خروج ۲۴
۲۴
عهد دٚوٚستٚن
1 بأزون خوداوند موسایَ بٚفرمأسته: «تو و هارون و ناداب و ابیهو و هفتأدتأ جٚه ایسرأییلٚ ریش‌سیفیدأنٚ اَمرأ بأیید کوه جؤر می ورجأ ولی مٚرَه نیزدیکَ نیبید، بلکی جٚه دورٚ جیگأ مٚرَه سوجده بوکونید. 2 فقد تو اَی موسا، بیأ می حوضور، ولی البأقیأن نأیٚد او نیزدیکی. هیتأ جٚه قومٚ آدمأنٚم نوأستی کوه جَا بأیٚد بوجؤر.» 3 بأزون موسا وأگردسته و خوداوندٚ دستورأن و قأنونأنَ بنی‌ایسرأییلٚ رِه وأگویا بوکوده. تومأمٚ مردوم ای صدا اَمرأ بوگفتٚده: «انجأم دیهیمی هر چی خوداوند بٚفرمأسته.» 4 تومأمٚ خوداوندٚ دستورأنَ موسا بینیویشته و فردأیی صُبٚ دٚم ویریشته و ایتأ مذبح او کوه جیر چأکوده و اونٚ دؤرٚوٚر دوأزده‌تأ سوتون بنی‌ایسرأییلٚ طأیفه‌یأنٚ اَندر چأکوده. 5 او وخت چنتأ جٚه بنی‌ایسرأییلٚ جوأنأنَ اوسه کوده کی خوداوندٚ رِه سلأمتی و سوجأنِئنی قوربأنیأن پیشکش بوکونٚد. 6 موسا نیصفٚ او حیوأنأنٚ خون کی قوربأنی بوبوستده‌یَ بیگیفته و فوکوده تشتأنٚ میأن و او خونٚ اویتأ نیصفَ بٚپأشأنِه مذبحٚ رو. 7 بأزون او کیتأب ینی عهدٚ کیتأبَ کی خوداوندٚ حوکمأنَ اویَه بینیویشته بو بنی‌ایسرأییلٚ رِه بٚخأنده و مردوم ایوأردِه بوگفتٚده: «اَمأن قول دیهیمی کی خوداوندٚ تومأمٚ حوکمأنٚ جَا ایطأعت بوکونیم.» 8 بأزون موسا او خونَ کی تشتأنٚ میأن دوبو بیگیفته و بٚپأشأنِه مردومٚ رو و بوگفته: «اَن ایسٚه او عهدٚ خون کی خوداوند اَ دستورأنٚ دٚئنٚ اَمرأ شیمی اَمرأ دٚوٚست.» 9 موسا و هارون و ناداب و ابیهو و هفتأدتأ جٚه ایسرأییلٚ پیله‌کسأن کوه جَا بوشؤده بوجؤر، 10 و ایسرأییلٚ خودایَ بیدِده کی اونی پأ جیر یأقوتٚ کبودٚ جَا ایتأ فرش پأن بو کی آسمأنٚ مأنستَن شفأف بو. 11 هرچن ایسرأییلٚ پیله‌کسأن خودایَ بیدِده، ولی اَشأن هیذره آسیب نیدِده. اوشأن خوداوندٚ حوضور بوخوردٚد و وأخوردٚد.
موسا سینا کوه جؤر
12 او وخت خوداوند موسایَ بٚفرمأسته: «بیأ کوه جؤر می ورجأ و اویَه بِئیس و من او قأنونأن و دستورأنَ کی سنگی لوحأنٚ رو بینیویشتم تٚرَه فأدٚم کی اوشأنَ بنی‌ایسرأییلَ بأموجی.» 13 بأزون موسا و اونی خیدمتگوزأر یوشع ویریشتده کی خودا کوه جَا بٚشٚد بوجؤر. 14 موسا ریش‌سیفیدأنَ بوگفته: «اَیٚه بِئیسید و اَمی وأگردستنٚ رأفأ بِئیسید. اگه او زمأت کی من نئیسأم ایتأ موشیکل پیش بأمؤ هارون و حورٚ اَمرأ بوگو بٚشتأو بوکونید.» 15 بأزین، موسا سینا کوه جَا بوشؤ بوجؤر و ایتأ اَبر او کوهَ خو میأن بیگیفته 16 و خوداوندٚ پور جلالٚ حوضور بأمؤ سینا کوه رو و او اَبر شیش روج او کوهَ هوطؤ لأ بٚدأ بو و هفتومی روجٚ میأن، خوداوند موسایَ جٚه اَبرٚ میأن دؤخأده. 17 خوداوندٚ جلال کوه جؤر او مردومٚ رِه کی کوه جیر ایسأبود آتشٚ شوأله‌یأنٚ مأنستَن نیشأن دیهی. 18 موسا بوشؤ کوه جؤر و او اَبر، اونَ بٚپوشأنه و اون چهل شبندٚروج بِئیسأ کوه میأن.
