Ibirawwii 4
4
1Haanssun Waa tasisinaro tafoolssi banɂe tos tabin no taɂatannenno abddi ganaa tat'aabbatetto mankkolleete maraan isinkko maayyona hitta tafoolssi banɂe tos takkotabro iddilii anhelannon goggohesoonkko no dubbana isiɂooranna. 2Wongala isoon goggolallabaameroo noonna lallabaamera; ayesuun goɂameen isoon kalallabaamero haafura ammanooyi atatana mankkowaateen maraan isoon laɂo lakkosise. 3Feloɂootteessa alami takkomet'amerokko haggaɂabere ogudateeraan golleenna, «Ani tasisaro tafoolssi banɂe tos lakkotabiraan ame amaraayere ammatera» goggoɂameroo giddanna noo kaɂammananna eserraa Waa noon tasisero tafoolssi banɂe tos tabnanna;#Mez. 95:11. 4Tatodobi arrikotti gara mas'aafa k'ulluukkii banɂe tooyi, «Waa feloɂoottessakko tatodobi arrii foolssate» amame s'aafamera.#Met'. 2:2. 5Usumaleenna hitta banɂee ade
«Ani isoon tasisinaro tafoolssi banɂe tos suure iso lakkotabnaraan» amara.#Mez. 95:11.
6Hikka wongala horaarjje omaaleeraan ajajaamana waattikko kakkeeyi Waa tasisinaro tafoolssi banɂe tos lakkotabeeran; golleenna eserraa goggotabraawun feɂi kakkoonsisanttetta ibaaddo kookkoo girowa. 7Hikkina t'aye goggoɂamameroo
«Hittaari yaayetteessa gomaaltteen,
Wodanattisinii taɂajajaamon arooyelatteen.»
Amaa Waa gees kamooggankko abbaabatere gara kadaawutene kaɂayeesero haafuraa arri «Hittaari» amami goggoɂuumanttoo addeesisera.#Mez. 95:7-8.
8Iyyaasu gosaan foolssi isoon kasise lii girewa Waa adi, «Hittaari» amaa arri takkaleekokki gara lakkoɂayeesare.#Ada. 31:7; Iya. 22:4. 9Goorttanun gosa kawaawun taɂayihuudi tafolssi arri aanittitti foolssi ganaa gitta. 10Waa felokko goggofoolssateroo usumalee Waa tasisinaro foolssi tos katabara felokko foolssatara.#Met'. 2:2. 11Haannuun hassu ibaaddo ajajaamana waattikko kakkeeyi goggoɂiyyeraankki malee maayyona debee seeyire goggoɂiinnoonkko tawaa tafoolssi banɂe tos tabin ataanna.
12Haafura kawaa arddokkina kafelaroyya; mina lamane enenaan kaɂabo maamisikki shiifakkona roore kaɂenenaateyya, neefona ayyaana, mikitaalnna lefaal kalekalee taa beesiro kagoggoosaroya; wodanaa orroo tagitto k'ofana halchcha k'ok'k'ore kafirddaroya. 13Hore tawaakko tagolattetta met't'a toonna laagitto; iltteessaa horee kameen dubba diidaa bee hawɂayi lee kamutaroya; noonna abbaab sisin kakkodaanddanna usu horeeya.
Yesuusa kaɂatii tuuk'aamolkokki woyichchaya
14Goortta daruurjjol orromare elddee kabeero kaɂatii katuuk'aamol woyichcha mankkoɂabnno maraan hiɂittaanii kaɂatotiinnenno ammanokkaani ataayisayi abanna; katuuk'aamol woyichchana Ere kawaa Yesuusaya. 15Noo kaɂabnna katuuk'aamol woyichcha haranokkaani nenɂeyisayin kadanddeenoon lakkoyo; Yesuusa c'ubbo lakkofelero kuwaarre kameen dubbaayi no aani c'aafamera. 16Goortta noo shaaga helayiinna gargaarssa noon kakkodootise goorata sino goggohelannon sino kakkohelanno kawaa korffinjje horee abissi kallayi gabbalamiinna.
Currently Selected:
Ibirawwii 4: BayNT
Highlight
Copy
Compare
Share
Want to have your highlights saved across all your devices? Sign up or sign in
The Word for the World Northern Africa
