خروج ۲۰
۲۰
ده فرمأن
1 خودا موسا اَمرأ گب بٚزِه و اَ حوکمأنَ فأدأ:
2 «من تی خوداوند خودا ایسٚم، کی تٚرَه مصرٚ میأن بندگی و اسیری جَا آزأدَ کودم.
3 «جغرزٚ من دِه تِرِه البأقی خودایأن نٚبٚد.
4 «هیجوره بُت اونچی کی بوجؤر آسمأنٚ میأن و اونچی زیمینٚ سٚر و اونچی کی دریأ میأن نٚهأ مأنستَنَ تِرِه چأنکون. 5 اوشأنٚ ورجأ زانو نوأزِئن و اوشأنَ پرستٚش نوأکودن، چونکی من کی تی خوداوند خودا ایسم، غیورٚ خودا ایسٚم و اوشأن کی می اَمرأ دوشمنی بوکوندَ، موجأزأت کونٚم. اَ موجأزأت اوشأنٚ زأکأنٚ شین تأ سیومی و چأرومی نتأجم بِه. 6 ولی اوشأنٚ سٚر کی مٚرَه دوس بٚدأرٚد و می دستورأنَ انجأم بٚدد تأ هیزأر نتأج رحمت کونٚم.
7 «می نأمٚ جَا کی تی خوداوند خودا ایسٚم نأجور ایستفأده نوأکودن. اگه می نأمَ حورمت نٚنأنٚ اَمرأ زوأنٚ سٚر بأوٚری یا اونَ دورُغ قسم بوخوری، تٚرَه موجأزأت کونٚم.
8 «شَبّأتٚ روج تی خأطر بٚمأنه و اونَ موقدس بٚدأر. 9 هفته میأن شیش روج کأر بوکون، 10 ولی هفتومی روجٚ میأن کی تی یهوه خودا شَبّأتٚ روج ایسٚه هیذره کأر نوأکودن، نه تو، نه تی پٚسر، نه تی دؤختر، نه تی غولأم، نه تی کولفٚت، نه تی میهمأنأن و نه تی گأب و گوسوٚندأن. 11 چونکی خوداوند شیش روجٚ میأن، آسمأن و زیمین و دریأ و هرچی کی اوشأنی میأن نٚهأیَ خلق بوکوده و هفتومی روجٚ میأن کأرٚ جَا دٚس فأکشه. پٚس اون شَبّأتٚ روجَ مووأرک بٚخأنده و اونَ تقدیس بوکود.
12 «تی پِئر و مأرٚ حورمتَ بٚدأر کی او سرزیمینٚ میأن کی تی خوداوند خودا تٚرَه بٚخشِه، ایتأ درأزٚ عُمر بٚدأری.»
13 «قتل نوأکودن.»
14 «زنأ نوأکودن.»
15 «دوزدی نوأکودن.»
16 «تی مأنستَن چی سٚر دورُغٚ شهأدت نوأدٚئن.»
17 «تی همسأده خأنه‌یَ چوم نوأدأشتن. تی همسأده زنأی، یا اونی غولأم و کولفٚت، یا اونی گأب و اولأغ، یا اونی مأل و مینألَ چوم نوأدأشتن.»
18 ایسرأییلٚ مردوم کی کوهٚ جَا گؤرخأنه و دودٚ بوجؤر شؤئؤن بیدِده و شیپورٚ صدایَ بٚشتأوٚستده، زأهله جَا بٚپرکستٚده. اوشأن ایتأ دورٚ سأمأن جٚه کوه بِئیسأده 19 و موسایَ بوگفتٚده:
«تو خودت خودا پیغأمَ فأگیر و اَمٚرَه فأرٚسأن و اَمأن ایشتأویمی. ولی خودا صأف اَمی اَمرأ گب نزنِه، چونکی ترسیمی بیمیریم.»
20 موسا بوگفته: «نوأترسِئنید، چونکی خودا هنٚ وأسی بأمؤ کی شٚمٚره ایمتحأن بوکونه کی جٚه اَنٚ پٚسی، اونی جَا بٚترسید و گونأ نوکونید.»
