خروج ۲۵
۲۵
پیشکشی خوداوندٚ مولأقأتٚ خیمه رِه
1 خوداوند موسایَ بٚفرمأسته: 2 «بنی‌ایسرأییلَ بوگو کی پیشکشأن بأوٚرد می حوضور. پیشکشَ اوشأنی جَا قوبیل بوکون کی رضأیت اَمرأ اَوٚرٚده. 3 پیشکشأن وأستی جٚه اَشأن بٚبد: طلأ، نوقره و مٚفرغ؛ 4 آبی، ارغوأنی و سورخٚ نخأن؛ ریز بأفٚ کتأن؛ بوزٚ پشم؛ 5 قوچٚ پوست کی اونی رنگ سورخ بوبوسته بی و خزٚ پوست؛ اقاقیا چو؛ 6 چرأغأنٚ رِه روغن زیتون؛ مسحٚ روغن چأکودنٚ رِه خورومٚ عطرٚ موأد؛ خوروم عطرٚ بوخور؛ 7 کأهین ایفود و سینه پوشٚ رِه جزعٚ سنگأن و البأقی سنگأن کی اَرزِه.
8 «بنی‌ایسرأییل وأستی ایتأ موقدسٚ خیمه مِرِه چأکوند کی اَشأنٚ میأن سأمأن بیگیرم. 9 اَ عیبأدتٚ خیمه و تومأم اونٚ اسبأب اَثأثیه‌یَ وأستی هوطؤ چأکونی کی تٚرَه نیشأن دٚهٚم.
عهدٚ صوندوق
10 «اقاقیا چو جَا ایتأ صوندوق چأکون کی اونٚ درأزأ ۱۲۵ سأنت و اونٚ پأنأ و بولندی هرتأ ۷۵ سأنت بٚبه. 11 خألیصٚ طلأ جَا اونٚ بیرون و دورونَ بوپوشأن و اونٚ لبه دؤرَ طلأ اَمرأ نوأر بیگیر. 12 اَ صوندوقٚ رِه، طلأ اَمرأ چأرتأ حلقه آمأدَه کون و اونٚ بیجیرٚ چأر گوشه میأن اوشأنَ دوچوکأن ینی هرتأ گوشه دوتأ حلقه. 13 اقاقیا دأرٚ جَا دؤنه بولندٚ چو آمأدَه بٚه و طلأ اَمرأ اونَ رو بیگیر 14 و اوشأنَ صوندوقٚ اَرأ اورأ بٚردنٚ رِه او حلقه‌یأنٚ دورون بٚنه کی صوندوقٚ اَسٚر اوسٚر نٚهأ. 15 اَ چوبأن "عهدٚ صوندوقٚ" حلقه‌یأنٚ دورون بٚمأنٚد و حلقه‌یأنٚ جَا نأیٚد بیرون. 16 او وخت کی عهدٚ صوندوقٚ چأکودٚن تومأنَ بوسته، او دؤنه سنگٚ لوحَ کی دستورأن و قأنونأن اونی رو بٚکنده بوبوسته تٚرَه ایسپأرم کی بٚنی اونٚ دورون.
17 «عهدٚ صوندوقٚ درپوشَ خألیصٚ طلأ جَا چأکون کی اونٚ درأزأ ۱۲۵ سأنت و اونٚ پأنأ ۷۵ سأنت بٚبه. اَ درپوش، "رحمتٚ تخت" ایسٚه شیمی گونأیأنٚ کفأره رِه. 18 دؤنه طلأکوب بوبوسته فٚرٚشته موجسمه‌یَ چأکون، و اوشأنَ بٚنه رحمتٚ تختٚ اَسٚر و اوسرٚ میأن. 19 فٚرٚشته‌یأنَ ایجور رحمتٚ تختٚ اَسٚر اوسٚر دوچوکأن کی ای دٚس بٚبه اونٚ اَمرأ. 20 فٚرٚشته‌یأنٚ موجسمه کس‌کسٚ موقأبیل وأستی بٚبد و اوشأنٚ دِئن تختٚ ور بٚبه و اونٚ جؤر اوشأنٚ بألأن پأن بٚبد. 21 رحمتٚ تختَ صوندوقٚ سٚر دوچوکأن و او سنگٚ لوحأنَ کی تٚرَه ایسپأرم بٚنه او صوندوقٚ میأن. 22 او وخت من تی اَمرأ اویَه مولأقأت کونٚم و او دوتأ فٚرٚشته میأن کی رحمتٚ تختٚ رو بٚنأ بوبوستده تی اَمرأ گب زٚنٚم و بنی‌ایسرأییلٚ رِه لأزیمٚ دستورأنَ تٚرَه فأدٚم.
