1 कुरन्थियों 6
6
आपसी लड़ाईऔं को फैसला
1अगर तुम लोगौ के बीच मै लड़ाई होवै हैं। तौ तुमरी जौ हिम्मत कैसे भई कै तुम फैसला के ताँई बिसवासी लोगौ के धौंरे ना जाकै अबिसवासी लोगौ के धौंरे पौंचौ। 2का तुम जौ ना जानौ हौ कै, परमेसर के पबित्तर लोग जा दुनिया को फैसला करंगे? जब तुमकै जा दुनिया को फैसला कन्नो है, तौ का तुम छोटे से छोटी लड़ाईऔं को बी फैसला कन्नै के लायक ना हौ? 3का तुम जौ ना जानौ हौ कै, हम सुरगदूतौं को बी फैसला करंगे? तौ का हम जा दुनिया की बातौं को फैसला कन्नै के लायक ना हैं? 4अगर तुमरे बीच मै छोटी मोटी लड़ाई होवै बी हैं, तौ तुम ऐंसे आदमी कै फैसला कन्नै के ताँई काए बुलाबौ हौ जिसकै बिसवासिऔ की मंडली कुछ बी ना समजै है। 5मैं जौ इसताँई कैरओ हौं कै तुमकै सरम महसूस होए, का सच्ची मैई तुमरे बीच मै कोई समजदार आदमी ना है, जो अपने बिसवासी भईयौ और बहनौ को फैसला कर सकै? 6इसकी का जरूरत है कै एक बिसवासी दूसरे बिसवासी के ऊपर मुकदमा चलाऐ और बौ बी उन लोगौ के बीच मै जो परमेसर कै मानै ना हैं।
7अगर तुमरे बीच मै मुकदमा चल रओ है तौ जाको मतलब जौ है कै तुम पैलेई सै हार चुके हौ। इसकी जघै तुमई खुद नुकसान काए ना उठा लेबौ हौ? और खुदई कै काए ना धोको खान देते? 8पर तुम तौ खुद अपने मसी बिसवासी लोगौ के संग बुरो करौ हौ और धोको देकै बाको नुकसान करौ हौ।
9का तुम जौ ना जानौ हौ कै बुरे काम कन्नै बारे परमेसर के राज के बारिस ना हौंगे? धोको ना खाऔ: कुकरम कन्नै बारे, मूरती पूजा कन्नै बारे, बईयरौं के संग गलत काम कन्नै बारे, आदमी आदमी के संग गलत काम कन्नै बारे, 10चोर, लालची, सरापी, चुगली कन्नै बारे और धोकेबाज ऐंसे लोग परमेसर के राज के बारिस ना हौंगे। 11और तुम्मै सै बी कुछ लोग ऐंसेई हे, पर अब परभु ईसु मसी के नाम सै और हमरे परमेसर की आत्मा सै धोकै, पबित्तर और धरमी ठैरे हौ।
अपने सरीर कै परमेसर की महिमा मै लगाऔ
12 #
1 कुर 10:23
अगर कोई कैए कै, “मैंकै सबई कुछ कन्नै को हक दओ है” पर सबई कुछ मेरे फाएदा के ताँई ना है। “मैंकै सबई कुछ कन्नै को हक दओ है” पर मैं खुद कै किसी बी चीज को गुलाम ना बनन देवौ हौं। 13ऐंसो कोई बोलै कै, “रोटी पेट के ताँई, और पेट रोटी के ताँई है।” पर परमेसर दौनौ कै मिटा देगो। पर जौ सरीर कुकरम कन्नै के ताँई ना है, बलकन परभु के सेवा ताँई है, और परभु हमरे सरीर की देखरेख कन्नै के ताँई है। 14और परमेसर नै अपनी सकति सै जिस तरै परभु ईसु कै जिन्दो करो, बैसेई हमकै बी जिन्दो करैगो।
15का तुम जौ ना जानौ हौ कै तुमरो सरीर मसी के सरीर को हिस्सा है? तौ का मैं मसी के सरीर के हिस्सा कै लेकै रंडिऔ के सरीर के हिस्सा मै मिला दौं? कबी ना। 16का तुम ना जानौ हौ कै जिसको मिलन रंडिऔ सै होवै है, बौ बाके संग एक सरीर हो जावै है। कैसेकै पबित्तर सास्तर कैबै है कै, “बे दौनौ एक सरीर हौंगे।” 17पर जो परभु के संग रैहबै है, बौ बाके संग आत्मा मै एक हो जावै है। 18कुकरम कन्नै सै बचे रौह, जो बी गलत काम आदमी करै है बौ सरीर सै बाहार है, पर जो आदमी बईयरौं सै कुकरम करै है बौ अपनेई सरीर के खिलाप पाप करै है।
19 #
1 कुर 3:16; 2 कुर 6:16 का तुम जौ ना जानौ हौ कै तुमरो सरीर पबित्तर आत्मा को मन्दर है? जो तुम्मै रैहबै है, और तुमकै परमेसर की ओर सै मिलो है, और अब तुम खुद के ना हौ। 20कैसेकै परमेसर नै तुमकै मोल लेर खाओ है। इसताँई अपने सरीर के दुआरा परमेसर की इज्जत करौ।
Currently Selected:
1 कुरन्थियों 6: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
