پیدأیش ۴۲
۴۲
یوسفٚ برأرأن شٚده مصر
1 یعقوب او وخت کی بٚشتأوٚسته مصرٚ میأن فرأوأنٚ غله نٚهأ، خو پٚسرأنَ بوگفته: «چٚره نیشتِئیدی، کٚس‌کٚسَ فأندرستأندرید؟ 2 بٚشتأوٚستم مصرٚ میأن فرأوأنٚ غله نٚهأ. پیشتر جٚه اَنکی ویشتأیی جَا همٚتأن بیمیریم، بیشید و جٚه اویَه غله بیهینید.»
3 هنٚ وأسی یوسفٚ ده‌تأ برأرأن غله هئنٚ وأسی بوشؤده مصر. 4 ولی یعقوب، یوسفٚ تنی برأر بنیأمینَ اوشأنٚ اَمرأ اوسه نوکوده، چونکی ترسِیی کی اونم جٚه دٚس بٚده. 5 پٚس یعقوبٚ پٚسرأنم اوشأنی اَمرأ، اویَه بوشؤده بودورون کی غله هئنٚ وأسی جوروأجورٚ سرزیمینأنٚ جَا اَمؤندوبود مصرٚ ور، چونکی کنعانٚ میأن قأطی سأل تومأمٚ جأجیگأیأنٚ مأنستَن سخت بو.
6 چونکی یوسف مصرٚ حأکیم و غله فوروختن اونی دٚسٚ میأن نٚهأ بو، اونی برأرأن بوشؤده اونی ورجأ و اونی موقأبیل بکفتٚد زیمینٚ رو. 7 یوسف او وخت کی خو برأرأنَ بیدِه، دفأتن اوشأنَ بٚشنأخته، ولی ایجور نیشأن بٚدأ کی اَشأنَ نشنأسه و غیظٚ اَمرأ اوشأنٚ جَا وأوٚرسه: «جٚه کؤیَه بأمؤییدی؟» بوگفتٚده: «غله هئنٚ وأسی کنعانٚ سرزیمینٚ جَا بأمؤییم.»
8 هر چن کی یوسف خو برأرأنَ بٚشنأخته، ولی اوشأن اونَ نشنأختٚده. 9 هه وختٚ میأن یوسف خأطر بأوٚرده، او خأبأنَ کی پیشترأن خو پِئرٚ خأنه میأن بیدِه بو. اون اوشأنَ بوگفته: «شومأن جأسوس ایسید و اَمی سرزیمینٚ وأمؤختنٚ وأسی بأمؤیید اَیٚه.»
10 اوشأن بوگفتٚده: «اَی اَمی آقأ، اَطؤچی نییٚه. اَمأن بأمؤییم غله هِئنٚ وأسی. 11 اَمأن همٚتأن برأریم. اَمأن صأدیقٚ مردومیم و نأمؤییم جأسوسی وأسی.»
12 یوسف بوگفته: «چٚره، شومأن جأسوسیدی و بأمؤیید اَمی سرزیمینٚ وأمؤختنٚ وأسی.»
13 اوشأن بوگفتٚده: «اَی آقأ، اَمأن دوأزده‌تأ برأریم و اَمی پِئر کنعانٚ سرزیمینٚ میأن ایسأ. اَمی کوجه برأر اَمی پِئرٚ ورجأ ایسأ و ایتأ جٚه اَمی برأرأنٚم بٚمٚرده.»
14 یوسف بوگفته: «جٚه کؤیَه شأ فأمستن کی رأست گفتأندرید؟ 15 فقد ایجور ثأبیت بِه رأست گفتأندرید کی شیمی کوجه برأرم بأیٚه اَیٚه اگه اَطؤ نٚبه فرعونٚ سٚر قسم کی ولأنم مصرٚ جَا بیشید بیرون. 16 ایتأ جٚه شومأن بٚشه شیمی برأرَ بأوٚره. البأقی‌یَ اَیَه زندأنٚ میأن دأرم کی موشخص بٚبه اونچی بوگفتیدی رأست ایسٚه یا کی دورُغ. اگه دورُغ بوگفته بید فرعونٚ جأنٚ سٚر قسم کی شومأن جأسوسیدی.» 17 پٚس تومأمٚ اوشأنَ سه روج رِه تأوٚدأ زندأنٚ میأن.
