TITO 1

1PAULU, musadi a Ncembi, yi mutumibwi a Yisu Kalistu, bea bialelekyela yi kwetabusa kwa basungudibwi ba Ncembi, yi kilubukilu kia sôsôlwo kialelekyela yi mwosambu ă Ncembi 2mu mudingidilu ă moyo ă kô kô. Ncembi utabiyi kudimba akauxiyila kilaka, buxi bwa mieciya ya bikondo bia loboko ; 3kate ku bikondo bienci mikyenci kwakakwebesayi diyi dienci ku mwobeki, ăkatekyebwa ku makaci amene, luna biakadi mulangu ă Ncembi Mupandixi ecu. 4Kudi Tito, mwanami a sôsôlwo ku kwetabusa kwecu kwa betabuxi boso, lwoxixi yi polo kudi Ncembi Tete yi kudi Kalistu Yisu Mupandixi ecu.

5Ku mucwe ou ndo kunakakuxiya mu Kulete, bixelungika owe bintu biamasaka, yi bixesungula owe babakulu mu bula bwoso, bea binakakulangila mulangu ; 6ndo muntu mwoso kiena yi bwalo bubi, ndo udi muna mukaxi umoumwe, ndo udi yi bana bamakwetabusa batasosanyibwa bwalo bwa munyingu ndo bwa ntamu. 7Bwalo buxeakala munami a kikokye kutena bwalo bubi, bea nkôngôlo a Ncembi, kumoni muna bwolemo, kumoni muntu ulolwa yi bisusu mangwoso, kumoni muna mulaku ă malufu, kumoni mukumi a bantu, kumoni muna kiloko kia bima ; 8kate muntu amakwekyela yi kwangata kwa bena ngendo, munangi a bwalo bunengela, muna bweso, muna nkwami, muna babala, muna mulangu ; 9amabamba diyi dia kibaku diamalelekyela yi kweyesa kwa Kalistu, bixelubukwayi yi kubondabonda ku kweyesa kwa loko, yi kutongola bapetodi ba mpeto.

10Bwalo budiko bantu bangi, bena ntamu, batabakani yi bena ndimbu, yi bantu pako ba bena bwadi, 11baxekandibwa misuku yabo ; bantu bamaponesa nkumbu mincimancima, badi mu kweyesa malo ataxekweyexebwa, ku mucwe ă bima bia mbindu. 12Muntu abo mikyeabo, mudimuxi abo mikyeabo, akatôya ene, Bena Kulete badi bena ncimi matuku moso, nyama mibi ya bilei, mafu a bompoci.

13Ntôbô yei idi sôsôlwo. Ku mucwe ou ubakami makamu yi ngulu bixeakalabo loko mu kwetabusa, 14bitaxebakabo macu abo ku tufumu twa bena Yuda, ndo ku milangu ya bantu belela sôsôlwo nyuma. 15Kudi bena babala, bintu bioso bidi babala ; mo kudi bantu badi yi lobindu yi batena yi kwetabusa, kakuna kintu kimokimwe kidi babala ; kate lukanyi lwabo yi kilubukilu kiabo bidi yi lobindu.

16Bamasakola ene, bamalubukwa Ncembi ; mo ku makisa abo kumwanyañanabo, badi bena nyete, yi bena ntamu, yi ku bwalo bwa mudimo mwoso unengela badi basaluki batupu.

Currently Selected:

TITO 1: Luna_NT

Highlight

Copy

Compare