ፓይዱዋ 13
13
ካናነ ቢታ ዎቻናዉ ቤዳ አሳቱዋ
(ዛረ. 1:19-33)
1መና ጎዳይ፥ ሙሳ፥ 2“ታን እስራኤላቶ እምያ ካናነ ቢታ ዎቻና ማላ፥ አማሬዳ አሳ ኪታ፤ ኡንቱንቱ ዛረ ኡባፐ እት እት ካፑዋ ኪታ” ያጌዳ። 3ሙሴ መና ጎዳ አዛዙዋን ፓራና መላ ቢታፐ ኡንቱንታ ኪቴዳ። ኡንቱንቱ ኡባይካ እስራኤልያ አሳ ካፓቱዋ። 4ኡንቱንቱ ሱንይ ሀዋፐ ካሊደ ጻፈቴዳዋ:
ዛርያ ካፑዋ ሮቤላ ዛኩራ ናኣ ሻሙአ፤
5ስሞና ሆራ ናኣ ሻፋጻ፤
6ይሁዳ ይፉነ ናኣ ካሌባ፤
7ይሳኮራ ዮሴፎ ናኣ ይግኣላ፤
8ኤፍሬማ ኔዌ ናኣ ሆሼአ፤
9ቢንያማ ራፉ ናኣ ፓልጻ፤
10ዛብሎና ሶዳ ናኣ ጋድኤላ፤
11ዮሴፎ ናኣ ምናሳ ሱሳ ናኣ ጋዳ፤
12ዳና ጋማላ ናኣ አምኤላ፤
13አሴራ ምካኤላ ናኣ ሳቱራ፤
14ንፍታሌማ ዋፍሳ ናኣ ናህባ፤
15ጋዳ ማካ ናኣ ገኡኤላ።
16ሄ ቢታ ዎቻና ማላ፥ ሙሴ ኪቴዳ አሳቱ ሱንይ ሀዋፐ ቆሞና ደእያዋ። ሙሴ ኔዌ ናኣ ሆሼአ ሱን ኢያሳ ያጊደ ሱንዳ።
17ኡንቱንቱ ካናነ ቢታ ዎቻና ማላ፥ ሙሴ ኡንቱንታ ኪትያ ዎደ ሀዋዳን ያጌዳ፤ “ሀዋፐ ኔጌባ መላ ቢታ ፑደ ከሲደ፥ ያፐ ሁጲሳ ባጋን ደእያ ገዘ ቢታ ቢተ። 18ቢታይ አይ ማላ ቢተንቶነ በእተ፤ ሄ ጋድያን ደእያ አሳይ ምነንቶነ ላፈንቶ፥ ጉንቶነ ዳረንቶ፥ 19ኡንቱንቱ ደእያ ቢታይ ሎኤንቶነ ኢተንቶ፥ ኡንቱንቱ ደእያ ካታማይነ አይ ማላ ካታመንቶ፥ ግምቢያን ድረት ኡቴደንቶ ድረትቤነንቶ፥ 20ቢታይ አይ ማላ ቱኤንቶነ ላደንቶ፥ ሄ ጋድያን ምይ ደእንቶነ ባዌንቶ በእተ። ምንተ! ሄ ጋድያን ሞኬዳዋ አይፍያፐ አከናን ዮፕተ” ያጌዳ። ሄ ዎዲ ዎይንያ ቱራይ ኮይሮ አይፍያ አይፍያ ዎደ።
21ኡንቱንቱ ፑደ ከሲደ፥ ጺና ግያ መላ ቢታፐ ዶሚደ፥ ቢደ ሀማታ ፕኑዋ ማታን ደእያ ራሆባ ጋካናዉ ሄ ቢታ ዎቼድኖ። 22ኔጌባ ፑደ ከሲደ፥ ከብሮና ጋኬድኖ፤ ሄዋን አህማና፥ ሸሻያነ ታልማያ ጌተትያ አናቀ ዛራቱ ደኢኖ። ከብሮን ግብጼን ደእያ ጾኣነ ካታማፐ ላፑን ላይ ካሰት ኬጸቴዳ።