18 سیومی روجٚ میأن یوسف اَشأنَ بوگفته: «من ایتأ خوداترسٚ مردأی ایسٚم، پٚس اونچی‌یَ کی شٚمٚره گم بوکونید کی زٚنده بِئیسید. 19 اگه رأس‌رأسِی شومأن صأدیقٚ آدمأن ایسید، شومأ برأرأنٚ میأن اینفر زندأنٚ میأن بِئیسه و البأقی، شیمی او بیهه غله اَمرأ وأگردید شیمی خأنوأرٚ ورجأ کی ویشتأ ایسٚد. 20 ولی شومأن وأستی شیمی کوجه برأرَ بأوٚرید می ورجأ. اَطؤیی مٚرَه ثأبیت بِه کی شومأن رأست بوگفتیدی و من شٚمٚره نوکوشٚم.» اوشأن اَ شرطَ قوبیل بوکودٚد.
21 او وخت برأرأن کٚس‌کٚسَ بوگفتٚده: «تومأمٚ اَ غم و غورصه‌یأن اونٚ وأسی ایسٚه کی اَمی برأر یوسفَ بد بوکودیم و اونی عجز و لأبه ایلتمأسَ نشتأوستیم.»
22 رئوبین اوشأنَ بوگفته: «ینی من شٚمٚره نوگفتم اَ کأرَ نوکونید؟ ولی می گبَ قوبیل نوکودید. هسأ وأستی اَمی گونأیأنٚ تأوأنَ پٚسَ دیم.» 23 هر چن کی اوشأن نأنستیدی یوسف اوشأنٚ گبأنَ فأمه، چونکی اون ایتأ موترجمٚ اَمرأ اوشأنٚ اَمرأ گب زِیی. 24 هه زمأتٚ میأن یوسف جٚه اَشأنٚ ورجأ بوشؤ ایتأ خلوتٚ جیگأ میأن و گریه بوکوده. بأزون وأگردسته اوشأنٚ ورجأ و جٚه اوشأنٚ میأن شمعونَ اینتخأب بوکوده، دستور بٚدأ اونٚ برأرأنٚ چومأنٚ ورجأ اونَ تأوٚدٚد زندأنٚ میأن. 25 او وخت یوسف خو غولأمأنَ دستور بٚدأ کی غله جَا اوشأنٚ خورجینأنَ پورَ کونٚد، اَطؤیم او پولأنَ کی اونی برأرأن غله هئنٚ وأسی فأدأ بود، اوشأنٚ خورجینأنٚ میأن بٚنٚد و او رأ وأسی اوشأنَ خوردنی فأدأد. پٚس اوشأنٚم هه کأرَ بوکودٚد. 26 و یوسفٚ برأرأن غله‌یَ بأر بٚزِد خوشأنٚ اولأغأنٚ سٚر، بوشؤده خوشأنٚ سرزیمینٚ ور.
27 غروب دٚمٚ رِه، او وخت کی ایسترأحت کودن وأسی بِئیسأده، ایتأ جٚه اوشأن خو اولأغأنَ خوردنی فأدأنٚ وأسی خو خورجینَ بأزَ کوده و بیدِه او پول کی غله هئنٚ وأسی فأدأ بو، خورجینٚ دهنه میأن نٚهأ. 28 پٚس خو برأرأنَ بوگفته: «فأندٚرید! او پولَ کی فأدأ بوم، بٚنأده می خورجینٚ دهنه میأن.» او وخت زأهله جَا اوشأنٚ جأن بٚپرکسته، کٚس‌کٚسَ بوگفتٚده: «اَن دِه چی بلأ ایسٚه کی خودا اَمی سٚر بأوٚرده؟»
29 او وخت کی برأرأن وأگردستٚده خوشأن پِئر یعقوبٚ ورجأ کنعانٚ سرزیمینٚ میأن، اونچی‌یَ کی اَشأنٚ رِه ایتفأق دکفته بو اونٚ رِه وأگویا بوکودٚد، بوگفتٚده: 30 «او مردأی کی او سرزیمینٚ حأکیم بو خٚیلی برزخ اَمی اَمرأ گب بٚزِه و فیکر بوکوده کی اَمأن جأسوس ایسیم. 31 اونَ بوگفتیم اَمأن جأسوس نییٚم بلکی خورومٚ مردومیم 32 اَمأن ایتأ پِئرٚ جَا دوأزده‌تأ برأریم. ایتأ جٚه اَمأن بٚمٚرده و ایتأ دِه کی اَمی همٚتأنٚ جَا کوجه‌دأنه‌تر ایسٚه کنعانٚ میأن اَمی پِئرٚ ورجأ ایسأ. 33 مصرٚ حأکیم اَمی جوأبَ بٚدأ بوگفته: "اگه رأست گیدی، ایتأ جٚه شومأن می ورجأ گروگأن بِئیسه و البأقی، غله‌یأنَ اوسأنید، بیشید شیمی خأنوأرٚ ورجأ کی ویشتأ ایسٚد 34 و شیمی کوجه برأرَ بأوٚرید می ورجأ. اگه اَطؤ بوکونید موشخص بِه کی جأسوس نیئیدی و رأست گیدی. او وخت منم شیمی برأرَ آزأدَ کونٚم و وئألم هر زمأت کی بٚخأستیدی شیمی نیأزٚ اَندر غله هئنٚ وأسی بأیید مصرٚ میأن."»
