خروج ۲۳
۲۳
عدل و اینصأف
1 «دورُغٚ خٚوٚرَ پٚخشَ نوکونید و دورُغٚ گووأ دٚئنٚ اَمرأ نأجورٚ آدمٚ اَمرأ ایتأ نیبید. 2 او وخت کی گووأ بٚدأ کسٚ موقأمٚ میأن دأدگأ دورون ایسأیید نأجورٚ کأر کودنٚ وأسی جِمئیتٚ دونبألسر نیشید و جِمئیتٚ فیکرٚ اَمرأ، عیدألتَ لقد دٚمٚج نوکونید، 3 و اینفرٚ بألأخأ وینریزید چونکی فِقِر ایسٚه.» 4 «اگه شیمی دوشمنٚ اَویرَ بوسته گأب یا اولأغَ بیدِیید اونَ وأگردأنید اونٚ صأبٚ ورجأ. 5 اگه تی دوشمنٚ اولأغٚ بیدِیید کی بأرٚ جیر کفته، اونٚ محل نوکوده نٚنید و نیشید، بلکی اونٚ یاور بٚدید کی زیمینٚ جَا خو اولأغَ رأستَ کونه.»
6 «دادگأ میأن، فِقِر آدمٚ حقَ لقد دٚمٚج نوکونید. 7 هیکسَ ایفترأ نٚزنید و ولأنید اونکی گونأ نوکوده مرگٚ رِه محکوم بٚبه. من اونکی عیدألتَ پأ جیر بٚنه موجأزأت کونٚم.
8 «رشوه فأنگیرید، چونکی رشوه اوشأنٚ چومأنَ کورَ کونه کی دینٚده و اوشأنی کی رأست گده‌یَ وأدأره کی دورُغ بٚگد.»
9 «غریبٚ آدمأنَ ظولم نوکونید، چونکی خودتأن مصرٚ میأن غریب بید و غریبأنٚ حألَ فأمیدی.
هفتومی سأل و هفتومی روج
10 «شیمی زیمینٚ میأن شیش سأل کیشأورزی بوکونید، و اونی مأصولَ دیبینید. 11 ولی وئألید هفتومی سألٚ میأن زیمین ایسترأحت بوکونه و وئألید اونچی‌یَ کی اونٚ جَا بیرون اَیِه فِقِرأن اونی جَا ایستفأده بوکوند و اونچی کی اونی جَا ایضأفه اَیِه صأرأیی میأن حیوأنأن بوخورٚد. اَ فرمأن رٚزٚ بأغ و زیتون بأغ رِه‌یٚم انجأم بِه.
12 «شیش روج کأر بوکونید و هفتومی روجٚ میأن ایسترأحت بوکونید کی غولأمأن و کولفتأن و او غریبٚ آدمأن کی شِمِره کأر کونٚده و حتّا شیمی مألأن بتأنٚد ایسترأحت بوکونٚد.
13 «جٚه اونچی کی شٚمٚره بوگفتم ایطأعت بوکونید. البأقی خودایأنٚ ورجأ دوعأ نوکونید و شیمی زوأنٚ رو حتّا اوشأنٚ نأمَ نأوٚرید.»
سه‌تأ پیله عَاید
14 «می ایحترأم نٚئنٚ وأسی هر سأل اَ سه‌تأ عَیدَ بٚدأرید. 15 اوّلی، فطیرٚ عَید: هوطؤ کی پیشترأن دستور بٚدأ بوم اَ عَیدٚ میأن هفت روج فطیرٚ نأن بوخورید. هرتأ سأل ابیبٚ مأه میأن دأل بٚدأل اَ عَیدَ بیگیرید، چونکی هه مأهٚ میأن بو کی مصرٚ جَا بأمؤیید بیرون. اَ عَیدٚ میأن همٚتأ شومأن می حوضور وأستی پیشکش بأوٚرید. 16 دویُم، حصأدٚ عَید: اون او وخت ایسٚه کی وأستی شومأن شیمی نوبرٚ مأصولَ مِرِه پیشکش بوکونید. سیومی، جمَ کودنٚ عَید: اَ عَیدَ او وخت کی مأصولَ جمَ کودأندرید آخرٚ سألٚ میأن انجأم بٚدید. 17 هر سأل اَ سه‌تأ عَیدٚ میأن، وأستی تومأمٚ بنی‌ایسرأییلٚ مردأکأن خوداوندٚ حوضور حأضیرَ بٚد.»
