ዛካራሳ 5
5
ዛካራስ ሳጻን ጻጸት ኡቴዳ ማጻፋይ ፓልያዋ በኤዳ
1ቃይካ ታን ቁ ጋደ ጼልያ ዎደ፥ እት ጻጸት ኡቴዳ ማጻፋይ ቦላና ፓልያዋ በኣድ።
2ኪታንቻይ ታና፥ “ሀ ኔን በእያዌ አዬ?” ያጊደ ኦቼዳ።
ታን፥ “ታን እት ጻጸት ኡቴዳ ፓልያ ማጻፋ በአይ፤ አዉ ጌሳይ ላታሙ ዋ፤ ጎምፓይካ ታሙ ዋ” ያጋድ።
3እ ታና ሀዋዳን ያጌዳ፤ “ሀ ጻ ማጻፋ ግዶን ደእያዌ ቢታ ኡባ ቦላን ይያ ሸቃ። ሄ ማጻፋን እት ባጋና፥ ‘ዉእያ ኡባይ ጋድያፐ ያና’ ያግያዌ ጻፈቴዳ፤ ቃይ የንኮ ባጋና፥ ‘ዎርዱዋን ጫቂያ ኡባይ ያና’ ያግያዌ ጻፈቴዳ። 4ኡባፐ ዎልቃማ መና ጎዳይ ሀዋዳን ያጌ፤ ‘ታን ሄ ሸቃ ኪታና፤ እ ቢደ፥ ካይሱዋ ሶነ ታ ሱንን ዎርዱዋን ጫቂያዋ ጎለ ገላና፤ ያን ደኢደ፥ ሄ ጎልያ እ ኬጸቴዳ ምናነ ሹቻና ጋደ፥ ም ይሳና’ ያጌ” ያጌዳ።
ዛካራስ ሳጻን ቁንኣ ግዶን ኡቴዳ ምሽራቶ በኤዳ
5ሄዋፐ ጉይያን፥ ሄ ታናና ሃሳይያ ኪታንቻይ ታኮ ዪደ፥ “አነ ቁ ጋደ፥ ሀ ይያዌ አየንቶ በአ” ያጌዳ።
6ታን፥ “እ አዬ?” ያጋደ ኦቻድ።
እ ዛሪደ፥ “ሀዌ ማክያ ቁንኣ” ያጌዳ። ቃይካ ጉጂደ፥ “ሀዌ አሳይ ሀ ቢታ ኡባን ኦዳ ናቁዋ ማላታ” ያጌዳ።
7እርሳስያ ግያ ብራታፐ ኦሰቴዳ ቁንኣ ቁምኢ ፖከቴዳ ዎደ እት ምሽራታ ቁንኣ ግዶን ኡቴዳኖ በኣድ። 8ኪታንቻይ ታዉ ኦዲደ፥ “ሀና ኢታተቶ ጌተታዉ” ያጌዳ። እዞ ጉየ ቁንኣ ግዶ ሱግ ገልሲደ፥ እርሳስያ ቁምእያካ ዱገ ናቂደ፥ ቁንኣ ቁምኤዳ።
9ሄዋፐ ጉይያን፥ ታን ቁ ጋደ ጼልያ ዎደ፥ ኡንቱንቱ ቀፍያን ጫርኩ ደእያ ላኡ ማጫ አሳቱ ይያዋንታ በኣድ፤ ኡንቱንቱ ቀፊ ሾርትያ ቀፍያ ማላ። ኡንቱንቱ ሄ ኬሻ ሳኣፐነ ሳሉዋፐ ግዶ ፑደ ደንድኖ።
10ያትና፥ ታን ታናና ሃሳይያ ኪታንቻ፥ “ሀዋንቱ ቁንኣ ሀቃ አፊኖ?” ያጋደ ኦቻድ።
11እ፥ “ኡንቱንቱ ቁንኣ ጎልያ ኬጻናዉ ባብሎነ ቢታ አፊኖ፤ ጎሊ ኬጸቴዳ ዎደ፥ ኡንቱንቱ ሄ ቁንኣ አዉ ጊጌዳ ሳኣን ዎና” ያጌዳ።
Currently Selected:
ዛካራሳ 5: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