35 اوشأن او وخت کی خوشأنٚ خورجینأنَ بأزَ کودٚد، بیدِده او پولأن کی غله هئنٚ وأسی فأدأ بود، مأصولٚ خورجینأنٚ میأن نٚهأ. اوشأن و اوشأنی پِئر اَ ایتفأقٚ جَا خٚیلی زأهله بوکودٚد. 36 یعقوب اَشأنَ بوگفته: «مٚرَه بودونٚ زأی بوکودید. یوسف دِه وأنگردسته، شمعونٚم می دٚسٚ جَا بوشؤ و هسأ خأییدی بنیأمینٚم می جَا سیوأ بوکونید. چٚره اَندر بدی می رو اَیِه؟»
37 او وخت رئوبین خو پِئرَ بوگفته: «تو بنیأمینَ فأدن می دٚس. اگه اونَ تی ورجأ وأنگردأنِم می دوتأ پٚسرَ بوکوش.»
38 ولی یعقوب جوأب بٚدأ و بوگفته: «می پٚسر شیمی اَمرأ نأیِه مصرٚ میأن؛ چونکی اونی برأر یوسف بٚمٚرده و جٚه اونی مأرٚ زأکأنٚ میأن تنأ اون مِرِه بٚمأنسته. اگه ایتأ بلأ اونٚ سٚر بأیٚه شیمی پیرٚ پِئر غورصه جَا میره.»
Currently Selected:
پیدأیش ۴۲: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۴۲
۴۲
یوسفٚ برأرأن شٚده مصر
1 یعقوب او وخت کی بٚشتأوٚسته مصرٚ میأن فرأوأنٚ غله نٚهأ، خو پٚسرأنَ بوگفته: «چٚره نیشتِئیدی، کٚس‌کٚسَ فأندرستأندرید؟ 2 بٚشتأوٚستم مصرٚ میأن فرأوأنٚ غله نٚهأ. پیشتر جٚه اَنکی ویشتأیی جَا همٚتأن بیمیریم، بیشید و جٚه اویَه غله بیهینید.»
3 هنٚ وأسی یوسفٚ ده‌تأ برأرأن غله هئنٚ وأسی بوشؤده مصر. 4 ولی یعقوب، یوسفٚ تنی برأر بنیأمینَ اوشأنٚ اَمرأ اوسه نوکوده، چونکی ترسِیی کی اونم جٚه دٚس بٚده. 5 پٚس یعقوبٚ پٚسرأنم اوشأنی اَمرأ، اویَه بوشؤده بودورون کی غله هئنٚ وأسی جوروأجورٚ سرزیمینأنٚ جَا اَمؤندوبود مصرٚ ور، چونکی کنعانٚ میأن قأطی سأل تومأمٚ جأجیگأیأنٚ مأنستَن سخت بو.
6 چونکی یوسف مصرٚ حأکیم و غله فوروختن اونی دٚسٚ میأن نٚهأ بو، اونی برأرأن بوشؤده اونی ورجأ و اونی موقأبیل بکفتٚد زیمینٚ رو. 7 یوسف او وخت کی خو برأرأنَ بیدِه، دفأتن اوشأنَ بٚشنأخته، ولی ایجور نیشأن بٚدأ کی اَشأنَ نشنأسه و غیظٚ اَمرأ اوشأنٚ جَا وأوٚرسه: «جٚه کؤیَه بأمؤییدی؟» بوگفتٚده: «غله هئنٚ وأسی کنعانٚ سرزیمینٚ جَا بأمؤییم.»