18 «او حیوأنٚ خون کی قوربأنی بوبوسته‌یَ نأنٚ اَمرأ کی خمیرمأیه دأرِه مِرِه پیشکش نوکونید. او قوربأنیأنٚ چربیأنَ کی مِرِه پیشکش بوکودید ولأنید کی تأ صُب بٚمأنه.»
19 «هرتأ مأصولٚ خورومٚ نوبرَ کی دیبینیدی، بأوٚرید شیمی یهوه خودا خأنه میأن. بوزٚ زأکَ اونٚ مأرٚ شیرٚ میأن نٚپچید.»
خودا وعده‌یأن
20 «من شیمی پیشتر ایتأ فٚرٚشته اوسه کونٚم کی رأ میأن شٚمٚره حیفأظت بوکونه و شٚمٚره سأق و سألیم فأرٚسأنه او سرزیمینٚ میأن کی شِمِره آمأدَه کودم. 21 اونٚ گبأنَ بٚشتأوید و اونٚ دستورأنٚ جَا ایطأعت بوکونید. اونی جَا تٚمرود نوکونید، چونکی شیمی گونأیأنَ نٚبخشِه، چونکی اون می اوسه کوده ایسٚه و می نأم اونٚ رو نٚهأ. 22 اگه اونی جَا ایطأعت بوکونید و تومأمٚ می دستورأنَ ایطأعت بوکونید، او وخت من شیمی دوشمنأنٚ دوشمن و موخألیفأنٚ موخألیف بٚم. 23 می فٚرٚشته شیمی پیشتر شِه و شٚمٚره اموریأن، حیتیأن، فرزیأن، کنعأنیأن، حویأن و یبوسیأن سرزیمینٚ میأن هیدأیت کونه و من اوشأنَ هلأکَ کونٚم. 24 شومأن نوأستی اوشأنٚ خودایأنَ پرستٚش بوکونید و اوشأنٚ چپلٚ مرأسیمَ انجأم بٚدید. اَ قومأنَ جٚه بین بٚبرید و اوشأنٚ سوتونی بُتأنَ بٚشکنید.
25 «شیمی خوداوند، خودایَ عیبأدت بوکونید و اون شیمی نأن و آبَ برکت دِهه و جٚه شیمی میأن نأخوشی‌یَ دورَ کونه. 26 شیمی میأن زأی اِیگأدن و زأی دأر نوبوستن نمأنِه. اون شٚمٚره درأزٚ عُمر بٚخشِه.»
27 «هرتأ سرزیمینٚ میأن کی فوتورکید من می ترسَ شیمی پیشتر اوسه کونٚم کی خوداوندٚ ترس اونٚ مردومٚ رو بأش بٚبه و اوشأن شیمی جَا جیویزٚد. 28 من سورخٚ سیفتألأنَ اوسه کونٚم کی شیمی حوضورٚ جَا، حوی، کنعأنی و حیتی قومأنَ تأوٚدٚد بیرون. 29 البت تأ ای سأل او قومأنَ تأنوٚدم بیرون، نوکونه کی زیمین خألِه و ویرأنَ بٚه و وأشی حیوأنأن خٚیلی زیأدَ بٚد. 30 آرأم آرأمِی اَ قومأنَ جٚه اویَه تأوٚدم بیرون کی ایپچه ایپچه شیمی جِمئیت زیأدَ بٚه و تومأمٚ زیمینَ پورَ کونٚه. 31 شیمی سرزیمینٚ سأمأنسٚرَ جٚه سورخٚ دریأ تأ فلسطینٚ دریأکنأر و جٚه جونوبٚ صأرأیی تأ فرأتٚ روخأن زیأدَ کونٚم و شٚمٚره یاور دٚهٚم کی او سرزیمینٚ آدمأنَ شکست بٚدید و تأوٚدید بیرون.
32 «اوشأن و اوشأنٚ خودایأنٚ اَمرأ عهد دٚنوٚدید 33 و ولأنید شیمی میأن زٚندیگی بوکونٚد، اَطؤ نٚبه، شٚمٚره فأکشٚده بُت پرستٚش کودنٚ وٚر، ایتأ پیله موصیبتٚ میأن گریفتأر کونٚده.»