Currently Selected:
خروج ۲۴: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۲۴
۲۴
عهد دٚوٚستٚن
1 بأزون خوداوند موسایَ بٚفرمأسته: «تو و هارون و ناداب و ابیهو و هفتأدتأ جٚه ایسرأییلٚ ریش‌سیفیدأنٚ اَمرأ بأیید کوه جؤر می ورجأ ولی مٚرَه نیزدیکَ نیبید، بلکی جٚه دورٚ جیگأ مٚرَه سوجده بوکونید. 2 فقد تو اَی موسا، بیأ می حوضور، ولی البأقیأن نأیٚد او نیزدیکی. هیتأ جٚه قومٚ آدمأنٚم نوأستی کوه جَا بأیٚد بوجؤر.» 3 بأزون موسا وأگردسته و خوداوندٚ دستورأن و قأنونأنَ بنی‌ایسرأییلٚ رِه وأگویا بوکوده. تومأمٚ مردوم ای صدا اَمرأ بوگفتٚده: «انجأم دیهیمی هر چی خوداوند بٚفرمأسته.» 4 تومأمٚ خوداوندٚ دستورأنَ موسا بینیویشته و فردأیی صُبٚ دٚم ویریشته و ایتأ مذبح او کوه جیر چأکوده و اونٚ دؤرٚوٚر دوأزده‌تأ سوتون بنی‌ایسرأییلٚ طأیفه‌یأنٚ اَندر چأکوده. 5 او وخت چنتأ جٚه بنی‌ایسرأییلٚ جوأنأنَ اوسه کوده کی خوداوندٚ رِه سلأمتی و سوجأنِئنی قوربأنیأن پیشکش بوکونٚد. 6 موسا نیصفٚ او حیوأنأنٚ خون کی قوربأنی بوبوستده‌یَ بیگیفته و فوکوده تشتأنٚ میأن و او خونٚ اویتأ نیصفَ بٚپأشأنِه مذبحٚ رو. 7 بأزون او کیتأب ینی عهدٚ کیتأبَ کی خوداوندٚ حوکمأنَ اویَه بینیویشته بو بنی‌ایسرأییلٚ رِه بٚخأنده و مردوم ایوأردِه بوگفتٚده: «اَمأن قول دیهیمی کی خوداوندٚ تومأمٚ حوکمأنٚ جَا ایطأعت بوکونیم.» 8 بأزون موسا او خونَ کی تشتأنٚ میأن دوبو بیگیفته و بٚپأشأنِه مردومٚ رو و بوگفته: «اَن ایسٚه او عهدٚ خون کی خوداوند اَ دستورأنٚ دٚئنٚ اَمرأ شیمی اَمرأ دٚوٚست.» 9 موسا و هارون و ناداب و ابیهو و هفتأدتأ جٚه ایسرأییلٚ پیله‌کسأن کوه جَا بوشؤده بوجؤر، 10 و ایسرأییلٚ خودایَ بیدِده کی اونی پأ جیر یأقوتٚ کبودٚ جَا ایتأ فرش پأن بو کی آسمأنٚ مأنستَن شفأف بو. 11 هرچن ایسرأییلٚ پیله‌کسأن خودایَ بیدِده، ولی اَشأن هیذره آسیب نیدِده. اوشأن خوداوندٚ حوضور بوخوردٚد و وأخوردٚد.
موسا سینا کوه جؤر
12 او وخت خوداوند موسایَ بٚفرمأسته: «بیأ کوه جؤر می ورجأ و اویَه بِئیس و من او قأنونأن و دستورأنَ کی سنگی لوحأنٚ رو بینیویشتم تٚرَه فأدٚم کی اوشأنَ بنی‌ایسرأییلَ بأموجی.» 13 بأزون موسا و اونی خیدمتگوزأر یوشع ویریشتده کی خودا کوه جَا بٚشٚد بوجؤر. 14 موسا ریش‌سیفیدأنَ بوگفته: «اَیٚه بِئیسید و اَمی وأگردستنٚ رأفأ بِئیسید. اگه او زمأت کی من نئیسأم ایتأ موشیکل پیش بأمؤ هارون و حورٚ اَمرأ بوگو بٚشتأو بوکونید.» 15 بأزین، موسا سینا کوه جَا بوشؤ بوجؤر و ایتأ اَبر او کوهَ خو میأن بیگیفته 16 و خوداوندٚ پور جلالٚ حوضور بأمؤ سینا کوه رو و او اَبر شیش روج او کوهَ هوطؤ لأ بٚدأ بو و هفتومی روجٚ میأن، خوداوند موسایَ جٚه اَبرٚ میأن دؤخأده. 17 خوداوندٚ جلال کوه جؤر او مردومٚ رِه کی کوه جیر ایسأبود آتشٚ شوأله‌یأنٚ مأنستَن نیشأن دیهی. 18 موسا بوشؤ کوه جؤر و او اَبر، اونَ بٚپوشأنه و اون چهل شبندٚروج بِئیسأ کوه میأن.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org