फिलिप्पीऔ 3
3
बिसवास मै टिकी धारमिकता
1इसताँई हे मेरे भईयौ, परभु मै खुस रौहौ, उनई बातौं कै बेरमबेरा लिखनै मै मैंकै तौ कोई दुख ना होवै है, और जौ तुमकै बचाकै रखैगो। 2इन कुत्तौ सै होसिआर रैहऔ, जो बुरे काम करै हैं, और उन झूँटे खतना बारौ सै। 3कैसेकै हम जो सच्ची आत्मा सै परमेसर की बड़ाई करै हैं, हमई सच्चे खतना बारे हैं और हम सरीर की बातौं मै ना पर मसी ईसु मै गर्ब करै हैं। 4पर मैं तौ सरीर मै बी बिसवास कर सकौ हौं; अगर कोई और बी सरीर मै बिसवास रखनै की सोचै है, तौ मैं उस्सै बी जादा रख सकौ हौं। 5#रोमी 11:1; चेलौ 23:6; 26:5जब मेरो खतना भओ तौ मैं आठ दिन को हो; ईसराइल के खानदान और बिन्यामीन गोत को हौं, इबरानिओ को इबरानी हौं, और अगर नियम के बारे मै कैंऐ तौ मैं फरीसी हौं। 6#चेलौ 8:3; 22:4; 26:9–11मेरे भीतर इत्तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो। 7मगर मैं जिन जिन बातौं कै अपने फाएदा बारी समजै हो, उन बातौं कै मसी की बजै सै नुकसान समजल लगो हो। 8पर मैं अपने परभु मसी ईसु के सबसै कीमती गियान के ताँई सबई बातौं कै नुकसान समजौ हौं, और कूड़ा समजौ हौं, जिस्सै कै मैं मसी कै पा सकौं; 9और बाके संग पूरी तरै सै एक हो जांऔ; मेरी बा धारमिकता सै ना जो नियम कै माननै सै मिलै है, पर बा धारमिकता सै जो मसी मै बिसवास कन्नै सै मिलै है, जो परमेसर की ओर सै आवै है, जो बिसवास मै टिकी है। 10और मैं मसी कै जान्नो चाँहौ हौं और बा सकति कै बी जिस्सै बौ फिर सै जिन्दो भओ हो; मैं बाके दुखौं को हिस्सेदार होनो चाँहौ हौं, और बाकी मौत के बारे मै बाके हाँई बनौ। 11ताकि कैसे ना कैसे मैं बी मरे भएऔं मै सै फिर सै जिन्दो हो सकौं।
मकसद की ओर बढ़नो
12इसको जौ मतलब ना है, कै मैं अपनो मकसद पूरो कर चुको, या सिद्द हो चुको हौं, पर बा मकसद कै पूरो कन्नै के ताँई अग्गे बढ़तो जाबौ हौं, जिसके ताँई मसी ईसु नै मैंकै अपनो बनाओ है। 13हे भईयौ, मैं जौ ना सोचौ हौं कै बाकै मैं पा चुको हौं। पर सिरप जौ एक काम करौ हौं कै जो बात बीत चुकी हैं, उनकै भूल कै, अग्गे की ओर बढ़तो जाबौ हौं। 14और मैं अपने मकसद की ओर भाजो चलो जाबौ हौं, ताकि मैं मसी ईसु की बजै सै सुरग मै बौ ईनाम पा सकौं, जिसके ताँई परमेसर नै मैंकै ऊपर बुलाओ है। 15हम्मै सै जितने लोग सिद्द हैं, उन सबई की जौई सोच होनी चँईऐ और अगर किसी बात मै किसी की अगलई सोच होगी तौ परमेसर तुमकै इसके बारे मै परकट करैगो। 16जिस सच्चाई तक हम पौंच चुके हैं, हमकै बाई मै चलतो रैहनो चँईऐ।
17 #
1 कुर 4:16; 11:1 हे भईयौ तुम सबई मेरी हाँई जिन्दगी जिऔ, और धियान रक्खौ, जो ऐंसी जिन्दगी जीवै हैं, जिनको उदाहरन तुम हम्मै देखौ हौ। 18और जैसो मैं तुम लोगौ सै कई दफै कैह चुको हौं और रोते भए अब्बी कैबौ हौं कै भौस्से लोगौ को चाल-चलन ऐंसो है जो मसी के कुरूस के दुसमन हैं। 19उनको अन्त नास है, और उनको पेटई उनको परमेसर है, और बे अपनी बेजती की बातौं मै घमंड करै हैं, और दुनिया की चीजौ मै मन लगाए रैहबैं हैं। 20पर हमरो घर तौ सुरग मै है, और बहीं सै हम अपने मुक्ति दैनै बारे परभु ईसु मसी के आनै को पैंड़ो देख रऐ हैं। 21बौ अपनी बा सकति सै सब चीजौ कै अपने बस मै कर सकै है, और उसई सै हमरे कमजोर सरीर कै बदल कै अपने महिमा बारे सरीर के हाँई बना देगो।
Currently Selected:
फिलिप्पीऔ 3: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
