خروج ۲۱
۲۱
غولأمأنٚ اَمرأ رفتأر کودن
1 «اَشأن ایسٚد، البأقی حوکمأن کی وأستی ایطأعت بوکونید:
2 «اگه ایتأ عبرانی غولأم بیهینی فقد وأستی شیش سأل تٚرَه خیدمت بوکونه. هفتومی سألٚ میأن بودونٚ اَنکی خو آزأد بوستنٚ رِه ایچی فأده وأستی آزأدَ بٚه. 3 اگه عذب بوبوسته‌بی پیشتر جٚه اَنکی تی غولأم بٚبه، وأستی جٚه تی ورجأیٚم عذب بٚشه، ولی اگه زن بٚدأره، اونی زنأکٚم اونی اَمرأ وأستی آزأدَ بٚه. ولی اگه پیشتر جٚه اَنکی تی غولأم بٚبه زن بٚدأره، او وخت ایتأ زمأتٚ میأن هر دوتأن آزأدَ بٚد. 4 ولی اگه اونٚ اربأب اونٚ رِه زن بیگیفته بی و اون، اونٚ جَا پٚسرأن و دؤخترأنَ صأب بوبوسته‌بی، او وخت فقد تنأ اون آزأدَ بِه و اونٚ اَربأبٚ ورجأ اونٚ زن و اونی زأکأن ایسٚده.»
5 «اگه او غولأم بٚگه: "من می اربأب و زن و زأکأنَ دوس دأرم و اوشأنَ می آزأد بوستنٚ جَا ترجیح دٚهٚم و نخأیٚم آزأدَ بٚم،" 6 او وخت اونٚ اربأب اونَ بٚبره قومٚ قأضیأنٚ ورجأ و درفشٚ اَمرأ اونٚ گوشَ همٚتأنٚ ورجأ سولأخَ کونه، و اون همیشٚکٚ رِه خو اَربأبٚ غولأم مأنه.
7 «اگه ایتأ مردأی خو دؤخترَ بوفروشه کولفٚت بوستنٚ رِه، او کولفٚت شیشومی سألٚ تومأنَ بوسته پٚسی ایتأ غولأمٚ مأنستَن آزأدَ نیبه. 8 اگه اونی اربأب کی او کولفٚتَ بیهه خو نأمزود چأکوده، اونی جَا رأضی نٚبه، وأستی وئأله کی اون جٚه سٚرنو بیهه بٚبه؛ ولی حق نأره اونَ ایتأ آدمَ بوفروشه کی ایسرأییلی نٚبه، چونکی اَ کأر اونی حقٚ میأن خیأنت ایشمأرده بِه. 9 اگه اربأب بٚخأیه او کولفٚتَ خو پٚسرٚ رِه نأمزود چأکونه، وأستی آزأدٚ دؤخترأنٚ رسمأنٚ موطأبق اونٚ اَمرأ رفتأر بوکونه، نه ایتأ کولفٚتٚ مأنستَن. 10 اگه هو اربأب او کولفٚتٚ اَمرأ عروسی بوکونه و ایوأردِه ایتأ دِه زن بٚبره، نوأستی اونٚ رخت و لیوأس و غذأ و زن و مردی حقٚ جَا ایچی کمَ کونه. 11 اگه اربأب اَ سه موردٚ انجأم دٚئنٚ میأن کم بٚنه، او وخت او کولفٚت آزأد ایسٚه و تأنه بودونٚ اَنکی ایچی خو اربأبَ فأده، بٚنه بٚشه.
موجریمأنٚ موجأزأت کودنٚ رِه قأنونأن
12 «اگه اینفر ایتأ آدمَ ایجور بٚزٚنه کی اون بیمیره، اونم وأستی بوکوشته بٚبه. 13 ولی اگه اونٚ نیّت کوشتٚن نوبو و مٚردن، ایتفأقی بوبوسته‌بی، او وخت ایتأ جیگأ اونٚ پنأه بردنٚ رِه موشخص کونٚم کی اویَه اَمنیتٚ میأن بِئیسه. 14 ولی اگه اینفر، جٚه پیشترٚ قصد و نیّتٚ اَمرأ اینفرَ فوتورکه و اونَ بوکوشه، حتّا اگه می مذبحٚم پنأه بٚبره، وأستی بست نیشتنٚ جَا بیرون فأکشه بٚبه، بوکوشته بٚبه.
