پیدأیش ۴۳
۴۳
دویُمی سفر مصرٚ میأن
1 قأطی سأل هوطؤ کنعانٚ میأن درأزه دأشتی. 2 پٚس یعقوب خو پٚسرأنَ جَا بٚخأسته کی ایوأردِه بٚشٚد مصر و ایپچه غله بیهینٚد، چونکی مصرٚ جَا بیهه غله تومأنَ بوسته بو.
3 ولی یوهودأ اونَ بوگفته: «او مردأی خٚیلی اَمٚرَه هوشدأر بٚدأ، بوگفته: "اگه شیمی برأر شیمی اَمرأ نٚبه، می دیمَ نیدینیدی." 4 اگه بنیأمینَ اَمی اَمرأ اوسه کونی اَمأن شیم مصر کی تِرِه غله بیهینیم. 5 ولی اگه اونَ اوسه نوکونی، نیشیم چونکی او مردأی اَمٚرَه بوگفته: "اگه شیمی برأر شیمی اَمرأ نئیسأبی می دیمَ نیدینیدی."»
6 یعقوب اوشأنَ بوگفته: «چٚره اونَ بوگفتیدی ایتأ دِه برأرم دأریدی؟ چٚره اَطؤچی می اَمرأ بوکودید؟»
7 بوگفتٚده: «او مردأی تومأمٚ اَمأن و اَمی خأنوأر زٚندیگی ریزٚ چیأنَ دیقّتٚ اَمرأ اَمی جَا وأوٚرسه و بوگفته: "آیا شیمی پِئر هنو زٚنده ایسٚه؟ آیا ایتأ دِه برأر دأریدی؟" اَمأن مجبور بیم اونٚ سوألأنَ جوأب بٚدیم. اَمأن جٚه کؤیَه دأنستیمی اَمٚرَه گه: "شیمی برأرَ بأوٚرید می ورجأ ؟"»
8 یوهودأ خو پِئرَ بوگفته: «پٚسرَ می دٚس فأدٚن کی بیشیم. اگه اَطؤ نٚبه اَمأن و اَمی زأکأن ویشتأیی جَا میریم. 9 من ضمأنت کونٚم کی اونَ سألیم وأگردأنٚم. اونٚ گونأ اَبدٚ رِه می گردن بٚمأنه، اگه اونَ تی ورجأ وأنگردأنٚم و تی ورجأ حأضیرَ نوکونٚم. 10 اگه رأضی بوبوسته‌بی، اونَ اَمی اَمرأ اوسه کوده‌بی تأ هسأ اویَه بوشؤبیم و وأگردسته بیم.»
11 آخرپٚسی یعقوب اَشأنَ بوگفته: «هسأ کی اَطؤچی ایسٚه او خوروم مأصولأنٚ جَا کی اَ سرزیمینٚ میأن دأریم، مصرٚ حأکیمٚ رِه پیشکش بٚبٚرید. ایپچه بلسان و عسل، کتیرا و مُر، پسته و بأدأم شیمی اولأغأنٚ بأر بوکونید، بیشید مصر. 12 او پولٚ سٚر کی اویدفأ شیمی خورجینأنٚ میأن بٚنأ بود هوندر دِه شیمی اَمرأ بٚبٚرید، بلکی ایشتیوأ بوبوسته بی. 13 هوطؤیم، شیمی برأر بنیأمینٚم شیمی اَمرأ اَیِه. 14 اومید دأرم کی او خودا کی قأدرٚ موطلق ایسٚه شٚمٚره او مردأکٚ لوطف جیر بٚنه کی شمعون و بنیأمینَ وأگردأنٚه. اگه خودا خأسته اَن ایسٚه کی بودونٚ زأی بٚبم، وئأل بودونٚ زأی بٚبم.»
15 پٚس اَشأن پیشکش و سیوأی او قبلی پول اونٚ اَندر پول اوسأدٚد، بنیامینٚ اَمرأ بوشؤده یوسفٚ ورجأ مصرٚ میأن. 16 چونکی یوسف بنیأمینَ اوشأنٚ اَمرأ بیدِه، خو خأنه موبأشرَ بوگفته: «ایمرو ظهرٚ نهأرَ اَ مردأکأن می اَمرأ خورٚده. اوشأنَ بٚبر خأنه میأن و خوردنی وأسی برنأمه دیچین.»