21 هوطؤ کی تومأمٚ مردوم اویَه بٚپأ ایسأبود، بیدِده کی موسا او غلیظٚ ظولومأتَ نیزدیکَ بوسته کی خودا اونی میأن ایسأ بو.
مذبحٚ قأنونأن
22 بأزون خوداوند موسا جَا بٚخأسته کی ایسرأییلٚ مردومَ اَطؤ بٚگه:
«شومأ خودتأن بیدِیید چوطؤ آسمأنٚ جَا شیمی اَمرأ گب بٚزِم، 23 پٚس دِه شٚمٚره طلأ و نوقره اَمرأ خودایأن چأنکونید و اوشأنَ پرستٚش نوأکودنید.
24 «او مذبحَ کی مِرِه چأکونیدی وأستی جٚه زیمینٚ خأکٚ اَمرأ بٚبه. شیمی گله و گأب و گوسوٚندٚ جَا سوجأنِئنی قوربأنیأن و سلأمتی قوربأنیأن اَ مذبحٚ سٚر قوربأنی بوکونید. او جیگأ میأن کی من می نأمٚ پیلّه دأشتنٚ وأسی اینتخأب کونٚم، مذبح چأکونید کی من بأیٚم، شٚمٚره او جیگأ میأن برکت بٚدم. 25 اگه بٚخأستید مذبحَ سنگٚ جَا بٚنأ بوکونید، سنگأنَ افزأرٚ اَمرأ نشکنید و نوأتأشتنید، چونکی او سنگأنٚ سٚر کی افزأرٚ اَمرأ کأر بوبوسته‌بی می مذبحٚ رِه مونأسب نیدِه. 26 مذبحٚ رِه، پلکأن نٚنید نوکونه پلکأنأنَ کی شوئؤندرید بوجؤر شیمی برأنده جأن بیدِه بٚبه.
Currently Selected:
خروج ۲۰: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۲۰
۲۰
ده فرمأن
1 خودا موسا اَمرأ گب بٚزِه و اَ حوکمأنَ فأدأ:
2 «من تی خوداوند خودا ایسٚم، کی تٚرَه مصرٚ میأن بندگی و اسیری جَا آزأدَ کودم.
3 «جغرزٚ من دِه تِرِه البأقی خودایأن نٚبٚد.
4 «هیجوره بُت اونچی کی بوجؤر آسمأنٚ میأن و اونچی زیمینٚ سٚر و اونچی کی دریأ میأن نٚهأ مأنستَنَ تِرِه چأنکون. 5 اوشأنٚ ورجأ زانو نوأزِئن و اوشأنَ پرستٚش نوأکودن، چونکی من کی تی خوداوند خودا ایسم، غیورٚ خودا ایسٚم و اوشأن کی می اَمرأ دوشمنی بوکوندَ، موجأزأت کونٚم. اَ موجأزأت اوشأنٚ زأکأنٚ شین تأ سیومی و چأرومی نتأجم بِه. 6 ولی اوشأنٚ سٚر کی مٚرَه دوس بٚدأرٚد و می دستورأنَ انجأم بٚدد تأ هیزأر نتأج رحمت کونٚم.
7 «می نأمٚ جَا کی تی خوداوند خودا ایسٚم نأجور ایستفأده نوأکودن. اگه می نأمَ حورمت نٚنأنٚ اَمرأ زوأنٚ سٚر بأوٚری یا اونَ دورُغ قسم بوخوری، تٚرَه موجأزأت کونٚم.
