1 कुरन्थियों 16
16
दान के बारे मै
1 #
रोमी 15:25,26 ऐरूसलेम मै परमेसर के लोगौ के ताँई दान इखट्टो कन्नै के बारे मै मैंनै गलातिया के बिसवासिऔ की मंडलिऔ कै जैसी आगियाँ दई बैसेई तुम बी करौ। 2हर इतवार कै अपनी कमाई के हिसाब सै अपने घर मै पैसा इखट्टो करे करौ। जब मैं आंगो तौ बा बखत मै तुमकै पैसा इखट्टो कन्नै की जरूरत ना पड़ैगी। 3और जब मैं आंगो, तौ जिनकै तुम चाँहौ हौ उनकै मैं चिट्ठी देकै भेज दंगो कै तुमरो दान को पैसा ऐरूसलेम मै पौंचा दैं। 4अगर मेरे ताँई जानो अच्छो है तौ बे बी मेरे संग जा सकै हैं।
पौलुस की योजना
5 #
चेलौ 19:21
मैं मकिदुनिया जिला होकै तुमरे धौंरे आंगो, कैसेकै मैंकै मकिदुनिया होते भए जानो बी है। 6हो सकै है तौ मैं तुमरे हिंया कुछ देर ताँई रुकंगो और सायद तुमरे धौंरे जाड़े काटौं, जाके बाद जहाँ बी जानो होगो बहाँ जानै के ताँई तुम मेरी सायता करौगे। 7मेरी ऐंसी इच्छा ना है कै मैं सिरप रस्ता मै जाते बखत तुमसै मिलतो भओ जांऔ। पर मैंकै उमीद है कै अगर परभु नै चाँहो तौ कुछ बखत तुमरे संग रैहंगो। 8#चेलौ 19:8–10और मैं पिन्तेकुस के तौहार तक इफिसुस मै रैहंगो। 9कैसेकै मेरे ताँई सेवा कन्नै को एक बड़ो और अच्छो मौको मिलो है, पर बिरोदी बी भौस्से हैं। 10#1 कुर 4:17और अगर तीमुथियुस आय, तौ बाको धियान रखिओ कै बाकै तुमरे हिंया कोई दिक्कत ना होए, कैसेकै बौ मेरे हाँई परभु को काम करै है। 11इसताँई कोई बी बाकै छोटो ना समजै, पर बाकै खुसी सै बिदा करिओ, जिस्सै कै बौ और भईयौ के संग मेरे धौंरे पौंच जाय, कैसेकै मैं बाको पैंड़ो देख रओ हौं।
12अब हमरे भईया अपोलुस की बात जौ है कै दूसरे भईयौ के संग तुमरे धौंरे जानै के ताँई मैंनै बासै बिनती करी। पर बाकी जौ इच्छा ना ही कै बौ अबी तुमरे धौंरे आय, पर जब बी मौको मिलैगो तौ बौ तुमरे धौंरे जरूर आगो।
आखरी बात
13चौकस रौह और मजबूती के संग बिसवास मै पक्के बने रौह और हिम्मत रक्खौ, तागत बारे बनौ। 14तुम जो कुछ करौ, पियार सै करौ।
15 #
1 कुर 1:16
हे भईयौ और बहनौ, तुम सितेफनुस के घर बारौ कै जानौ हौ कै बे अखाया जिला के पैले बिसवासी हैं। और परमेसर के लोगौ की सेवा कन्नै के ताँई हरदम तईयार रैहबैं हैं। 16मैं तुम लोगौ सै बिनती करौ हौं कै ऐंसे लोगौ को कैहनो माने करौ और उनको बी जो परमेसर के ताँई काम और मैहनत करै हैं।
17मैं सितेफनुस, फुरतुनातुस और अखइकुस के आनै सै खुस हौं। कैसेकै जो तुम मेरे ताँई पूरो ना कर सकै हे, बाकै उनौनै पूरो कर दओ। 18उनौनै मेरी और तुमरी फिकर कै दूर कर दओ है। ऐंसे आदमी इज्जत लायक हैं।
नमस्कार
19 #
चेलौ 18:2
एसिया मुलक के बिसवासिऔ की मंडली के ओर सै तुमकै नमस्कार। अकुला और पिरसीला के घर मै जो बिसवासी लोगौ की संगत इखट्टी होवै है, बाकी ओर सै बी तुम सबई कै परभु के नाम मै नमस्कार। 20और सिगरे बिसवासी लोग तुम सबई कै नमस्कार कैबै हैं। सबई एक दूसरे सै पियार सै नमस्ते के संग आपस मै गले मिले करौ।
21मैं पौलुस तुमकै अपने हातौ सै नमस्कार लिखकै भेज रओ हौं। 22जो कोई परभु कै पियार ना करै है, बाकै सराप मिलैगो।
हे परभु आ।
23परभु ईसु की ओर सै तुमकै किरपा मिलै।
24ईसु मसी मै मेरो पियार तुम सबई के संग रैह।
Currently Selected:
1 कुरन्थियों 16: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
