پیدأیش ۴۴
۴۴
یوسفٚ اَویرَ بوسته پیأله
1 او وخت کی یوسفٚ برأرأن شؤئؤن رِه آمأدَه بوستٚده، یوسف خو خأنه موبأشرَ بٚفرمأسته کی اوشأنٚ خورجینأنَ اوندر پورَ کونٚد کی بتأنٚد خوشأنٚ اَمرأ بٚبرد و پولم اوشأنٚ خورجینٚ دورون، بأرٚ سٚر جیگأ بٚدد. 2 هطؤیی خو موبأشرَ بٚفرمأسته کی پولأنٚ اَمرأ نوقره‌یی پیأله‌یٚم بنیأمین خورجینٚ دورون جیگأ بٚدد. موبأشرَ هر چی کی یوسف بوگفته بویَ انجأم بٚدأ.
3 برأرأن صُبٚ دٚمٚ رِه ویرشتٚده، خوشأن اولأغأنَ بأرَ کودٚد و رأ دکفتد. 4 ولی هنو خٚیلی شهرٚ جَا دورَ نوبوسته بود کی یوسف خو خأنه موبأشرَ بٚفرمأسته: «توندی بوشو اوشأنٚ دونبألسر، هطؤ کی اوشأنَ فأرٚسِئی بوگو: "چٚره خُبی عوض بدی بوکودید؟ 5 چٚره می آقأ ویژکه پیأله کی اونی اَمرأ شرأب خوره و فأل گیره‌یَ بودوزأنِیید؟"»
6 موبأشرَ چونکی اوشأنَ فأرٚسِه، هر چی اونَ فرمأن بٚدأ بوبوسته بو اوشأنَ بوگفته. 7 اوشأن اونَ جوأب بٚدأده: «چٚره اَمی آقأ اَطؤ گه؟ قسم خوریم کی اَمأن اَجور بدٚ کردکأرأن نوکودیم. 8 مگه اَمأن اویدٚفأرِه کی او پولأنَ اَمی خورجینٚ دورون بیأفتیم شِمِره نأوٚردیم؟ پٚس چوطؤ ایمکأن دأره کی تی اَربأبٚ خأنه جَا طلأ و نوقره بودوزأنه بیم؟ 9 هر کی ورجأ پیأله‌یَ بیأفتی اونَ بوکوش بأزین امّا همٚتأن اَمی آقأ رِه غولأم بیم.»
10 موبأشرَ بوگفته: «خٚیلی خُب، ولی فقد اونی کی پیأله‌یَ بودوزأنه بی می غولأم بِه و شومأ البأقئن تأنیدی بیشید.»
11 او وخت همٚتأن دفأتن خوشأنٚ خورجینأنَ جٚه اولأغأنٚ سٚر بأوٚردٚد بیجیر و اوشأنَ وأکودٚد. 12 موبأشر پیله برأرٚ جَا وأمؤختنَ سٚر بیگیفته فأرٚسه کوجه‌دأنه‌یَ و پیأله‌یَ بنیامینٚ خورجینٚ میأن بیأفته. 13 برأرأن زیأدی غورصه جَا خوشأنٚ لیوأسأنَ جِرَ دأده و جؤألأنَ بٚنأده اولأغأنٚ سٚر، وأگردستٚده شهرٚ میأن.
14 او وخت کی یهودا و البأقی برأرأن فأرٚسِده یوسفٚ خأنه، اون هنو اویَه ایسأ بو. اوشأن اونی ورجأ بٚکفتٚده زیمینٚ سٚر 15 یوسف اوشأنٚ جَا وأوٚرسٚه: «چٚره اَ کأرَ بوکودید؟ مگه نأنیدی کی ایتأ مردأی می مأنستَن فأل گیفتنٚ اَمرأ تأنه بفأمه اونی پیأله‌یَ اوسأده کی بودوزأنه؟»
16 یهودا بوگفته: «اَمی آقأ جوأب رِه چی بیگیم؟ چوطؤ تأنیم کی اَمی گونأ نأشتنَ نیشأن بٚدیم؟ خودا خأیٚه کی اَمی کأرأنٚ سٚزأیَ بیدینیم. اَسه وأگردستیم کی امّا همٚتأن اونی اَمرأ کی نوقره‌یی پیأله‌یَ اونی جوأل میأن بیأفتید شیمی غولأم بیبیم.»
