Ibirawwii 3
3
Yesuusa Musekko karooraro laano
1Haannuun isinna addeen uumit tawaayi oɂuumanttettan k'ulluunɂi amaniil! Ammanokkaanun kafaramerona tuuk'aamolkokki woyichcha Yesuusa shaada. 2Muse min kawaa dubbaan kaɂabddame goggolleerekki malee Yesuusana usu kashuumero Waawun kaɂabddameye. 3Min kamadaarara minkko taroortte kabaja goggoɂabo malee Yesuusana Musekko taroortte taɂatii kabaja mankkodootisaro maraan kabajaame.#To. 12:7. 4Ogiraan min dubba metemeteeyi kamadaararo ibaaddo aba; kameen dubba kafelera ade Waayya. 5Horenbbaawun amamiin kadootisaro ayees dubbaan atotaa Muse min kawaa dubbaayi kahandaaro aani kaɂabddameye. 6Kiristoosa ade min kawaayi kaɂabddame kakkolleera ere aani leegureyye. Minkkeessana nonna; minkkeessa kakkonliinanna kakkoɂabddatanno ayeesinna takkodhaadatanno abddi ataayisayi goɂabanneya.
Abddatanawaattikokki gara kasisamero seerisano
7Haannuun Ayyaana K'ulluukki goggoɂamaroo,
«Hittaari Yaayetteessa gomaaltteen,#Mez. 95:7-11.
8-9K'alullattokki ulii odolaalkkisin in goggoc'aaferankki maleenna meellanee iin gutii goggokeerankki malee
isinna wodanattisin taɂajajaamon arooyelatteen;
Esee iso in c'aafeen; inne wota tamaaggaten;
Gees afarttamuun ani kafelerona deen» amara Waa.
10Haannuun ani hasse alattaanii amaraayegure,
«Wodanattiso arggetto shirmatta;
Raakkeenna lakkoɂaddeeseeran ame.»
11Adena
« ‹Ani tasisinaro tafoolssi banɂettee tos lakkotabnaraan!› ame
Amaraantteeyi ani ammatera.»
12Abbilaalttee! Isin orrokko maayyona arddokki Waakko tafakkisso tameellanna taɂammanoon wodana isinuun goggoginnonkko isiɂoorayeen. 13Ayesuun goɂameen isinkko c'ubbooyi sobamire wodanatteessa taɂajajaamon goggoyelannonkko, «Hittaari» amame kaɂuumamara goorata giraan arggetto isiɂisiɂataayisayen. 14Horaarjje kaɂabannenno ammanokkaani tagachchoo arri taa geennoon ataayisayi goɂabanne kiristoosane wota oɂeelinnanno linnanna.
15Hikkina, «Hittaari yaayetteessa kakkomaalttaan goorata
abjjolaalkkisin meellane kakkokekkeeseren goorata goggoyeleraan malee wodanattisin taɂajajaamon arooyelatteen» amame goggos'aafamerooya.
16Golleenna hanɂu yaayetteessa maaleen abbaabateren omeelileren ayyosyyeen? Iso la Muse horehaye k'ajeelisaa ul kagibs's'ikko obeereenyenna? 17Gees afarttam dubba Waa amaraayisaa ogireen ayyosyyeen? Lahanɂu c'ubbo ofeleraanna iso goyereen reeskkiso k'alullattokki ul iyye okkoonheseroyenna? 18Adena hanɂu ajajaamano odiideeren kuwaarre, «Isin tafoolssii banɂettee tos lakkotabnattaan» ame usu kakkoonɂammatera ayyosyyeen? 19Goorttanun iso tabin kakkowaateraan ammananawaattikkotti aalanttii laano addeesanna.
Currently Selected:
Ibirawwii 3: BayNT
Highlight
Copy
Compare
Share
Want to have your highlights saved across all your devices? Sign up or sign in
The Word for the World Northern Africa