15 «هر کی خو پِئر و مأرَ بٚزنه، وأستی بوکوشته بٚبه.»
16 «هرکی ایتأ آدمَ بودوزأنه، اگه اونَ بوفرؤخته و یا نوفرؤخته‌بی، وأستی بوکوشته بٚبه.»
17 «هر کی خو پِئر و مأرَ نیفرین بوکونه، وأستی بوکوشته بٚبه.»
18 «اگه دو نفر کس‌کسٚ اَمرأ دعوأ بوکونٚد و ایتأ جٚه اوشأن ایتأ سنگ یا موشتٚ اَمرأ اویتأیَ ایجور بٚزنه کی اون زخمی و رختخأب خوس بٚبه ولی نیمیره، 19 و جٚه اونٚ پٚسی کی اونٚ حأل خُب بوبوسته و بتأنه عصأ اَمرأ رأ بٚشه، او وخت او بٚزِه کس او شرطٚ اَمرأ کی تومأمٚ اونی کی زخمی بوبوسته دوأ دوکترٚ خرج و او روجأن کی بیکأرَ بوسته‌یَ تأ او زمأت کی کأمیل خُب نوبوسته تأوأنَ فأده، بٚبخشه بِه.
20 «اگه اینفر خو غولأم یا کولفٚتَ ایجور بٚچوبَ گیره کی اون بیمیره، وأستی موجأزأت بٚبه. 21 ولی اگه چن روج او غولأم یا کولفٚت او چوب خوردنٚ پٚسی زٚنده بِئیسه، اونٚ اربأب موجأزأت نیبه، چونکی او غولأم یا کولفٚت اونٚ شین ایسٚه.»
22 «اگه ای عیده کس‌کسٚ اَمرأ دعوأ بیگیرٚد و اَ دعوأ گیفتنٚ میأن، ایتأ شکم دأرٚ زنأکَ ایجور بٚزند کی پیشتر جٚه اونی زمأت زأی بودونیأ بأیٚه، ولی خٚیلی صدمه نیده‌بی، هرچی پول کی او زنأکٚ مرد بٚخأیٚه و قأضی تأیید بوکونه او بٚزِه کس وأستی تأوأن بٚده. 23 ولی اگه او زنأی صدمه بیدینه، وأستی هو صدمه او بٚزِه کسٚم بٚزند: جأن، جأنَ عوض، 24 چوم، چومَ عوض، گأز، گأزَ عوض، دٚس، دٚسَ عوض، لنگ، لنگٚ عوض 25 دأغٚ مأله، دأغٚ مأله عوض، زخم، زخمَ عوض، کبودَ بوستن، کبودَ بوستنَ عوض.
26 «اگه اینفر خو غولأم یا کولفٚتٚ چومَ ایتأ زِئنٚ اَمرأ کورَ کونٚه، وأستی اونٚ چومٚ عوض اونَ آزأدَ کونٚه. 27 اگه اینفر خو غولأم یا کولفٚتٚ گأزَ بٚشکنه، وأستی اونٚ گأزٚ عوض اونَ آزأدَ کونٚه.»
28 «اگه ایتأ مردأی یا زنأکَ ایتأ گأب شأخ بٚزنه و اونَ بوکوشه، او گأب وأستی سنگ اَمرأ بوکوشته بٚبه و اونی گوشتٚم بوخورده نٚبه، ولی او گأبٚ صأب هیذره گونأ نأره. 29 ولی اگه او گأب پیشترأنٚ رِه شأخ زِئی و اونی صأبٚم جٚه اَ مأجیرأ وأخبدأر بو، ولی او گأبَ دٚنوٚسته‌بی، اَطؤ بٚبه وأستی گأب سنگٚ اَمرأ بوکوشته بٚبه و اونی صأبٚم بوکوشته بٚبه. 30 ولی اگه اونکی بوکوشته بوبوسته، فکٚ فأمیلأن رضأیت بٚدد کی خونٚ تأوأنَ قوبیل بوکونٚد، گأبٚ صأب تأنه خؤرِه او موشخص بوبوسته خونٚ تأوأن فأدأن اَمرأ، نیجأت بٚده.»
