फिलिप्पीऔ 1
1
1 #
चेलौ 16:12
जौ चिट्ठी मसी ईसु की सेवा कन्नै बारे पौलुस और तीमुथियुस की ओर सै, फिलिप्पी मै रैहनै बारे मसी ईसु के सिगरे बिसवासी लोगौ कै और मुखियौं कै, और सेवकौ कै,
2हमरे पिता परमेसर और परभु ईसु मसी की ओर सै तुमकै किरपा और सान्ति मिलती रैह।
पौलुस की पिराथना और धन्नबाद
3मैं जब-जब तुमकै याद करौ हौं, तब-तब अपने परमेसर को धन्नबाद देवौ हौं। 4और जब बी मैं तुम सबई के ताँई पिराथना करौ हौं, तौ हमेसा खुसी के संग करौ हौं। 5कैसेकै पैले दिन सै आज तक तुम अच्छी खबर के परचार मै मेरो सात देवै हैं। 6मैंकै जा बात को भरोसो है, कै जो अच्छे काम परमेसर नै तुमरे भीतर सुरू करे हैं और बैसेई ईसु मसी के आनै के दिन पूरो होनै तक बनाऐ रखैगो। 7तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्छी खबर की सच्चाई कै बचाबौ हौं या पक्को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ। 8परमेसर मेरो गभा है कै मैं मसी ईसु के पियार सै तुम सबके ताँई कितनो तड़प रओ हौं। 9और मैं जौ पिराथना करौ हौं कै तुमरो पियार, पूरो गियान और सब तरै की समज मै और बी जादा बढ़तो जाऐ। 10ताकि तुम अच्छी सै अच्छी बातौं कै परख सकौ जिस्सै कै मसी के आनै के दिन तक पबित्तर और सच्चे बने रौह। 11और परमेसर की बड़ाई और तारीफ के ताँई तुम बा धारमिकता के फल सै भरपूर होते जाँय जो ईसु मसी के दुआरा मिलै है।
जीनो तौ मसी के ताँई
12हे भईयौ, मैं तुमकै जौ बता देनो चाँहौ हौं कै जो कुछ मेरे संग भओ है, उस्सै अच्छी खबर और जादा फैली है। 13#चेलौ 28:30इस बजै सै रोमी राजा के महल के पैहरेदारौ और सबई लोगौ कै जौ पतो है कै मैं मसी के ताँई कैद मै हौं। 14मेरे जेल जानै की बजै सै भौस्से बिसवासिऔ नै परभु मै भरोसो करते भए, परमेसर के बचन कै बिना डरे, और बी जादा हिम्मत के संग सुनाऔ हैं।
15कुछ तौ जरन और दुसमनी के बजै सै मसी को परचार करै हैं, और कुछ भली इच्छा सै। 16बे जो पियार सै अच्छी खबर को परचार करै हैं, जानै हैं कै मैं अच्छी खबर के बचाब के ताँई भेजो गओ हौं। 17पर कुछ और आदमी तौ सच्चाई के संग ना, बलकन अपने मतलब की इच्छा सै मसी को परचार करैं हैं। कैसेकै बे सोचै हैं कै ऐंसो करकै बे जेल मै मैंकै दुख देनो चाँहै हैं। 18तौ का भओ? चाँहे कपट सै या सच्चाई सै, मसी को परचार सबई ओर सै तौ हो रओ है, इस बजै सै मैं खुस हौं और खुसई रैहंगो बी।
19कैसेकै मैं जौ जानो हौं कै तुमरी पिराथनाऔ और ईसु मसी की आत्मा की सायता सै, इन सबई की बजै सै मैं मुक्ति पांगो। 20मेरी इच्छा और आस जौई है कै चाँहे मैं मरौं या जिन्दो रैहऔ मेरी किसी बात मै बेजती ना होए, पर मेरे सरीर सै हमेसा पूरी हिम्मत के संग मसी की महिमा होती रैहऐ जैसी हमेसा होवै है, और अब्बी हो रई है। 21कैसेकै मेरे ताँई जिन्दो रैहनो, मसी है, और मर जानो फाएदे को है। 22अगर मैं जिन्दो रैहते भए फाएदे मन्द बारे काम करतो रैहबौ हौं तौ मैं ना जानौ हौं कै किसकै चुनौ। 23मैं इन दौनौ बातौं के बीच मै लटको हौं, और मन करै है कै, मैं अपनी जिन्दगी सै बिदा होकै मसी के संग रैहऔं कैसेकै जौ सबसै अच्छो है। 24पर मेरो जिन्दो रैहनो तुमरी बजै सै जरूरी है। 25और मैंकै इस बात को भरोसो है, और मैं जानौ हौं कै मैं जिन्दो रैहंगो, और तुम सबके संग रैहंगो जिस्सै तुम पक्के होते जाऔ, और बिसवास मै खुस रैहऔ। 26मेरे फिर तुमरे धौंरे बापस आनै सै मेरी बजै सै जो घमंड तुम मसी ईसु मै करौ हौ बौ और जादा बढ़ जाऐ।
27सिरप इतनो करौ कै तुमरो चाल-चलन मसी की अच्छी खबर के लायक हो जाऐ कै चाँहे मैं आकै तुमकै देखौं या ना बी आऔं, पर मैं तुमरे बारे मै बस जौई सुनौं कै तुम सब एक आत्मा मै टिक जाऔ और एक मन हो कै, एक संग मिलकै अच्छी खबर के बिसवास के ताँई मैहनत करते रैहऔ। 28और बिरोद कन्नै बारौं की किसी बी बात सै डरिओ मत, जौ तौ उनके ताँई नास को, पर तुमरे ताँई मुक्ति को चिन्न है, जो परमेसर की ओर सै है। 29तुम लोगौ कै ना सिरप मसी मै बिसवास कन्नै के ताँई बलकन बाकी बजै सै दुख उठानै के ताँई बी किरपा मिली है। 30#चेलौ 16:19–40और तुमकै बी बैसेई आत्मिक लड़ाई लड़ते रैहनो है, जैसो तुमनै मैंकै करते भए देखो और तुम अब बी सुनौ हौ, कै मैं बैसोई कर रओ हौं।
Currently Selected:
फिलिप्पीऔ 1: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