17 یوسف بوگفته: «نه، فقد اونی کی پیأله‌یَ بودوزأنه می غولأم بِه. شومأ البأقئن تأنیدی سلأمتی اَمرأ وأگردید شیمی پِئرٚ ورجأ.»
18 یهودا بوشؤ جولو و بوگفته: «آقأ جأن، دأنٚم کی شومأن فرعونٚ مأنستَن قودرت دأری، پٚس مِرِه برزخَ نیبید و وئألید کی شیمی خیدمت ایچی عرض بوکونٚم.
19 «او وخت کی اوّل بأر بأمؤییم شیمی ورجأ، اَمی جَا وأوٚرسِئید: کی پِئر یا ایتأ دِه برأر دأریدی؟ 20 بوگفتیم: "هطؤیه، اَمی پِئر پیره و ایتأ کوجه برأر دأریم کی اونٚ پیری زأکه. اَ پٚسر ایتأ برأر دأشتی کی بٚمٚرده و هسأ اون خو مأرٚ ایتأ دأنه بمأنسته پٚسر ایسٚه و اَمی پِئرم اونَ خٚیلی دوست دأره." 21 فرمأن بٚدأیی کی او کوجه برأرَ بأوٚریم تی ورجأ کی اونَ بیدینی. 22 عرض بوکودیم کی اگه او پٚسر خو پِئرٚ جَا سیوأ بٚبه اَمی پِئر میره. 23 ولی شومأن اَمٚرَه بوگفتیدی کی دِه وأنگردیم مصر مگه اَنکی اونَ اَمی اَمرأ بأوٚریم.»
24 «پٚس وأگردستیم اَمی پِئرٚ ورجأ کی تی غولأم ایسٚه بأزین هرچی کی بٚفرمأستی اونٚ رِه بوگفتیم. 25 او وخت کی اون اَمٚرَه بوگفته کی وأگردید مصر غٚله بیهینید، 26 بوگفتیم کی مصرٚ شؤئؤن نتأنیم مگه وئألی کی اَمی کوجه برأرم اَمی اَمرأ بٚبریم. چونکی اگه اونَ اَمی اَمرأ نٚبریم او مصرٚ حأکیم اَمرأ خو ورجأ رأ نٚده. 27 اَمی پِئر، اَمٚرَه بوگفته: "شومأن دأنیدی کی می زنأی راحیل همش هه دوتأ پٚسرَ دأشتی. 28 ایتأ جٚه اوشأن بوشؤ و دِه وأنگردسته، شک نأرم ایتأ جٚه وأشی جأنورأن اونَ پأرَه کودٚد و دِه اونَ نیدِم. 29 اگه اونی برأرم می جَا فأگیرید و ایتأ بلأ اونٚ سٚر بأیٚه، شیمی پیر پِئر غورصه جَا میره."
30 «هسأ، اَی آقأ جأن، اَمأن نتأنیم اَ جوأنَ بٚنیم اَیٚه و وأگردیم اَمی پِئرٚ ورجأ. اَمی پِئرٚ جأن اونی جأنَ دٚوٚسته نٚهأ. 31 اگه اون بیدینه کی اونی پٚسر اَمی اَمرأ نئیسأ، غورصه جَا میره او وخت اَمأن اَمی پیرٚ پِئرٚ مٚردنَ بأنی بیمی. 32 من می پِئرٚ ورجأ اَ پٚسرٚ سلأمتی‌یَ ضمأنت بوکودم، اونَ بوگفتم کی اگه اونَ سأقٚ سألیم وأنگردأنٚم اَنٚ گونأ تأ اَبد می گردن دکفٚه.»