31 «اگه ایتأ گأب ایتأ دؤختر یا پٚسرَ شأخ بٚزنه و اونَ بوکوشه، هه حوکم انجأم بٚبه. 32 ولی اگه ایتأ غولأم یا کولفٚتَ گأب شأخ بٚزنه و اونَ بوکوشه، وأستی اونٚ اربأبَ سی میثقأل نوقره فأدٚد و گأبٚم سنگٚ اَمرأ بوکوشته بٚبه.»
33 «اگه اینفر ایتأ چأه بٚکنه و ایچی اَمرأ اونٚ سٚرَ لأ نٚده و ایتأ گأب یا اولأغ دکفه اونٚ میأن، 34 صأب چأه وأستی او حیوأنٚ پولَ فأدٚه اونٚ صأبَ و بٚمٚرده حیوأن اونٚ شین بٚبه.»
35 «اگه ایتأ گأب، ایتأ دِه گأبَ بٚزنه و بوکوشه، او دؤنه گأب صأبأن وأستی او زٚنده گأبَ بوفروشٚد و خوشأنٚ میأن اونٚ پولَ سأم بوکونٚد، و هرتأ جٚه اوشأن ایتأ نیصفه جٚه او بوکوشته بوبوسته گأبَ تأنه خؤرِه اوسأنه. 36 ولی اگه او گأب کی زٚنده ایسٚه، پیشترأنٚ رِه شأخ زِئی و اونی صأب اونَ دٚنوٚسته‌بی، وأستی ایتأ زٚنده گأب او بوکوشته گأبٚ عوض فأده و او بوکوشته بوبوسته گأبَ خؤرِه اوسأنه.
Currently Selected:
خروج ۲۱: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۲۱
۲۱
غولأمأنٚ اَمرأ رفتأر کودن
1 «اَشأن ایسٚد، البأقی حوکمأن کی وأستی ایطأعت بوکونید:
2 «اگه ایتأ عبرانی غولأم بیهینی فقد وأستی شیش سأل تٚرَه خیدمت بوکونه. هفتومی سألٚ میأن بودونٚ اَنکی خو آزأد بوستنٚ رِه ایچی فأده وأستی آزأدَ بٚه. 3 اگه عذب بوبوسته‌بی پیشتر جٚه اَنکی تی غولأم بٚبه، وأستی جٚه تی ورجأیٚم عذب بٚشه، ولی اگه زن بٚدأره، اونی زنأکٚم اونی اَمرأ وأستی آزأدَ بٚه. ولی اگه پیشتر جٚه اَنکی تی غولأم بٚبه زن بٚدأره، او وخت ایتأ زمأتٚ میأن هر دوتأن آزأدَ بٚد. 4 ولی اگه اونٚ اربأب اونٚ رِه زن بیگیفته بی و اون، اونٚ جَا پٚسرأن و دؤخترأنَ صأب بوبوسته‌بی، او وخت فقد تنأ اون آزأدَ بِه و اونٚ اَربأبٚ ورجأ اونٚ زن و اونی زأکأن ایسٚده.»
5 «اگه او غولأم بٚگه: "من می اربأب و زن و زأکأنَ دوس دأرم و اوشأنَ می آزأد بوستنٚ جَا ترجیح دٚهٚم و نخأیٚم آزأدَ بٚم،" 6 او وخت اونٚ اربأب اونَ بٚبره قومٚ قأضیأنٚ ورجأ و درفشٚ اَمرأ اونٚ گوشَ همٚتأنٚ ورجأ سولأخَ کونه، و اون همیشٚکٚ رِه خو اَربأبٚ غولأم مأنه.