8 هر چن کی یوسف خو برأرأنَ بٚشنأخته، ولی اوشأن اونَ نشنأختٚده. 9 هه وختٚ میأن یوسف خأطر بأوٚرده، او خأبأنَ کی پیشترأن خو پِئرٚ خأنه میأن بیدِه بو. اون اوشأنَ بوگفته: «شومأن جأسوس ایسید و اَمی سرزیمینٚ وأمؤختنٚ وأسی بأمؤیید اَیٚه.»
10 اوشأن بوگفتٚده: «اَی اَمی آقأ، اَطؤچی نییٚه. اَمأن بأمؤییم غله هِئنٚ وأسی. 11 اَمأن همٚتأن برأریم. اَمأن صأدیقٚ مردومیم و نأمؤییم جأسوسی وأسی.»
12 یوسف بوگفته: «چٚره، شومأن جأسوسیدی و بأمؤیید اَمی سرزیمینٚ وأمؤختنٚ وأسی.»
13 اوشأن بوگفتٚده: «اَی آقأ، اَمأن دوأزده‌تأ برأریم و اَمی پِئر کنعانٚ سرزیمینٚ میأن ایسأ. اَمی کوجه برأر اَمی پِئرٚ ورجأ ایسأ و ایتأ جٚه اَمی برأرأنٚم بٚمٚرده.»
14 یوسف بوگفته: «جٚه کؤیَه شأ فأمستن کی رأست گفتأندرید؟ 15 فقد ایجور ثأبیت بِه رأست گفتأندرید کی شیمی کوجه برأرم بأیٚه اَیٚه اگه اَطؤ نٚبه فرعونٚ سٚر قسم کی ولأنم مصرٚ جَا بیشید بیرون. 16 ایتأ جٚه شومأن بٚشه شیمی برأرَ بأوٚره. البأقی‌یَ اَیَه زندأنٚ میأن دأرم کی موشخص بٚبه اونچی بوگفتیدی رأست ایسٚه یا کی دورُغ. اگه دورُغ بوگفته بید فرعونٚ جأنٚ سٚر قسم کی شومأن جأسوسیدی.» 17 پٚس تومأمٚ اوشأنَ سه روج رِه تأوٚدأ زندأنٚ میأن.
18 سیومی روجٚ میأن یوسف اَشأنَ بوگفته: «من ایتأ خوداترسٚ مردأی ایسٚم، پٚس اونچی‌یَ کی شٚمٚره گم بوکونید کی زٚنده بِئیسید. 19 اگه رأس‌رأسِی شومأن صأدیقٚ آدمأن ایسید، شومأ برأرأنٚ میأن اینفر زندأنٚ میأن بِئیسه و البأقی، شیمی او بیهه غله اَمرأ وأگردید شیمی خأنوأرٚ ورجأ کی ویشتأ ایسٚد. 20 ولی شومأن وأستی شیمی کوجه برأرَ بأوٚرید می ورجأ. اَطؤیی مٚرَه ثأبیت بِه کی شومأن رأست بوگفتیدی و من شٚمٚره نوکوشٚم.» اوشأن اَ شرطَ قوبیل بوکودٚد.
21 او وخت برأرأن کٚس‌کٚسَ بوگفتٚده: «تومأمٚ اَ غم و غورصه‌یأن اونٚ وأسی ایسٚه کی اَمی برأر یوسفَ بد بوکودیم و اونی عجز و لأبه ایلتمأسَ نشتأوستیم.»
22 رئوبین اوشأنَ بوگفته: «ینی من شٚمٚره نوگفتم اَ کأرَ نوکونید؟ ولی می گبَ قوبیل نوکودید. هسأ وأستی اَمی گونأیأنٚ تأوأنَ پٚسَ دیم.» 23 هر چن کی اوشأن نأنستیدی یوسف اوشأنٚ گبأنَ فأمه، چونکی اون ایتأ موترجمٚ اَمرأ اوشأنٚ اَمرأ گب زِیی. 24 هه زمأتٚ میأن یوسف جٚه اَشأنٚ ورجأ بوشؤ ایتأ خلوتٚ جیگأ میأن و گریه بوکوده. بأزون وأگردسته اوشأنٚ ورجأ و جٚه اوشأنٚ میأن شمعونَ اینتخأب بوکوده، دستور بٚدأ اونٚ برأرأنٚ چومأنٚ ورجأ اونَ تأوٚدٚد زندأنٚ میأن. 25 او وخت یوسف خو غولأمأنَ دستور بٚدأ کی غله جَا اوشأنٚ خورجینأنَ پورَ کونٚد، اَطؤیم او پولأنَ کی اونی برأرأن غله هئنٚ وأسی فأدأ بود، اوشأنٚ خورجینأنٚ میأن بٚنٚد و او رأ وأسی اوشأنَ خوردنی فأدأد. پٚس اوشأنٚم هه کأرَ بوکودٚد. 26 و یوسفٚ برأرأن غله‌یَ بأر بٚزِد خوشأنٚ اولأغأنٚ سٚر، بوشؤده خوشأنٚ سرزیمینٚ ور.
