1 यूहन्ना 1

जीबनको बचनको घोषणा

1हम बा आदमीके बारेमे लिखरहे हएं। जो जीबनको बचन हए, जा पुरो संसारको सृष्टि होनसे पहिले बचन रहए, जौनके हम सुने, और जौनके अपनी आँखीसे देखे, और जौनके हम ध्यानसे देखे और हातसे छुए। 2जा जीबन हियाँ पृथ्वीमे आओ, और हम बाके देखे, और बाकी गवाही देत हएं, और तुमके बा कभी फिर नाश नाए होन बारो जीबनके बारेमे परचार करत हएं, जो दौवाके सँग रहए, और हमर ठिन प्रकट भओ। 3येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए। 4और हम जा बात जहेमारे लिखत हएं, कि हमर आनन्द पुरा होबए।

परमेश्वर उजियारो हए

5जो समाचार हम येशूसे सुने, और तुमके सुनात हएं, बो जा हए; कि परमेश्वर उजियारो हानी अच्छो और सिद्ध हए, और बामे अइसो कुछ फिर दुष्टता नाए हए। 6अगर हम कएहएं, कि परमेश्वरके सँग हमर संगती हए, पर फिरसे बहे खराब काम करत हएं कहेसे हम झुठ मस्कत हएं, और सत्य शिक्षा अनुसार नाए जीइत हएं। 7बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो। 8अगर हम कएहएं, कि हमरमे कुछु फिर पाप नाए हए, तओ हम अपनएके धोखा देत हएं, और हम परमेश्वरमे बिश्वास नाए करत हएं, कि बा सच्चो कहात हए। 9अगर हम परमेश्वरके अग्गु अपनो पापके स्वीकार करएं, तओ हमर पापके क्षमा करनमे, और हमएं सब अधर्मसे शुद्ध करनमे बिश्वासयोग्य और धर्मी हए। 10अगर हम कहात हए, कि हम पाप नाए करेहएं, तओ परमेश्वरके ठगरहे हएं, और हम परमेश्वरके बचनके नाए सम्झत हएं, और हम बाको बचनके बिरकुल स्वीकार नाए करत हएं।

Currently Selected:

1 यूहन्ना 1: THRNT

Highlight

Copy

Compare