8 «شَبّأتٚ روج تی خأطر بٚمأنه و اونَ موقدس بٚدأر. 9 هفته میأن شیش روج کأر بوکون، 10 ولی هفتومی روجٚ میأن کی تی یهوه خودا شَبّأتٚ روج ایسٚه هیذره کأر نوأکودن، نه تو، نه تی پٚسر، نه تی دؤختر، نه تی غولأم، نه تی کولفٚت، نه تی میهمأنأن و نه تی گأب و گوسوٚندأن. 11 چونکی خوداوند شیش روجٚ میأن، آسمأن و زیمین و دریأ و هرچی کی اوشأنی میأن نٚهأیَ خلق بوکوده و هفتومی روجٚ میأن کأرٚ جَا دٚس فأکشه. پٚس اون شَبّأتٚ روجَ مووأرک بٚخأنده و اونَ تقدیس بوکود.
12 «تی پِئر و مأرٚ حورمتَ بٚدأر کی او سرزیمینٚ میأن کی تی خوداوند خودا تٚرَه بٚخشِه، ایتأ درأزٚ عُمر بٚدأری.»
13 «قتل نوأکودن.»
14 «زنأ نوأکودن.»
15 «دوزدی نوأکودن.»
16 «تی مأنستَن چی سٚر دورُغٚ شهأدت نوأدٚئن.»
17 «تی همسأده خأنه‌یَ چوم نوأدأشتن. تی همسأده زنأی، یا اونی غولأم و کولفٚت، یا اونی گأب و اولأغ، یا اونی مأل و مینألَ چوم نوأدأشتن.»
18 ایسرأییلٚ مردوم کی کوهٚ جَا گؤرخأنه و دودٚ بوجؤر شؤئؤن بیدِده و شیپورٚ صدایَ بٚشتأوٚستده، زأهله جَا بٚپرکستٚده. اوشأن ایتأ دورٚ سأمأن جٚه کوه بِئیسأده 19 و موسایَ بوگفتٚده:
«تو خودت خودا پیغأمَ فأگیر و اَمٚرَه فأرٚسأن و اَمأن ایشتأویمی. ولی خودا صأف اَمی اَمرأ گب نزنِه، چونکی ترسیمی بیمیریم.»
20 موسا بوگفته: «نوأترسِئنید، چونکی خودا هنٚ وأسی بأمؤ کی شٚمٚره ایمتحأن بوکونه کی جٚه اَنٚ پٚسی، اونی جَا بٚترسید و گونأ نوکونید.»
21 هوطؤ کی تومأمٚ مردوم اویَه بٚپأ ایسأبود، بیدِده کی موسا او غلیظٚ ظولومأتَ نیزدیکَ بوسته کی خودا اونی میأن ایسأ بو.
مذبحٚ قأنونأن
22 بأزون خوداوند موسا جَا بٚخأسته کی ایسرأییلٚ مردومَ اَطؤ بٚگه:
«شومأ خودتأن بیدِیید چوطؤ آسمأنٚ جَا شیمی اَمرأ گب بٚزِم، 23 پٚس دِه شٚمٚره طلأ و نوقره اَمرأ خودایأن چأنکونید و اوشأنَ پرستٚش نوأکودنید.
24 «او مذبحَ کی مِرِه چأکونیدی وأستی جٚه زیمینٚ خأکٚ اَمرأ بٚبه. شیمی گله و گأب و گوسوٚندٚ جَا سوجأنِئنی قوربأنیأن و سلأمتی قوربأنیأن اَ مذبحٚ سٚر قوربأنی بوکونید. او جیگأ میأن کی من می نأمٚ پیلّه دأشتنٚ وأسی اینتخأب کونٚم، مذبح چأکونید کی من بأیٚم، شٚمٚره او جیگأ میأن برکت بٚدم. 25 اگه بٚخأستید مذبحَ سنگٚ جَا بٚنأ بوکونید، سنگأنَ افزأرٚ اَمرأ نشکنید و نوأتأشتنید، چونکی او سنگأنٚ سٚر کی افزأرٚ اَمرأ کأر بوبوسته‌بی می مذبحٚ رِه مونأسب نیدِه. 26 مذبحٚ رِه، پلکأن نٚنید نوکونه پلکأنأنَ کی شوئؤندرید بوجؤر شیمی برأنده جأن بیدِه بٚبه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org