27 غروب دٚمٚ رِه، او وخت کی ایسترأحت کودن وأسی بِئیسأده، ایتأ جٚه اوشأن خو اولأغأنَ خوردنی فأدأنٚ وأسی خو خورجینَ بأزَ کوده و بیدِه او پول کی غله هئنٚ وأسی فأدأ بو، خورجینٚ دهنه میأن نٚهأ. 28 پٚس خو برأرأنَ بوگفته: «فأندٚرید! او پولَ کی فأدأ بوم، بٚنأده می خورجینٚ دهنه میأن.» او وخت زأهله جَا اوشأنٚ جأن بٚپرکسته، کٚس‌کٚسَ بوگفتٚده: «اَن دِه چی بلأ ایسٚه کی خودا اَمی سٚر بأوٚرده؟»
29 او وخت کی برأرأن وأگردستٚده خوشأن پِئر یعقوبٚ ورجأ کنعانٚ سرزیمینٚ میأن، اونچی‌یَ کی اَشأنٚ رِه ایتفأق دکفته بو اونٚ رِه وأگویا بوکودٚد، بوگفتٚده: 30 «او مردأی کی او سرزیمینٚ حأکیم بو خٚیلی برزخ اَمی اَمرأ گب بٚزِه و فیکر بوکوده کی اَمأن جأسوس ایسیم. 31 اونَ بوگفتیم اَمأن جأسوس نییٚم بلکی خورومٚ مردومیم 32 اَمأن ایتأ پِئرٚ جَا دوأزده‌تأ برأریم. ایتأ جٚه اَمأن بٚمٚرده و ایتأ دِه کی اَمی همٚتأنٚ جَا کوجه‌دأنه‌تر ایسٚه کنعانٚ میأن اَمی پِئرٚ ورجأ ایسأ. 33 مصرٚ حأکیم اَمی جوأبَ بٚدأ بوگفته: "اگه رأست گیدی، ایتأ جٚه شومأن می ورجأ گروگأن بِئیسه و البأقی، غله‌یأنَ اوسأنید، بیشید شیمی خأنوأرٚ ورجأ کی ویشتأ ایسٚد 34 و شیمی کوجه برأرَ بأوٚرید می ورجأ. اگه اَطؤ بوکونید موشخص بِه کی جأسوس نیئیدی و رأست گیدی. او وخت منم شیمی برأرَ آزأدَ کونٚم و وئألم هر زمأت کی بٚخأستیدی شیمی نیأزٚ اَندر غله هئنٚ وأسی بأیید مصرٚ میأن."»
35 اوشأن او وخت کی خوشأنٚ خورجینأنَ بأزَ کودٚد، بیدِده او پولأن کی غله هئنٚ وأسی فأدأ بود، مأصولٚ خورجینأنٚ میأن نٚهأ. اوشأن و اوشأنی پِئر اَ ایتفأقٚ جَا خٚیلی زأهله بوکودٚد. 36 یعقوب اَشأنَ بوگفته: «مٚرَه بودونٚ زأی بوکودید. یوسف دِه وأنگردسته، شمعونٚم می دٚسٚ جَا بوشؤ و هسأ خأییدی بنیأمینٚم می جَا سیوأ بوکونید. چٚره اَندر بدی می رو اَیِه؟»
37 او وخت رئوبین خو پِئرَ بوگفته: «تو بنیأمینَ فأدن می دٚس. اگه اونَ تی ورجأ وأنگردأنِم می دوتأ پٚسرَ بوکوش.»
38 ولی یعقوب جوأب بٚدأ و بوگفته: «می پٚسر شیمی اَمرأ نأیِه مصرٚ میأن؛ چونکی اونی برأر یوسف بٚمٚرده و جٚه اونی مأرٚ زأکأنٚ میأن تنأ اون مِرِه بٚمأنسته. اگه ایتأ بلأ اونٚ سٚر بأیٚه شیمی پیرٚ پِئر غورصه جَا میره.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org