ዛካራሳ 6
6
ዛካራስ ሳጻን ኦይዱ ፓራ ጋረቱዋ በኤዳ
1ቃይካ ታን ቁ ጋደ ጼላድ፤ ጼልያ ዎደ ኦይዱ ፓራ ጋረቱ ላኡ ደረቱዋፐ ግዱዋና ይያዋንታ በኣድ፤ ደረቱካ ቃይ ናሃሰ ግያ ብራታ ደረቱዋ። 2ኮይሮ ፓራ ጋርያ ዞኦ ፓራቱ ጎቺኖ፤ ላኤን ፓራ ጋርያ ካረ ፓራቱ ጎቺኖ፤#ሳፃ 6:4፣ 5 3ሄዘን ፓራ ጋርያ ቦ ፓራቱ ጎቺኖ፤ ኦይደን ፓራ ጋርያ ዋንጮ ፓራቱ ጎቺኖ፤ ኡንቱንቱ ኡባቱካ ዎልቃማ።#ሳፃ 6:2 4ታን ታናና ሃሳይያ ኪታንቻ፥ “ታ ጎዳዉ፥ ሀዋንቱ አዬ?” ያጋደ ኦቻድ።
5ኪታንቻይ፥ “ሀዋንቱ ሳኣ ኡባ ጎዳ ስንን ባረና ሺሺደ ከስያ ኦይዱ ሳሉዋ ጫርኮቱዋ።#ሳፃ 7:1 6ካረ ፓራቱ ጎችያ ጋሪ ሁጲሳ ባጋ ቢታ ቤ፤ ቦ ፓራቱ ጎችያ ጋሪ አዋይ ዶልያ ባጋ ቤ፤ ዋንጮ ፓራቱ ጎችያ ጋሪ ቃይ ገድሳ ባጋ ቤ” ያጊደ ዛሬዳ። 7ሄ ፓራቱ ከሴዳ ዎደ፥ ቢታ ኡባ ዩዪደ ጾሞሳናዉ ፓቹሪኖ። ኪታንቻይ ኡንቱንታ፥ “ቢተ፥ ቢታ ኡባ ዩዪደ ጾሞስተ” ያጌዳ። ኡንቱንቱ ቢታ ኡባ ዩዪደ ዎቼድኖ። 8ሄዋፐ ጉይያን፥ ኪታንቻይ ባረ ቃላ ቁ ኦ ታኮ ዋሲደ፥ “በአ፥ ሁጲሳ ባጋ ቢታ ቤዳ ፓራቱ ባረንቱ ቤዳ ሁጲሳ ባጋ ጋድያን ጾሳ አያና ሸምፕሴድኖ” ያጌዳ።
ቄስያ ኡባ ካፑዋ ኢያሱ ቦላ ጫነቴዳ ሀሳይሱዋ ካላቻ
(6:9-15)
9መና ጎዳ ቃላይ ታኮ፥ ቃይካ ሀዋዳን ያጊድ ዬዳ፤ 10“ባብሎነ ኦሞዱዋፐ ስሜዳ ሄልዳይ፥ ጾቢነ ያዳይ እምያ እሞታ አካ፤ ሄ ጋላስካ ጻፋንያ ናኣ እዮስያሳ ጎለ ባ። 11ኡንቱንቱፐ አኬዳ ብራፐነ ዎርቃፐ ካላቻ መ፤ እዮጸዴቃ ናኣ፥ ቄስያ ኡባቱ ካፑዋ ኢያሱ ሁጲያን ዎ። 12አዉ፥ ‘ኡባፐ ዎልቃማ መና ጎዳይ ሀዋዳን ያጌ፤ “በአ፥ አ ሱንይ ታሽያ ጌተትያ እት ብታኒ ባረ ደእያ ሳን ድጫና፤ እ መና ጎዳ ጌሻ ጎልያ ዛር ኬጻና።#ኤር. 23:5፤ 33:15፤ ዛካ. 3:8 13መና ጎዳ ጌሻ ጎልያ ኬጻናዌ አ፤ እ ካትያዳን ቦንቹዋ ማዪደ፥ ባረ ካተቱዋ አራታን ኡታናነ ሞዳና። ቃይ እ ባረ አራታን ኡቲደ ቄሰተን ኦና፤ ኡንቱንቱ ላኡ ባረንቱ ቆፋን እቱዋ ግዳና” ያጌ’ ያጋ። 14ሄ ካላቻይ ሄልዳያ፥ ጾቢያ፥ ያዳያነ ጻፋንያ ናኣ እዮስያሳ ሀሳይስያዋ ግዲደ፥ መና ጎዳ ጌሻ ጎልያን ደአና” ያጌዳ።
15ሄ ዎደ ሃኮ ሳን ደእያዋንቱ መና ጎዳ ጌሻ ጎልያ ኬጺደ ማዳናዉ ያና። ኡባፐ ዎልቃማ መና ጎዳይካ ታና ህንተኮ ኪቴዳዋ ህንተ ሄዋን ኤራና። መና ጎዳዉ፥ ህንተ ጾሳዉ፥ ህንተ ፖሎ አዛዘቶፐ፥ ሄዌ ሀናና።
Currently Selected:
ዛካራሳ 6: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
