2 TIMOTEO 4
4
1NGWATÔBÔLA ku mpala a Ncembi yi a Kalistu Yisu utanalanda kusambola yi bena môyo bafu, yi ku bwalo bwa kimonekyelu enci yi bwa bufumu bwanci, 2ene, Ambiia diyi ; ikala yi mwokulu ku kipoma kinengela yi ku kipoma kitena kinengela ; tongola, kama, bondabonda, yi kicwandundu kioso yi kweyesa kwoso.
3Bwalo bunalwa kikondo kitasonangabo kwekyela yi kweyesa kwa loko ; kate bwalo bwakalabo yi macu a nkadi ndo bunadikokyeyelabo beyexi balanda xindilu yabo mikyeabo ; 4yi banakulumuna macu abo ku sôsôlwo, yi banakulumuka kuya ku tufumu twa kanana. 5Mo owe ikala muna mulangu mu bintu bioso, tata, enca mudimo ă mwambidi a losangu lunengela, kukisa busadi bwebe. 6Bwalo buntanapanguludibwa bea malufu nkyekyu, yi kikondo kia kulekyelebwa kwamene kitani pepe. 7Namatanda mbita you unengela, namamana sambo kusambola, namanama kwetabusa ; 8pôi nkyekyu pamangubumbidibwa kilongo kia nkwami kinampa Fumu, musambodi a nkwami, ku dituku dedi ; yi kumoni meme mutupu, kate bungi bwabo kabidi bamananga kimonekyelu kienci.
9Palala yi mwokulu kulwa kundi mangwoso ; 10bwalo bwakangukadeya Demasa, amananga mwociya ou ă nkyekyu you, yi akaya ku Tesalonika. Kyelesense amaya ku Ngalatia, Tito ku Dalamatia. 11Luka mutupu udi yinami. Angata Maku, umucwali yinebe ; bwalo bwamangusadisayi loko ku mudimo ă Fumu. 12Mo namatuma Tikiko ku Efeso.
13Mucwala ă maxika unakaxiya ku Toloasa kwa Kapo, ucwali palolwa, yi mikanda ; dingila yei mikanda mifunda pa bixeba.
14Alesanda, mutudi a ôlo, akangwebesa bubi bungi ; Fumu unamusayila bea bidi makisa anci ; 15owe dimuka kabidi ku bwalo bwanci, bwalô bwakatandayi yi meyi ecu kungi kungi.
16Ku kukyata kwamene kwa buxi, kakwakadi muntu yinami ; kate bungi bwa bantu bakangukadeya ; bwalo bobu kabubakibwi kudibo. 17Mo Fumu akakwemana yinami yi akampa ngulu, bixesakolebwa mwobeki kundi dyendeli yi bixekwombwa bungi bwa mabila ; yi nakapaudibwa mu musuku ă ntambwi. 18Fumu unangupaula ku mudimo mwoso mubi, yi unangupandisa pôi ku bufumu bwanci bwa diulu ; kudiyi kwakali dikai ku mieciya ya mieciya. Amen.
19Bisa Filisikila yi Akwila yi ncibo a Onesifolo. 20Elasto akasala ku Kolinti ; mo namaxiya Tolofimo ku Mileto, udi yi kusama. 21Palala yi mwokulu kulwa buxi bwa ngondo ya maxika. Eubulu ukwabisa, yi Pudense yi Lino yi Kolôdia yi bungi bwa bakunyi.
22Fumu akali yi mucima ěbe. Lwoxixi lwakali yinenu.
Currently Selected:
2 TIMOTEO 4: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