17 پٚس او مردأی یوسفٚ دستورٚ موطأبٚق انجأم بٚدأ، اَشأنَ بٚبرده یوسف قصرٚ میأن. 18 یعقوبٚ پٚسرأن او وخت کی بٚفأمستٚده اوشأنَ کؤیَه بٚردأندٚرد، خٚیلی زأهله بوکودٚد و کٚس‌کٚسَ بوگفتٚده: «بلکی خأیٚده اَمٚرَه او پولٚ وأسی کی اَمی خورجینأنٚ میأن بٚنأ بوبوسته بو، بیگیرٚد و خوشأنٚ اسیر چأکونٚد و اَمی اولأغأنٚم خوشأنٚ شین چأکونٚد.»
19 برأرأن بوشؤده یوسفٚ خأنه موبأشرٚ ورجأ و خأنه درٚ سٚر اونٚ اَمرأ گب بٚزِده بوگفتٚده: 20 «اَی آقأ، او اوّلی مرتوه کی بأمؤییم مصرٚ میأن غله هئنٚ رِه، 21 او وخت کی وأگردستیم چونکی اَمی خورجینأنَ وأزَ کودیم، او پولأنَ کی غله هِئنٚ وأسی فأدأبیم اوشأنٚ میأن بیأفتیم. هسأ، او پولأنَ بأوٚردیم. 22 اَیدفأرِه هِئنٚ وأسی‌یٚم ایپچه پول اَمی اَمرأ بأوٚردیم. اَمأن نأنیم اَمی خورجینأنٚ میأن کی او پولأنَ بٚنأ بو.»
23 موبأشر اوشأنَ بوگفته: «نیگرأن نیبید. شیمی خودا و شیمی پیله‌بابایأنٚ خودا اَ ثروٚتَ شیمی خورجینأنٚ میأن بٚنأ دأره، چونکی من او غله‌یأنٚ پولَ شیمی جَا فأگیفتٚم.» پٚس او مردأی شمعونَ زندأنٚ جَا آزأدَ کوده، خو برأرأنٚ ورجأ بأوٚرد.
24 بأزون اوشأنَ بٚبرده قصرٚ میأن، پأ شؤستنٚ رِه اَشأنَ آب فأدأ و اَشأنٚ اولأغأنٚ وأسی‌یٚم علف حأضیرَ کوده.
25 او وخت اوشأن خوشأن پیشکشأنَ حأضرَ کودٚد کی ظهرٚ وخت کی یوسف بأمؤ اونَ فأدٚد، چونکی اوشأنَ بوگفته بود کی نهأرَ اویَه خورٚده. 26 او وخت کی یوسف بأمؤ بٚخأنه دو دٚسی خوشأنٚ پیشکشأنَ اونَ فأدأده، اونی حوضور تعظیم بوکودٚد.
27 یوسف اَشأنٚ حألَ وأوٚرسه و بوگفته: «شیمی پیرٚ پِئر کی اونی دروأره می اَمرأ گب بٚزِیید چوطؤیه؟ آیا هنو زٚنده ایسٚه؟»
28 بوگفتٚده: «هطؤیه، اون هنو زٚنده و سأقٚ سألیم ایسٚه.» و ایوأردِه اونی موقأبیل تعظیم بوکودٚد.
29 یوسف چونکی خو تنی برأر بنیأمینَ بیدِه وأوٚرسه: «آیا اَن هو شیمی کوجه برأر ایسٚه کی اونی دروأره می اَمرأ گب بٚزِیید؟»
بأزون اونَ بوگفته: «می جأنٚ دیلٚ پٚسر، خودا تٚرَه برکت فأدٚه.» 30 یوسف خو برأرٚ دِئنٚ اَمرأ ایجور پریشأنَ بوسته کی نٚتأنسته خو گریه جولویَ بیگیره؛ پٚس دفأتن بوشؤ ایتأ خلوتٚ جیگأ میأن و اویَه گریه بوکوده. 31 بأزون خو دیمَ بوشؤسته وأگردسته خو برأرأنٚ ورجأ و هوطؤ کی خو رو بأش بوبوسته بو، دستور بٚدأ خوردنی‌یَ بأوٚرٚد.
32 یوسفٚ رِه سیوأ سٚفره دیچِئده و اونی برأرأنٚ رِه سیوأ. مصریأنٚم کی اویَه ایسأ بود ایتأ دِه سٚفره جَا خوردنی خوردیدی، چونکی مصریأن، عبرانیأنَ نجس دأنستیدی. 33 یوسف خو برأرأنَ اوشأنٚ سن سألٚ اَندر سٚفره سٚر بینیشأنه و اوشأن اونٚ اَ کأرٚ وأسی قأقَ بوستٚده. 34 اون خو سٚفره جَا اَشأنَ خوردنی فأدأ و بنیامین رِه پنج مرتوه ویشتر جٚه البأقی خوردنی بٚکشه. پٚس اَشأن او روج یوسفٚ اَمرأ بوخور وأخور بوکودٚده و خوشألی بوکودٚد.