23ሄዋና አደ፥ ኡንቱንቱ ኤሽኮላ ግያ ዛንጋራ ቢደ ጋኬዳ ዎደ፥ ዎይንያ ቱራ እቱዋፐ እት ዉርጩዋና ደእያ እት ታሽያ ቃንጼድኖ፤ ኡንቱንቱፐ ላኡ ካሱዋ ግዱዋን ገልስ ቶኬድኖ። ሄዋና ሮማንያነ ባላስያ ግያ ምቱዋ አይፍያ አሄድኖ። 24እስራኤልያ አሳቱ ሄዋፐ ቃንጼዳ ዎይንያ ቱራ ዉርጩዋ ድራዉ፥ ሄ ሳኣ ኤሽኮላ#13:24 ኤሽኮላ፦ ሀ ሱን ብለይ እብራዌዋን፥ “ዳሮ ዎይኒ ደእያ ሳኣ” ግያዋ። ዛንጋራ ጊደ ጼሴድኖ።
25ኡንቱንቱ ሄ ቢታ ዎቺደ፥ ኦይታሙ ጋላሳፐ ጉይያን ስሜድኖ፤ 26ፓራና መላ ቢታን ቃዴሳ ግያ ሳን ደእያ ሙሴኮ፥ አሮነኮነ እስራኤልያ አሳ ማባራ ኡባኮ ዬድኖ። ባረንቱ በኤዳዋ ኡንቱንቶዉነ አሳ ኡባዉ ኦዴድኖ፤ ሄ ጋድያን አይፍያ አይፍያካ ኡንቱንታ በሴድኖ። 27ኡንቱንቱ ሙሴዉ ሀዋዳን ያጊደ ኦዴድኖ፤ “ኔን ኑና ኪቴዳ ቢታ ኑን ቤዶ፤ ሄ ጋድያን ማይነ ኤሳይ ጎጌ። አን አይፍያ አይፍያካ ሀዋ በአ። 28ሽን ሄ ጋድያን ደእያ አሳይ ዎልቃማ፤ ኡንቱንቱ ካታማይካ ግምቢያ ድርሳን ድረት ኡቴዳዋነ ዎልቃማ። ኑን ቃይ አናቀ ዛራቱዋ ያን በኤዶ። 29ኔጌባ አማሌቃ አሳቱ ደኢኖ፤ ገዝያን ሂተቱ፥ ያቡሳቱነ አሞራቱ ደኢኖ፤ ቃይ ካናነቱ ሜድተራነ አባ ዶናንነ ዮርዳኖሳ ሻፋ ጋጻን ደኢኖ” ያጌድኖ።
30ካሌብ አሳ ሙሴ ስንን ጮኡ ጊሲደ፥ “ኑን ቱሙ ጾናናዉ ዳንዳይያ ድራዉ፥ ፑደ ሀእ ከሲደ፥ ሄ ቢታ ኦሊደ አነ ኦይቆይተ” ያጌዳ።
31ሽን ካሌበና ፑደ ቤዳ አሳቱ፥ “ሄ ቢታ አሳይ ኑፐ ምንያ ድራዉ፥ ኑን ኡንቱንታ ጾናናዉ ዳንዳዮኮ” ያጌድኖ። 32ኡንቱንቱ ዩይ ዎቼዳ ቢታ እስራኤልያ አሳዉ ሀዋዳን ጊደ፥ ኢታ ኦዱዋ ኦዴድኖ፥ “ኑን ዎቼዳ ቢታይ ባረናን ደእያ አሳካ ምያዋ፤ አሳይ ኡባይካ ሎይ አዱሳ። 33ኑን ዎጋ አዱሳ አሳቱ ያራ ግድያ አናቀ ዛራቱዋ ያን በኤዶ፤ ኑን ኑ አይፍያን ኑና ጼልያ ዎደ ቡምቡረ ማላቴቶ፤ ቃይ ኑን ኡንቱንቱ አይፍያን ሄዋካ ማላ” ያጌድኖ።#ዶመ 6:4
Currently Selected:
ፓይዱዋ 13: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
