TITO 3
3
1UBELESI nkanyi badipwesi mimikyeabo kudi milopwe yi kudi mamanya, bakali bena diedya, bakali yi lungwoso bwalo bwa mudimo mwoso unengela. 2Kabatôyi bwalo bubi dia muntu mwoso, kabakadi belesanani ba mbata, bakali kulebela, badi mu kwebesa diedya dioso kudi bantu boso.
3Bwalo butwakadi badibi coco kabidi kalikali, bena ntamu, twakadimbibwa, twakadi mu kusadila minga xindilu yi binga biango, twakakala yi mwoxingi yi mwokunyo, bena nyete, twakadi mu kwombwelañana nkyetekyete. 4Mo pakamoneka bonkangi bwa Ncembi Mupandixi ecu, yi nyinga yenci ku bwalo bwa bantu, 5ndo pakatupandisayi, kumoni ku makisa a nkwami atwakadiencela, kate ku mwengo ănci ; ku kiowelu kia kibangilu kipyakipya, yi ku kupingaxibwa kupyakupya kwa Mwoxixi a babala, 6akatupanguludilayi bungi bungi kudi Yisu Kalistu Mupandixi ecu. 7Mbwôso coco bitwamasuwixibwa ku lwoxixi lwanci, tuxetekyebwa bena mwokito bea bidi mudingidilu ă môyo ă kô kô. 8Diyi didi diyi dia ko, yi ku bwalo bwa bintu bebi ngwananga unatôya yi mucima, bixeakala bantu bamakwetabusa Ncembi yi mulukutu ă kwekyela yi makisa anengela. Malo aa adi kunengela, amalelekyela yi kulwangwasana bantu. 9Mo dimuka ku bwalo bwa miapangusu ya kanana, yi bwa mikanda ya kutomba tomba mena a babakulu, yi mbata, yi bitumba ku bwalo bwa bwadi ; bwalo butena malo aa malo kutetowa yinao, adi kimbombo kanana. 10Muntu ndo udi musaluki, panakala nwamamudimusa dia buxi yi diamubidi, numunyañani ; 11bwalo bunwalubukwa ene, muna noku amaponexebwa, yi onona, bwalo bwamabelebwayi kudiyi mikyenci.
12Panatuma Atema kudi, ndo Tikiko, palala owe yi mwokulu kulwa kundi ku Nikopoli, bwalo bungwencenca kudikisa ngondo koku ya maxika.
13Xindikisa Sena, musakodi a bwadi, yi Apolo, ku lwendo lwabo yi mwokulu, bitaxekwayilabo yi kintu kioso. 14Bena kwecu kabidi beyi kwekyela yi makisa anengela bixeakalabo yi bintu bixeakalabo yinabio, yi bitaxesalabo bikuta.
15Bungi bwabo badi yinami bakwabisa. Bisa bantu bamatunanga mu kwetabusa. Lwoxixi lwakali yinenu bungi bwenu.
Currently Selected:
TITO 3: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