7 «اگه ایتأ مردأی خو دؤخترَ بوفروشه کولفٚت بوستنٚ رِه، او کولفٚت شیشومی سألٚ تومأنَ بوسته پٚسی ایتأ غولأمٚ مأنستَن آزأدَ نیبه. 8 اگه اونی اربأب کی او کولفٚتَ بیهه خو نأمزود چأکوده، اونی جَا رأضی نٚبه، وأستی وئأله کی اون جٚه سٚرنو بیهه بٚبه؛ ولی حق نأره اونَ ایتأ آدمَ بوفروشه کی ایسرأییلی نٚبه، چونکی اَ کأر اونی حقٚ میأن خیأنت ایشمأرده بِه. 9 اگه اربأب بٚخأیه او کولفٚتَ خو پٚسرٚ رِه نأمزود چأکونه، وأستی آزأدٚ دؤخترأنٚ رسمأنٚ موطأبق اونٚ اَمرأ رفتأر بوکونه، نه ایتأ کولفٚتٚ مأنستَن. 10 اگه هو اربأب او کولفٚتٚ اَمرأ عروسی بوکونه و ایوأردِه ایتأ دِه زن بٚبره، نوأستی اونٚ رخت و لیوأس و غذأ و زن و مردی حقٚ جَا ایچی کمَ کونه. 11 اگه اربأب اَ سه موردٚ انجأم دٚئنٚ میأن کم بٚنه، او وخت او کولفٚت آزأد ایسٚه و تأنه بودونٚ اَنکی ایچی خو اربأبَ فأده، بٚنه بٚشه.
موجریمأنٚ موجأزأت کودنٚ رِه قأنونأن
12 «اگه اینفر ایتأ آدمَ ایجور بٚزٚنه کی اون بیمیره، اونم وأستی بوکوشته بٚبه. 13 ولی اگه اونٚ نیّت کوشتٚن نوبو و مٚردن، ایتفأقی بوبوسته‌بی، او وخت ایتأ جیگأ اونٚ پنأه بردنٚ رِه موشخص کونٚم کی اویَه اَمنیتٚ میأن بِئیسه. 14 ولی اگه اینفر، جٚه پیشترٚ قصد و نیّتٚ اَمرأ اینفرَ فوتورکه و اونَ بوکوشه، حتّا اگه می مذبحٚم پنأه بٚبره، وأستی بست نیشتنٚ جَا بیرون فأکشه بٚبه، بوکوشته بٚبه.
15 «هر کی خو پِئر و مأرَ بٚزنه، وأستی بوکوشته بٚبه.»
16 «هرکی ایتأ آدمَ بودوزأنه، اگه اونَ بوفرؤخته و یا نوفرؤخته‌بی، وأستی بوکوشته بٚبه.»
17 «هر کی خو پِئر و مأرَ نیفرین بوکونه، وأستی بوکوشته بٚبه.»
18 «اگه دو نفر کس‌کسٚ اَمرأ دعوأ بوکونٚد و ایتأ جٚه اوشأن ایتأ سنگ یا موشتٚ اَمرأ اویتأیَ ایجور بٚزنه کی اون زخمی و رختخأب خوس بٚبه ولی نیمیره، 19 و جٚه اونٚ پٚسی کی اونٚ حأل خُب بوبوسته و بتأنه عصأ اَمرأ رأ بٚشه، او وخت او بٚزِه کس او شرطٚ اَمرأ کی تومأمٚ اونی کی زخمی بوبوسته دوأ دوکترٚ خرج و او روجأن کی بیکأرَ بوسته‌یَ تأ او زمأت کی کأمیل خُب نوبوسته تأوأنَ فأده، بٚبخشه بِه.
20 «اگه اینفر خو غولأم یا کولفٚتَ ایجور بٚچوبَ گیره کی اون بیمیره، وأستی موجأزأت بٚبه. 21 ولی اگه چن روج او غولأم یا کولفٚت او چوب خوردنٚ پٚسی زٚنده بِئیسه، اونٚ اربأب موجأزأت نیبه، چونکی او غولأم یا کولفٚت اونٚ شین ایسٚه.»