Currently Selected:
خروج ۲۳: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۲۳
۲۳
عدل و اینصأف
1 «دورُغٚ خٚوٚرَ پٚخشَ نوکونید و دورُغٚ گووأ دٚئنٚ اَمرأ نأجورٚ آدمٚ اَمرأ ایتأ نیبید. 2 او وخت کی گووأ بٚدأ کسٚ موقأمٚ میأن دأدگأ دورون ایسأیید نأجورٚ کأر کودنٚ وأسی جِمئیتٚ دونبألسر نیشید و جِمئیتٚ فیکرٚ اَمرأ، عیدألتَ لقد دٚمٚج نوکونید، 3 و اینفرٚ بألأخأ وینریزید چونکی فِقِر ایسٚه.» 4 «اگه شیمی دوشمنٚ اَویرَ بوسته گأب یا اولأغَ بیدِیید اونَ وأگردأنید اونٚ صأبٚ ورجأ. 5 اگه تی دوشمنٚ اولأغٚ بیدِیید کی بأرٚ جیر کفته، اونٚ محل نوکوده نٚنید و نیشید، بلکی اونٚ یاور بٚدید کی زیمینٚ جَا خو اولأغَ رأستَ کونه.»
6 «دادگأ میأن، فِقِر آدمٚ حقَ لقد دٚمٚج نوکونید. 7 هیکسَ ایفترأ نٚزنید و ولأنید اونکی گونأ نوکوده مرگٚ رِه محکوم بٚبه. من اونکی عیدألتَ پأ جیر بٚنه موجأزأت کونٚم.
8 «رشوه فأنگیرید، چونکی رشوه اوشأنٚ چومأنَ کورَ کونه کی دینٚده و اوشأنی کی رأست گده‌یَ وأدأره کی دورُغ بٚگد.»
9 «غریبٚ آدمأنَ ظولم نوکونید، چونکی خودتأن مصرٚ میأن غریب بید و غریبأنٚ حألَ فأمیدی.
هفتومی سأل و هفتومی روج
10 «شیمی زیمینٚ میأن شیش سأل کیشأورزی بوکونید، و اونی مأصولَ دیبینید. 11 ولی وئألید هفتومی سألٚ میأن زیمین ایسترأحت بوکونه و وئألید اونچی‌یَ کی اونٚ جَا بیرون اَیِه فِقِرأن اونی جَا ایستفأده بوکوند و اونچی کی اونی جَا ایضأفه اَیِه صأرأیی میأن حیوأنأن بوخورٚد. اَ فرمأن رٚزٚ بأغ و زیتون بأغ رِه‌یٚم انجأم بِه.
12 «شیش روج کأر بوکونید و هفتومی روجٚ میأن ایسترأحت بوکونید کی غولأمأن و کولفتأن و او غریبٚ آدمأن کی شِمِره کأر کونٚده و حتّا شیمی مألأن بتأنٚد ایسترأحت بوکونٚد.
13 «جٚه اونچی کی شٚمٚره بوگفتم ایطأعت بوکونید. البأقی خودایأنٚ ورجأ دوعأ نوکونید و شیمی زوأنٚ رو حتّا اوشأنٚ نأمَ نأوٚرید.»
سه‌تأ پیله عَاید
14 «می ایحترأم نٚئنٚ وأسی هر سأل اَ سه‌تأ عَیدَ بٚدأرید. 15 اوّلی، فطیرٚ عَید: هوطؤ کی پیشترأن دستور بٚدأ بوم اَ عَیدٚ میأن هفت روج فطیرٚ نأن بوخورید. هرتأ سأل ابیبٚ مأه میأن دأل بٚدأل اَ عَیدَ بیگیرید، چونکی هه مأهٚ میأن بو کی مصرٚ جَا بأمؤیید بیرون. اَ عَیدٚ میأن همٚتأ شومأن می حوضور وأستی پیشکش بأوٚرید. 16 دویُم، حصأدٚ عَید: اون او وخت ایسٚه کی وأستی شومأن شیمی نوبرٚ مأصولَ مِرِه پیشکش بوکونید. سیومی، جمَ کودنٚ عَید: اَ عَیدَ او وخت کی مأصولَ جمَ کودأندرید آخرٚ سألٚ میأن انجأم بٚدید. 17 هر سأل اَ سه‌تأ عَیدٚ میأن، وأستی تومأمٚ بنی‌ایسرأییلٚ مردأکأن خوداوندٚ حوضور حأضیرَ بٚد.»