میز
23 «اقاقیا چو اَمرأ ایتأ میز چأکون کی اونٚ درأزأ ای متر و اونٚ پأنأ نیم متر و بولندی ۷۵ سأنت بٚبه. 24 خألیصٚ طلأ اَمرأ اونَ رو بیگیر و طلأ جَا ایتأ قأب میزٚ لبه دؤرَ دوچوکأن. 25 چأرتأ انگوشتٚ پأنأ اَندر میز لبه دؤرٚ حأشیه‌یَ چأکون و حأشیه دؤرَ طلأ اَمرأ قأب بیگیر. 26 میزٚ رِه طلأ جَا چأرتأ حلقه چأکون و اوشأنَ میزٚ پأیه‌یأنٚ چأرتأ گوشه بوجؤر دوچوکأن. 27 اَ حلقه‌یأن او چوبأنٚ شین ایسٚد کی میزٚ اوسأدن و یا اَرأ اورأ بٚردنٚ زمأت وأستی تأوٚدأ بٚبد اوشأنٚ میأن. 28 اَ چوبأنَ اقاقیا دأرٚ جَا کی طلأ اَمرأ رو بیگیفته بوبوسته چأکون. 29 هطؤیم وأخوردنی پیشکشأنٚ دوکودنٚ رِه خألیصٚ طلأ جَا قدأره‌یأن، بوشقأبأن، جأمأن و پیأله‌یأنَ چأکون. 30 حوضورٚ نأن همیشٚکٚ رِه وأستی میزٚ رو می حوضور بٚمأنه.
چرأغدأن
31 «خألیصٚ طلأ جَا ایتأ چرأغدأن چأکون کی چکُش‌کأری بوبوسته بی. اونٚ پأیه و بدنه خألیصٚ طلأ جَا وأستی ایتأ تیکه چأکوده بٚبه و اونٚ رو گولأنٚ نقش و نیگأر کی کأسبرگ و تی‌تی اَمرأیٚم ایسٚه وأستی جٚه طلأ جنس بٚبه. 32 شیش‌تأ شأخه چرأغدأنٚ بدنه جَا بأیٚه بیرون سه‌تأ شأخه جٚه ایوٚر و سه‌تأ شأخه جٚه اویتأ ور. 33 هرتأ شأخه رو سه‌تأ بأدأمٚ شمأیل گول بٚمأنه. 34 بدنه رو چأرتأ بأدأمٚ مأنستَن گولٚ اَمرأ چأکون وأکون بٚبه. 35 هرتأ جوفت شأخه جیر ایتأ زپه، او جیگأ کی بدنه جَا شیش‌تأ شأخه بیرون اَیِه، بٚمأنه. 36 تومأمٚ اَ نقشأن و شأخه‌یأن و بدنه وأستی ایتأ تیکه خألیصٚ طلأ جَا بٚبد. 37 بأزون هفتأ چرأغ چأکون و اوشأنَ بٚنه چرأغدأنٚ رو کی اوشأنٚ نور جولویَ دٚتأوه. 38 خألیصٚ طلأ جَا اونٚ اَنبرأن و سینیأنَ چأکون. 39 ۳۴ کیلو طلأ اَ چرأغدأن و اونٚ دمٚ‌دزگأ چأکودنٚ رِه لأزیم ایسٚه.
40 «تی حواسَ جمَ کون کی همٚتأنَ او چی مأنستَن کی کوه جؤر تٚرَه نیشأن بٚدأم، چأکونی.