22 «اگه ای عیده کس‌کسٚ اَمرأ دعوأ بیگیرٚد و اَ دعوأ گیفتنٚ میأن، ایتأ شکم دأرٚ زنأکَ ایجور بٚزند کی پیشتر جٚه اونی زمأت زأی بودونیأ بأیٚه، ولی خٚیلی صدمه نیده‌بی، هرچی پول کی او زنأکٚ مرد بٚخأیٚه و قأضی تأیید بوکونه او بٚزِه کس وأستی تأوأن بٚده. 23 ولی اگه او زنأی صدمه بیدینه، وأستی هو صدمه او بٚزِه کسٚم بٚزند: جأن، جأنَ عوض، 24 چوم، چومَ عوض، گأز، گأزَ عوض، دٚس، دٚسَ عوض، لنگ، لنگٚ عوض 25 دأغٚ مأله، دأغٚ مأله عوض، زخم، زخمَ عوض، کبودَ بوستن، کبودَ بوستنَ عوض.
26 «اگه اینفر خو غولأم یا کولفٚتٚ چومَ ایتأ زِئنٚ اَمرأ کورَ کونٚه، وأستی اونٚ چومٚ عوض اونَ آزأدَ کونٚه. 27 اگه اینفر خو غولأم یا کولفٚتٚ گأزَ بٚشکنه، وأستی اونٚ گأزٚ عوض اونَ آزأدَ کونٚه.»
28 «اگه ایتأ مردأی یا زنأکَ ایتأ گأب شأخ بٚزنه و اونَ بوکوشه، او گأب وأستی سنگ اَمرأ بوکوشته بٚبه و اونی گوشتٚم بوخورده نٚبه، ولی او گأبٚ صأب هیذره گونأ نأره. 29 ولی اگه او گأب پیشترأنٚ رِه شأخ زِئی و اونی صأبٚم جٚه اَ مأجیرأ وأخبدأر بو، ولی او گأبَ دٚنوٚسته‌بی، اَطؤ بٚبه وأستی گأب سنگٚ اَمرأ بوکوشته بٚبه و اونی صأبٚم بوکوشته بٚبه. 30 ولی اگه اونکی بوکوشته بوبوسته، فکٚ فأمیلأن رضأیت بٚدد کی خونٚ تأوأنَ قوبیل بوکونٚد، گأبٚ صأب تأنه خؤرِه او موشخص بوبوسته خونٚ تأوأن فأدأن اَمرأ، نیجأت بٚده.»
31 «اگه ایتأ گأب ایتأ دؤختر یا پٚسرَ شأخ بٚزنه و اونَ بوکوشه، هه حوکم انجأم بٚبه. 32 ولی اگه ایتأ غولأم یا کولفٚتَ گأب شأخ بٚزنه و اونَ بوکوشه، وأستی اونٚ اربأبَ سی میثقأل نوقره فأدٚد و گأبٚم سنگٚ اَمرأ بوکوشته بٚبه.»
33 «اگه اینفر ایتأ چأه بٚکنه و ایچی اَمرأ اونٚ سٚرَ لأ نٚده و ایتأ گأب یا اولأغ دکفه اونٚ میأن، 34 صأب چأه وأستی او حیوأنٚ پولَ فأدٚه اونٚ صأبَ و بٚمٚرده حیوأن اونٚ شین بٚبه.»
35 «اگه ایتأ گأب، ایتأ دِه گأبَ بٚزنه و بوکوشه، او دؤنه گأب صأبأن وأستی او زٚنده گأبَ بوفروشٚد و خوشأنٚ میأن اونٚ پولَ سأم بوکونٚد، و هرتأ جٚه اوشأن ایتأ نیصفه جٚه او بوکوشته بوبوسته گأبَ تأنه خؤرِه اوسأنه. 36 ولی اگه او گأب کی زٚنده ایسٚه، پیشترأنٚ رِه شأخ زِئی و اونی صأب اونَ دٚنوٚسته‌بی، وأستی ایتأ زٚنده گأب او بوکوشته گأبٚ عوض فأده و او بوکوشته بوبوسته گأبَ خؤرِه اوسأنه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org