Currently Selected:
پیدأیش ۴۳: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۴۳
۴۳
دویُمی سفر مصرٚ میأن
1 قأطی سأل هوطؤ کنعانٚ میأن درأزه دأشتی. 2 پٚس یعقوب خو پٚسرأنَ جَا بٚخأسته کی ایوأردِه بٚشٚد مصر و ایپچه غله بیهینٚد، چونکی مصرٚ جَا بیهه غله تومأنَ بوسته بو.
3 ولی یوهودأ اونَ بوگفته: «او مردأی خٚیلی اَمٚرَه هوشدأر بٚدأ، بوگفته: "اگه شیمی برأر شیمی اَمرأ نٚبه، می دیمَ نیدینیدی." 4 اگه بنیأمینَ اَمی اَمرأ اوسه کونی اَمأن شیم مصر کی تِرِه غله بیهینیم. 5 ولی اگه اونَ اوسه نوکونی، نیشیم چونکی او مردأی اَمٚرَه بوگفته: "اگه شیمی برأر شیمی اَمرأ نئیسأبی می دیمَ نیدینیدی."»
6 یعقوب اوشأنَ بوگفته: «چٚره اونَ بوگفتیدی ایتأ دِه برأرم دأریدی؟ چٚره اَطؤچی می اَمرأ بوکودید؟»
7 بوگفتٚده: «او مردأی تومأمٚ اَمأن و اَمی خأنوأر زٚندیگی ریزٚ چیأنَ دیقّتٚ اَمرأ اَمی جَا وأوٚرسه و بوگفته: "آیا شیمی پِئر هنو زٚنده ایسٚه؟ آیا ایتأ دِه برأر دأریدی؟" اَمأن مجبور بیم اونٚ سوألأنَ جوأب بٚدیم. اَمأن جٚه کؤیَه دأنستیمی اَمٚرَه گه: "شیمی برأرَ بأوٚرید می ورجأ ؟"»
8 یوهودأ خو پِئرَ بوگفته: «پٚسرَ می دٚس فأدٚن کی بیشیم. اگه اَطؤ نٚبه اَمأن و اَمی زأکأن ویشتأیی جَا میریم. 9 من ضمأنت کونٚم کی اونَ سألیم وأگردأنٚم. اونٚ گونأ اَبدٚ رِه می گردن بٚمأنه، اگه اونَ تی ورجأ وأنگردأنٚم و تی ورجأ حأضیرَ نوکونٚم. 10 اگه رأضی بوبوسته‌بی، اونَ اَمی اَمرأ اوسه کوده‌بی تأ هسأ اویَه بوشؤبیم و وأگردسته بیم.»
11 آخرپٚسی یعقوب اَشأنَ بوگفته: «هسأ کی اَطؤچی ایسٚه او خوروم مأصولأنٚ جَا کی اَ سرزیمینٚ میأن دأریم، مصرٚ حأکیمٚ رِه پیشکش بٚبٚرید. ایپچه بلسان و عسل، کتیرا و مُر، پسته و بأدأم شیمی اولأغأنٚ بأر بوکونید، بیشید مصر. 12 او پولٚ سٚر کی اویدفأ شیمی خورجینأنٚ میأن بٚنأ بود هوندر دِه شیمی اَمرأ بٚبٚرید، بلکی ایشتیوأ بوبوسته بی. 13 هوطؤیم، شیمی برأر بنیأمینٚم شیمی اَمرأ اَیِه. 14 اومید دأرم کی او خودا کی قأدرٚ موطلق ایسٚه شٚمٚره او مردأکٚ لوطف جیر بٚنه کی شمعون و بنیأمینَ وأگردأنٚه. اگه خودا خأسته اَن ایسٚه کی بودونٚ زأی بٚبم، وئأل بودونٚ زأی بٚبم.»
15 پٚس اَشأن پیشکش و سیوأی او قبلی پول اونٚ اَندر پول اوسأدٚد، بنیامینٚ اَمرأ بوشؤده یوسفٚ ورجأ مصرٚ میأن. 16 چونکی یوسف بنیأمینَ اوشأنٚ اَمرأ بیدِه، خو خأنه موبأشرَ بوگفته: «ایمرو ظهرٚ نهأرَ اَ مردأکأن می اَمرأ خورٚده. اوشأنَ بٚبر خأنه میأن و خوردنی وأسی برنأمه دیچین.»