Currently Selected:
خروج ۲۵: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۲۵
۲۵
پیشکشی خوداوندٚ مولأقأتٚ خیمه رِه
1 خوداوند موسایَ بٚفرمأسته: 2 «بنی‌ایسرأییلَ بوگو کی پیشکشأن بأوٚرد می حوضور. پیشکشَ اوشأنی جَا قوبیل بوکون کی رضأیت اَمرأ اَوٚرٚده. 3 پیشکشأن وأستی جٚه اَشأن بٚبد: طلأ، نوقره و مٚفرغ؛ 4 آبی، ارغوأنی و سورخٚ نخأن؛ ریز بأفٚ کتأن؛ بوزٚ پشم؛ 5 قوچٚ پوست کی اونی رنگ سورخ بوبوسته بی و خزٚ پوست؛ اقاقیا چو؛ 6 چرأغأنٚ رِه روغن زیتون؛ مسحٚ روغن چأکودنٚ رِه خورومٚ عطرٚ موأد؛ خوروم عطرٚ بوخور؛ 7 کأهین ایفود و سینه پوشٚ رِه جزعٚ سنگأن و البأقی سنگأن کی اَرزِه.
8 «بنی‌ایسرأییل وأستی ایتأ موقدسٚ خیمه مِرِه چأکوند کی اَشأنٚ میأن سأمأن بیگیرم. 9 اَ عیبأدتٚ خیمه و تومأم اونٚ اسبأب اَثأثیه‌یَ وأستی هوطؤ چأکونی کی تٚرَه نیشأن دٚهٚم.
عهدٚ صوندوق
10 «اقاقیا چو جَا ایتأ صوندوق چأکون کی اونٚ درأزأ ۱۲۵ سأنت و اونٚ پأنأ و بولندی هرتأ ۷۵ سأنت بٚبه. 11 خألیصٚ طلأ جَا اونٚ بیرون و دورونَ بوپوشأن و اونٚ لبه دؤرَ طلأ اَمرأ نوأر بیگیر. 12 اَ صوندوقٚ رِه، طلأ اَمرأ چأرتأ حلقه آمأدَه کون و اونٚ بیجیرٚ چأر گوشه میأن اوشأنَ دوچوکأن ینی هرتأ گوشه دوتأ حلقه. 13 اقاقیا دأرٚ جَا دؤنه بولندٚ چو آمأدَه بٚه و طلأ اَمرأ اونَ رو بیگیر 14 و اوشأنَ صوندوقٚ اَرأ اورأ بٚردنٚ رِه او حلقه‌یأنٚ دورون بٚنه کی صوندوقٚ اَسٚر اوسٚر نٚهأ. 15 اَ چوبأن "عهدٚ صوندوقٚ" حلقه‌یأنٚ دورون بٚمأنٚد و حلقه‌یأنٚ جَا نأیٚد بیرون. 16 او وخت کی عهدٚ صوندوقٚ چأکودٚن تومأنَ بوسته، او دؤنه سنگٚ لوحَ کی دستورأن و قأنونأن اونی رو بٚکنده بوبوسته تٚرَه ایسپأرم کی بٚنی اونٚ دورون.
17 «عهدٚ صوندوقٚ درپوشَ خألیصٚ طلأ جَا چأکون کی اونٚ درأزأ ۱۲۵ سأنت و اونٚ پأنأ ۷۵ سأنت بٚبه. اَ درپوش، "رحمتٚ تخت" ایسٚه شیمی گونأیأنٚ کفأره رِه. 18 دؤنه طلأکوب بوبوسته فٚرٚشته موجسمه‌یَ چأکون، و اوشأنَ بٚنه رحمتٚ تختٚ اَسٚر و اوسرٚ میأن. 19 فٚرٚشته‌یأنَ ایجور رحمتٚ تختٚ اَسٚر اوسٚر دوچوکأن کی ای دٚس بٚبه اونٚ اَمرأ. 20 فٚرٚشته‌یأنٚ موجسمه کس‌کسٚ موقأبیل وأستی بٚبد و اوشأنٚ دِئن تختٚ ور بٚبه و اونٚ جؤر اوشأنٚ بألأن پأن بٚبد. 21 رحمتٚ تختَ صوندوقٚ سٚر دوچوکأن و او سنگٚ لوحأنَ کی تٚرَه ایسپأرم بٚنه او صوندوقٚ میأن. 22 او وخت من تی اَمرأ اویَه مولأقأت کونٚم و او دوتأ فٚرٚشته میأن کی رحمتٚ تختٚ رو بٚنأ بوبوستده تی اَمرأ گب زٚنٚم و بنی‌ایسرأییلٚ رِه لأزیمٚ دستورأنَ تٚرَه فأدٚم.