33 «پٚس ایلتمأس کونٚم کی مٚرَه بنیأمینٚ عوض شیمی ورجأ غولأمی رِه بٚدأرید و وئألید کی اون البأقیأنٚ اَمرأ وأگرده خو پِئرٚ ورجأ. 34 اَخه من چوطؤ تأنٚم بنیأمینَ بنم اَیٚه و وأگردم می پِئرٚ ورجأ و او بلأ کی اونی سٚر اَیِه‌یَ بیدینٚم؟»
Currently Selected:
پیدأیش ۴۴: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۴۴
۴۴
یوسفٚ اَویرَ بوسته پیأله
1 او وخت کی یوسفٚ برأرأن شؤئؤن رِه آمأدَه بوستٚده، یوسف خو خأنه موبأشرَ بٚفرمأسته کی اوشأنٚ خورجینأنَ اوندر پورَ کونٚد کی بتأنٚد خوشأنٚ اَمرأ بٚبرد و پولم اوشأنٚ خورجینٚ دورون، بأرٚ سٚر جیگأ بٚدد. 2 هطؤیی خو موبأشرَ بٚفرمأسته کی پولأنٚ اَمرأ نوقره‌یی پیأله‌یٚم بنیأمین خورجینٚ دورون جیگأ بٚدد. موبأشرَ هر چی کی یوسف بوگفته بویَ انجأم بٚدأ.
3 برأرأن صُبٚ دٚمٚ رِه ویرشتٚده، خوشأن اولأغأنَ بأرَ کودٚد و رأ دکفتد. 4 ولی هنو خٚیلی شهرٚ جَا دورَ نوبوسته بود کی یوسف خو خأنه موبأشرَ بٚفرمأسته: «توندی بوشو اوشأنٚ دونبألسر، هطؤ کی اوشأنَ فأرٚسِئی بوگو: "چٚره خُبی عوض بدی بوکودید؟ 5 چٚره می آقأ ویژکه پیأله کی اونی اَمرأ شرأب خوره و فأل گیره‌یَ بودوزأنِیید؟"»
6 موبأشرَ چونکی اوشأنَ فأرٚسِه، هر چی اونَ فرمأن بٚدأ بوبوسته بو اوشأنَ بوگفته. 7 اوشأن اونَ جوأب بٚدأده: «چٚره اَمی آقأ اَطؤ گه؟ قسم خوریم کی اَمأن اَجور بدٚ کردکأرأن نوکودیم. 8 مگه اَمأن اویدٚفأرِه کی او پولأنَ اَمی خورجینٚ دورون بیأفتیم شِمِره نأوٚردیم؟ پٚس چوطؤ ایمکأن دأره کی تی اَربأبٚ خأنه جَا طلأ و نوقره بودوزأنه بیم؟ 9 هر کی ورجأ پیأله‌یَ بیأفتی اونَ بوکوش بأزین امّا همٚتأن اَمی آقأ رِه غولأم بیم.»
10 موبأشرَ بوگفته: «خٚیلی خُب، ولی فقد اونی کی پیأله‌یَ بودوزأنه بی می غولأم بِه و شومأ البأقئن تأنیدی بیشید.»
11 او وخت همٚتأن دفأتن خوشأنٚ خورجینأنَ جٚه اولأغأنٚ سٚر بأوٚردٚد بیجیر و اوشأنَ وأکودٚد. 12 موبأشر پیله برأرٚ جَا وأمؤختنَ سٚر بیگیفته فأرٚسه کوجه‌دأنه‌یَ و پیأله‌یَ بنیامینٚ خورجینٚ میأن بیأفته. 13 برأرأن زیأدی غورصه جَا خوشأنٚ لیوأسأنَ جِرَ دأده و جؤألأنَ بٚنأده اولأغأنٚ سٚر، وأگردستٚده شهرٚ میأن.
14 او وخت کی یهودا و البأقی برأرأن فأرٚسِده یوسفٚ خأنه، اون هنو اویَه ایسأ بو. اوشأن اونی ورجأ بٚکفتٚده زیمینٚ سٚر 15 یوسف اوشأنٚ جَا وأوٚرسٚه: «چٚره اَ کأرَ بوکودید؟ مگه نأنیدی کی ایتأ مردأی می مأنستَن فأل گیفتنٚ اَمرأ تأنه بفأمه اونی پیأله‌یَ اوسأده کی بودوزأنه؟»
16 یهودا بوگفته: «اَمی آقأ جوأب رِه چی بیگیم؟ چوطؤ تأنیم کی اَمی گونأ نأشتنَ نیشأن بٚدیم؟ خودا خأیٚه کی اَمی کأرأنٚ سٚزأیَ بیدینیم. اَسه وأگردستیم کی امّا همٚتأن اونی اَمرأ کی نوقره‌یی پیأله‌یَ اونی جوأل میأن بیأفتید شیمی غولأم بیبیم.»
