جٚه می مٚردن اونَ بیدینٚم.»
Currently Selected:
پیدأیش ۴۵: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۴۵
۴۵
یوسف خؤرَه معرفی کونه
1 یوسف دِه نتأنسته اوشأنٚ ورجأ کی اویَه ایسأبود خؤرَه بٚدأره، پٚس ایجگره بٚزِه: «همٚتأن جٚه اَیٚه بیشید بیرون!» او وخت کی همه بوشؤده و اونَ اونی برأرأنٚ اَمرأ تنأ بٚنأده اون خؤرَه اَشأنَ معرفی بوکود. 2 بأزون هطؤ بولندٚ صدا اَمرأ گریه بوکوده، ایجور کی مصرٚ آدمأن بٚشتأوٚستٚد و فرعونٚ دربأرٚ آدمأنٚم وأخٚوٚرَ بوستد.
3 اون خو برأرأنَ بوگفته: «من یوسف ایسٚم. آیا هنو می پِئر زٚنده‌یه؟» ولی اونٚ برأرأنٚ زوأن کی ترسٚ جَا بند بأمؤ بو دِه نتأنستٚد جوأب بٚدد.
4 یوسف بوگفته: «بأیید جولو!» پٚس اوشأن نیزدیکَ بوستد و اون ایوأردِه بوگفته: «من یوسف ایسٚم، شیمی برأر کی اونَ مصرَ بوفرؤختید. 5 هسأ دِه شیمی اَ کردکأرٚ رِه غورصه نوخورید و شٚمٚره شمأتت نوکونید، چونکی اَن خودا خأسته بو. اون مٚرَه شیمی جَا پیشتر اوسه کوده مصرٚ میأن کی مردومٚ جأنَ اَ قأطی زمأتٚ میأن حیفظَ کونٚه. 6 هفت سأل قأطی جَا دو سأل دٚوأرٚسته، اَ پنج سألٚ میأن کی اَمؤندره هیتأ دِه کشت و کأر نیبه. 7 ولی خودا شیمی جَا پیشتر مٚرَه اوسه کوده اَیٚه کی زیمینٚ سٚر ایتأ نتأج شِمِره بٚنه و شیمی جأنأنَ ایجور کی آدم قأقَ به آزأدَ کونٚه. 8 هطؤیه، خودا بو کی مٚرَه اوسه کوده مصرٚ میأن نه شومأن. اَیٚم خودا مٚرَه فرعونٚ موشأوٚر، اونٚ خأنه میأن همه کأره و تومأمٚ مصرٚ سرزیمینٚ سٚر حأکیم چأکوده.
9 «هسأ، توندأتوند بیشید می پِئرٚ ورجأ و اونَ بیگید کی تی پٚسر، یوسف بوگفته: "خودا اَسٚر تأ او سٚر مصرٚ میأن مٚرَه حأکیم چأکوده. هسأ دفأتن می ورجأ بیأ 10 و جوشنٚ سرزیمینٚ میأن سأمأن بیگیر کی تو، تومأمٚ تی زأکأن و تی نتأج و تومأمٚ تی مأل و مینأل و گأب و گوسوٚندأن اَمرأ می ورجأ بِئیسی. 11 اویَه من تٚرَه دأرم، چونکی هنو پنج سأل دِه قأطی جَا بمأنسته. اگه نأیی می ورجأ او وخت تو و تومأمٚ تی زأکأن و تی فکٚ فأمیلٚ اَمرأ ویشتأیی جَا میریدی."
12 «شومأن همٚتأ و می برأر بنیامین خودتأن دِئندرید اَن منم کی شیمی اَمرأ گب زِئندرم. 13 می پِئرَ وأخٚوٚرَ کونید او قودرتٚ جَا کی اَیٚه مصر میأن دأرم و جٚه هر چی بیدِییدی اونَ بیگید و اونَ دفأتن بأوٚرید می ورجأ.»
14 او وخت یوسف، بنیأمینَ کشأ گیفته و کس‌کسٚ اَمرأ گریه بوکودٚد. 15 بأزین خو البأقی برأرأنَ مأچی بٚدأ و گریه بوکوده. او وخت اوشأن بیأرٚستٚد کی اونٚ اَمرأ گب بٚزند.
16 اَندر زمأت نوبوسته کی اَ خٚوٚر فرعونٚ گوشَ فأرٚسِه کی یوسفٚ برأرأن بأمؤده. فرعون و تومأمٚ اونٚ دربأرٚ آدمأن اَ خٚوٚرٚ ایشتأوٚستٚنٚ جَا خوشألَ بوستد.
17 پٚس فرعون یوسفَ بوگفته: «تی برأرأنَ بوگو: کی خوشأنٚ اولأغأنَ بأر بوکوند و بٚشٚد کنعانٚ ور 18 و پِئر و تومأمٚ خوشأنٚ خأنوأرَ اوسأند بأیٚد مصرٚ میأن. من مصرٚ میأن او زیمین کی ویشتر مأصول دِهه‌یَ فأدم اَشأنَ کی دٚدأر اونی مأصولٚ جَا اوسأند.» 19 تی پِئرٚ اَوٚردنٚ رِه و زنأکأن و زأکأنٚ اَمرأ، چنتأ اَرأبه اوشأنَ فأدٚن کی خوشأنٚ اَمرأ بٚبرد. 20 اَشأنَ بوگو کی خوشأنٚ مأل و مینألٚ وأسی دیل نیگرأن نٚبد، چونکی مصرٚ میأن او زیمین کی ویشتر مأصول دِهه اوشأنَ فأدأ بِه.
21 یوسف هوطؤ کی فرعون بوگفته بو اَرأبه و خوردنی سفرٚ رِه اوشأنَ فأدأ. 22 اون هطؤیم هرتأ جٚه اوشأنَ ای دٚس تأزه لیوأس فأدأ، ولی بنیأمینَ پنج دٚس لیوأس و سیصد میثقأل نوقره بٚبخشه. 23 خو پِئرٚ رِه ده‌تأ اولأغٚ بأر مصرٚ میأن بِیترین چیأنٚ جَا و ده‌تأ اولأغٚ بأر غله و البأقی خوردنیأنٚ جَا اوسه کوده اونی سفرٚ وأسی. 24 اَطؤیی خو برأرأنَ اوسه کوده و اوشأنَ بیسپأرده کی رأ میأن کس‌کسٚ اَمرأ دعوأ نیگیرٚد.
25 اوشأن مصرَ بٚنأده و بوشؤده کنعأن، خوشأنٚ پِئرٚ ورجأ. 26 بأزون دفأتن بوشؤده یعقوبٚ ورجأ، اونَ بوگفتٚده: «یوسف زٚنده ایسٚه! اون تومأمٚ مصرٚ سرزیمینَ حأکیم ایسٚه» ولی ایجور یعقوب حیرأن و قأقَ بوسته کی نتأنستی اوشأنٚ گبأنَ بأوٚر بوکونه. 27 ولی او وخت اونی چومأن اَرأبه‌یأنَ بیدِه و یوسفٚ پیغأمَ اونَ فأدأده، اونی روح تأزَه بوسته 28 و بوگفته: «دِه بأوٚر کونٚم! یوسف می پٚسر زٚنده‌یه! هسأ شم اونٚ ورجأ کی پیشتر جٚه می مٚردن اونَ بیدینٚم.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org