18 «او حیوأنٚ خون کی قوربأنی بوبوسته‌یَ نأنٚ اَمرأ کی خمیرمأیه دأرِه مِرِه پیشکش نوکونید. او قوربأنیأنٚ چربیأنَ کی مِرِه پیشکش بوکودید ولأنید کی تأ صُب بٚمأنه.»
19 «هرتأ مأصولٚ خورومٚ نوبرَ کی دیبینیدی، بأوٚرید شیمی یهوه خودا خأنه میأن. بوزٚ زأکَ اونٚ مأرٚ شیرٚ میأن نٚپچید.»
خودا وعده‌یأن
20 «من شیمی پیشتر ایتأ فٚرٚشته اوسه کونٚم کی رأ میأن شٚمٚره حیفأظت بوکونه و شٚمٚره سأق و سألیم فأرٚسأنه او سرزیمینٚ میأن کی شِمِره آمأدَه کودم. 21 اونٚ گبأنَ بٚشتأوید و اونٚ دستورأنٚ جَا ایطأعت بوکونید. اونی جَا تٚمرود نوکونید، چونکی شیمی گونأیأنَ نٚبخشِه، چونکی اون می اوسه کوده ایسٚه و می نأم اونٚ رو نٚهأ. 22 اگه اونی جَا ایطأعت بوکونید و تومأمٚ می دستورأنَ ایطأعت بوکونید، او وخت من شیمی دوشمنأنٚ دوشمن و موخألیفأنٚ موخألیف بٚم. 23 می فٚرٚشته شیمی پیشتر شِه و شٚمٚره اموریأن، حیتیأن، فرزیأن، کنعأنیأن، حویأن و یبوسیأن سرزیمینٚ میأن هیدأیت کونه و من اوشأنَ هلأکَ کونٚم. 24 شومأن نوأستی اوشأنٚ خودایأنَ پرستٚش بوکونید و اوشأنٚ چپلٚ مرأسیمَ انجأم بٚدید. اَ قومأنَ جٚه بین بٚبرید و اوشأنٚ سوتونی بُتأنَ بٚشکنید.
25 «شیمی خوداوند، خودایَ عیبأدت بوکونید و اون شیمی نأن و آبَ برکت دِهه و جٚه شیمی میأن نأخوشی‌یَ دورَ کونه. 26 شیمی میأن زأی اِیگأدن و زأی دأر نوبوستن نمأنِه. اون شٚمٚره درأزٚ عُمر بٚخشِه.»
27 «هرتأ سرزیمینٚ میأن کی فوتورکید من می ترسَ شیمی پیشتر اوسه کونٚم کی خوداوندٚ ترس اونٚ مردومٚ رو بأش بٚبه و اوشأن شیمی جَا جیویزٚد. 28 من سورخٚ سیفتألأنَ اوسه کونٚم کی شیمی حوضورٚ جَا، حوی، کنعأنی و حیتی قومأنَ تأوٚدٚد بیرون. 29 البت تأ ای سأل او قومأنَ تأنوٚدم بیرون، نوکونه کی زیمین خألِه و ویرأنَ بٚه و وأشی حیوأنأن خٚیلی زیأدَ بٚد. 30 آرأم آرأمِی اَ قومأنَ جٚه اویَه تأوٚدم بیرون کی ایپچه ایپچه شیمی جِمئیت زیأدَ بٚه و تومأمٚ زیمینَ پورَ کونٚه. 31 شیمی سرزیمینٚ سأمأنسٚرَ جٚه سورخٚ دریأ تأ فلسطینٚ دریأکنأر و جٚه جونوبٚ صأرأیی تأ فرأتٚ روخأن زیأدَ کونٚم و شٚمٚره یاور دٚهٚم کی او سرزیمینٚ آدمأنَ شکست بٚدید و تأوٚدید بیرون.
32 «اوشأن و اوشأنٚ خودایأنٚ اَمرأ عهد دٚنوٚدید 33 و ولأنید شیمی میأن زٚندیگی بوکونٚد، اَطؤ نٚبه، شٚمٚره فأکشٚده بُت پرستٚش کودنٚ وٚر، ایتأ پیله موصیبتٚ میأن گریفتأر کونٚده.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org