17 یوسف بوگفته: «نه، فقد اونی کی پیأله‌یَ بودوزأنه می غولأم بِه. شومأ البأقئن تأنیدی سلأمتی اَمرأ وأگردید شیمی پِئرٚ ورجأ.»
18 یهودا بوشؤ جولو و بوگفته: «آقأ جأن، دأنٚم کی شومأن فرعونٚ مأنستَن قودرت دأری، پٚس مِرِه برزخَ نیبید و وئألید کی شیمی خیدمت ایچی عرض بوکونٚم.
19 «او وخت کی اوّل بأر بأمؤییم شیمی ورجأ، اَمی جَا وأوٚرسِئید: کی پِئر یا ایتأ دِه برأر دأریدی؟ 20 بوگفتیم: "هطؤیه، اَمی پِئر پیره و ایتأ کوجه برأر دأریم کی اونٚ پیری زأکه. اَ پٚسر ایتأ برأر دأشتی کی بٚمٚرده و هسأ اون خو مأرٚ ایتأ دأنه بمأنسته پٚسر ایسٚه و اَمی پِئرم اونَ خٚیلی دوست دأره." 21 فرمأن بٚدأیی کی او کوجه برأرَ بأوٚریم تی ورجأ کی اونَ بیدینی. 22 عرض بوکودیم کی اگه او پٚسر خو پِئرٚ جَا سیوأ بٚبه اَمی پِئر میره. 23 ولی شومأن اَمٚرَه بوگفتیدی کی دِه وأنگردیم مصر مگه اَنکی اونَ اَمی اَمرأ بأوٚریم.»
24 «پٚس وأگردستیم اَمی پِئرٚ ورجأ کی تی غولأم ایسٚه بأزین هرچی کی بٚفرمأستی اونٚ رِه بوگفتیم. 25 او وخت کی اون اَمٚرَه بوگفته کی وأگردید مصر غٚله بیهینید، 26 بوگفتیم کی مصرٚ شؤئؤن نتأنیم مگه وئألی کی اَمی کوجه برأرم اَمی اَمرأ بٚبریم. چونکی اگه اونَ اَمی اَمرأ نٚبریم او مصرٚ حأکیم اَمرأ خو ورجأ رأ نٚده. 27 اَمی پِئر، اَمٚرَه بوگفته: "شومأن دأنیدی کی می زنأی راحیل همش هه دوتأ پٚسرَ دأشتی. 28 ایتأ جٚه اوشأن بوشؤ و دِه وأنگردسته، شک نأرم ایتأ جٚه وأشی جأنورأن اونَ پأرَه کودٚد و دِه اونَ نیدِم. 29 اگه اونی برأرم می جَا فأگیرید و ایتأ بلأ اونٚ سٚر بأیٚه، شیمی پیر پِئر غورصه جَا میره."
30 «هسأ، اَی آقأ جأن، اَمأن نتأنیم اَ جوأنَ بٚنیم اَیٚه و وأگردیم اَمی پِئرٚ ورجأ. اَمی پِئرٚ جأن اونی جأنَ دٚوٚسته نٚهأ. 31 اگه اون بیدینه کی اونی پٚسر اَمی اَمرأ نئیسأ، غورصه جَا میره او وخت اَمأن اَمی پیرٚ پِئرٚ مٚردنَ بأنی بیمی. 32 من می پِئرٚ ورجأ اَ پٚسرٚ سلأمتی‌یَ ضمأنت بوکودم، اونَ بوگفتم کی اگه اونَ سأقٚ سألیم وأنگردأنٚم اَنٚ گونأ تأ اَبد می گردن دکفٚه.»
33 «پٚس ایلتمأس کونٚم کی مٚرَه بنیأمینٚ عوض شیمی ورجأ غولأمی رِه بٚدأرید و وئألید کی اون البأقیأنٚ اَمرأ وأگرده خو پِئرٚ ورجأ. 34 اَخه من چوطؤ تأنٚم بنیأمینَ بنم اَیٚه و وأگردم می پِئرٚ ورجأ و او بلأ کی اونی سٚر اَیِه‌یَ بیدینٚم؟»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org