میز
23 «اقاقیا چو اَمرأ ایتأ میز چأکون کی اونٚ درأزأ ای متر و اونٚ پأنأ نیم متر و بولندی ۷۵ سأنت بٚبه. 24 خألیصٚ طلأ اَمرأ اونَ رو بیگیر و طلأ جَا ایتأ قأب میزٚ لبه دؤرَ دوچوکأن. 25 چأرتأ انگوشتٚ پأنأ اَندر میز لبه دؤرٚ حأشیه‌یَ چأکون و حأشیه دؤرَ طلأ اَمرأ قأب بیگیر. 26 میزٚ رِه طلأ جَا چأرتأ حلقه چأکون و اوشأنَ میزٚ پأیه‌یأنٚ چأرتأ گوشه بوجؤر دوچوکأن. 27 اَ حلقه‌یأن او چوبأنٚ شین ایسٚد کی میزٚ اوسأدن و یا اَرأ اورأ بٚردنٚ زمأت وأستی تأوٚدأ بٚبد اوشأنٚ میأن. 28 اَ چوبأنَ اقاقیا دأرٚ جَا کی طلأ اَمرأ رو بیگیفته بوبوسته چأکون. 29 هطؤیم وأخوردنی پیشکشأنٚ دوکودنٚ رِه خألیصٚ طلأ جَا قدأره‌یأن، بوشقأبأن، جأمأن و پیأله‌یأنَ چأکون. 30 حوضورٚ نأن همیشٚکٚ رِه وأستی میزٚ رو می حوضور بٚمأنه.
چرأغدأن
31 «خألیصٚ طلأ جَا ایتأ چرأغدأن چأکون کی چکُش‌کأری بوبوسته بی. اونٚ پأیه و بدنه خألیصٚ طلأ جَا وأستی ایتأ تیکه چأکوده بٚبه و اونٚ رو گولأنٚ نقش و نیگأر کی کأسبرگ و تی‌تی اَمرأیٚم ایسٚه وأستی جٚه طلأ جنس بٚبه. 32 شیش‌تأ شأخه چرأغدأنٚ بدنه جَا بأیٚه بیرون سه‌تأ شأخه جٚه ایوٚر و سه‌تأ شأخه جٚه اویتأ ور. 33 هرتأ شأخه رو سه‌تأ بأدأمٚ شمأیل گول بٚمأنه. 34 بدنه رو چأرتأ بأدأمٚ مأنستَن گولٚ اَمرأ چأکون وأکون بٚبه. 35 هرتأ جوفت شأخه جیر ایتأ زپه، او جیگأ کی بدنه جَا شیش‌تأ شأخه بیرون اَیِه، بٚمأنه. 36 تومأمٚ اَ نقشأن و شأخه‌یأن و بدنه وأستی ایتأ تیکه خألیصٚ طلأ جَا بٚبد. 37 بأزون هفتأ چرأغ چأکون و اوشأنَ بٚنه چرأغدأنٚ رو کی اوشأنٚ نور جولویَ دٚتأوه. 38 خألیصٚ طلأ جَا اونٚ اَنبرأن و سینیأنَ چأکون. 39 ۳۴ کیلو طلأ اَ چرأغدأن و اونٚ دمٚ‌دزگأ چأکودنٚ رِه لأزیم ایسٚه.
40 «تی حواسَ جمَ کون کی همٚتأنَ او چی مأنستَن کی کوه جؤر تٚرَه نیشأن بٚدأم، چأکونی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org