17 پٚس او مردأی یوسفٚ دستورٚ موطأبٚق انجأم بٚدأ، اَشأنَ بٚبرده یوسف قصرٚ میأن. 18 یعقوبٚ پٚسرأن او وخت کی بٚفأمستٚده اوشأنَ کؤیَه بٚردأندٚرد، خٚیلی زأهله بوکودٚد و کٚس‌کٚسَ بوگفتٚده: «بلکی خأیٚده اَمٚرَه او پولٚ وأسی کی اَمی خورجینأنٚ میأن بٚنأ بوبوسته بو، بیگیرٚد و خوشأنٚ اسیر چأکونٚد و اَمی اولأغأنٚم خوشأنٚ شین چأکونٚد.»
19 برأرأن بوشؤده یوسفٚ خأنه موبأشرٚ ورجأ و خأنه درٚ سٚر اونٚ اَمرأ گب بٚزِده بوگفتٚده: 20 «اَی آقأ، او اوّلی مرتوه کی بأمؤییم مصرٚ میأن غله هئنٚ رِه، 21 او وخت کی وأگردستیم چونکی اَمی خورجینأنَ وأزَ کودیم، او پولأنَ کی غله هِئنٚ وأسی فأدأبیم اوشأنٚ میأن بیأفتیم. هسأ، او پولأنَ بأوٚردیم. 22 اَیدفأرِه هِئنٚ وأسی‌یٚم ایپچه پول اَمی اَمرأ بأوٚردیم. اَمأن نأنیم اَمی خورجینأنٚ میأن کی او پولأنَ بٚنأ بو.»
23 موبأشر اوشأنَ بوگفته: «نیگرأن نیبید. شیمی خودا و شیمی پیله‌بابایأنٚ خودا اَ ثروٚتَ شیمی خورجینأنٚ میأن بٚنأ دأره، چونکی من او غله‌یأنٚ پولَ شیمی جَا فأگیفتٚم.» پٚس او مردأی شمعونَ زندأنٚ جَا آزأدَ کوده، خو برأرأنٚ ورجأ بأوٚرد.
24 بأزون اوشأنَ بٚبرده قصرٚ میأن، پأ شؤستنٚ رِه اَشأنَ آب فأدأ و اَشأنٚ اولأغأنٚ وأسی‌یٚم علف حأضیرَ کوده.
25 او وخت اوشأن خوشأن پیشکشأنَ حأضرَ کودٚد کی ظهرٚ وخت کی یوسف بأمؤ اونَ فأدٚد، چونکی اوشأنَ بوگفته بود کی نهأرَ اویَه خورٚده. 26 او وخت کی یوسف بأمؤ بٚخأنه دو دٚسی خوشأنٚ پیشکشأنَ اونَ فأدأده، اونی حوضور تعظیم بوکودٚد.
27 یوسف اَشأنٚ حألَ وأوٚرسه و بوگفته: «شیمی پیرٚ پِئر کی اونی دروأره می اَمرأ گب بٚزِیید چوطؤیه؟ آیا هنو زٚنده ایسٚه؟»
28 بوگفتٚده: «هطؤیه، اون هنو زٚنده و سأقٚ سألیم ایسٚه.» و ایوأردِه اونی موقأبیل تعظیم بوکودٚد.
29 یوسف چونکی خو تنی برأر بنیأمینَ بیدِه وأوٚرسه: «آیا اَن هو شیمی کوجه برأر ایسٚه کی اونی دروأره می اَمرأ گب بٚزِیید؟»
بأزون اونَ بوگفته: «می جأنٚ دیلٚ پٚسر، خودا تٚرَه برکت فأدٚه.» 30 یوسف خو برأرٚ دِئنٚ اَمرأ ایجور پریشأنَ بوسته کی نٚتأنسته خو گریه جولویَ بیگیره؛ پٚس دفأتن بوشؤ ایتأ خلوتٚ جیگأ میأن و اویَه گریه بوکوده. 31 بأزون خو دیمَ بوشؤسته وأگردسته خو برأرأنٚ ورجأ و هوطؤ کی خو رو بأش بوبوسته بو، دستور بٚدأ خوردنی‌یَ بأوٚرٚد.
32 یوسفٚ رِه سیوأ سٚفره دیچِئده و اونی برأرأنٚ رِه سیوأ. مصریأنٚم کی اویَه ایسأ بود ایتأ دِه سٚفره جَا خوردنی خوردیدی، چونکی مصریأن، عبرانیأنَ نجس دأنستیدی. 33 یوسف خو برأرأنَ اوشأنٚ سن سألٚ اَندر سٚفره سٚر بینیشأنه و اوشأن اونٚ اَ کأرٚ وأسی قأقَ بوستٚده. 34 اون خو سٚفره جَا اَشأنَ خوردنی فأدأ و بنیامین رِه پنج مرتوه ویشتر جٚه البأقی خوردنی بٚکشه. پٚس اَشأن او روج یوسفٚ اَمرأ بوخور وأخور بوکودٚده و خوشألی بوکودٚد.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org