FILEMONO 1
1
1PAULU, musungi a Kalistu Yisu, yi Timoteo mwakunyi, kudi Filemono musadisañani yinecu munangibwi, 2yi kudi Afia, mwakunyi a babakaxi, yi kudi Akipo, disalai yinecu dia Fumu, yi kudi kikokye kidi mu ncibo ebe ; 3lwoxixi lwakali yinenu yi polo kudi Ncembi Tetecu yi kudi Fumu Yisu Kalistu.
4Ngwaxingila Ncembi amene biloba matuku moso, nkwatamba tamba mu ndombu yamene, 5ndi mu kwombwa dia nyinga yebe yi dia kwetabusa kudi yinebe ku bwalo bwa Fumu Yisu, yi ku bwalo bwa bena babala boso ; 6bixeakala busangilañani bwa kwetabusa kwebe kucwa, bixeakalabu yi kilubukilu kia kintu kioso kinengela kidi munda mwecu ku bwalo bwa Kalistu. 7Bwalo bunakadi yi kiango kingi yi kibondelu kingi mu nyinga yebe, bwalo bwamasubixibwa micima ya bena babala kudi, muna kwami.
8Mbwôso isanga ndi yi mucima mwoso mu Kalistu ă kukulanga bwalo bobu bwamalelekyela, 9kaninga ku mucwe ă nyinga ndo kungwatunga kukubondabonda ; meme, Paulu, ndi kinunu, yi nkyekyu musungi kabidi a Kalistu Yisu. 10Nkwabondabonda ku mucwe ă mwanami unamalela ku nkanu yamene, Onesimo, 11utakadi kalikali yi sombo mwoso ku mpala ebe kusomboka yinanci, mo nkyekyu udi muna sombo ku bwalo bwebe yi ku bwalo bwamene ; 12unapupingasa kudi, kulexi yi kutuma mucima ămene mikyemi ; 13unxenanga kubamba kunu yinami, bixengusadilayi ku mucwe ěbe ku nkanu ya losangu lunengela. 14Mo kutena lukanyi Iwebe, meme nakadi kisonanga kwenca kintu kioso ; bixeakala bonkangi bwebe kumoni bea bwa dibambu, kate bwa mucima.
15Ambeci yei akanamunibwa kudi kakondo kabende, bixemwangata owe kô kô, 16kumoni kabidi bea mupika kate kudika mupika, bea mwakunyi munangibwi ; kudi meme sôsôlwo, mo kudi owe kabidi, yi mu munyu yi mu Fumu.
17Aka lolo ungwabala ndi mwabanyañani yinebe, umwangati bea mikyemi. 18Kaninga ndo yei amakwencela bwalo bwoso bubi, ndo udi yinebe mbata mwoso, uteki bwalo bobu ku bwalo bwamene. 19Meme Paulu namafunda yi kianca kiamene mikyemi, ene, meme nakukufuta. Kisokutôyela mudi owe yinami mbata ku bwalo bwebe mikyebe kabidi. 20Ya, muna kwami, meme nxetetowa ku bwalo bwebe mu Fumu ; subisa mucima ămene mu Kalistu. 21Bwalo buntani yi kwetabusa kwa kwetabuxila diedya diebe ndo binamakufundila, bwalo bungwalubukwa ene, owe unakwenca isanga kudika diyi dingwatôya.
22Mo ungulungikili kabidi kidi ; bwalo bunamadingila ene, ku mucwe ă ndombu yenu, nakunulongolebwa.
23Epafalasa, udi yinami musungi mu Kalistu Yisu, ukwabisa ; 24yi Maku, yi Alistako, yi Demasa, yi Luka, badi basadisañani yinami.
25Lwoxixi lwa Fumwecu Yisu Kalistu lwakali yi kidimu kienu.
Currently Selected:
FILEMONO 1: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
