KIEBEXELU 2
2
1KUDI mwangele a kikokye kia ku Efeso funda ene, Bintu bebi ndo biamatôya you udi yi mitoto sambwali mu kianca kienci kia kidyo, endenda pakacikaci pa minda sambwali ya ôlo, 2ene, Ngwalubukwa makisa ebe, yi nkambi yebe, yi bwika bwebe ; yi ene, kusolubukwa kwekyela yi bantu babi ; yi wamakwelekyesa bantu batôya ene, mikyeabo badi batumibwi, mo kabena noku, yi wamabasañana bena ncimi ; 3udi lolo yi kicwandundu, wamakwombwa buxitu ku mucwe ă dina diamene, yi kusopwangwa pô. 4Kate ndi yi bwalo bobu yinebe, ene, wamakadeya nyinga yebe ya buxi. 5Mbwôso ela kidi lukanyi kiamapona owe kudikio, udibeli lolo, yi enca makisa a buxi ; kaninga ndo kumoni, ndolwa kudi, yi nakuncula mwinda ěbe ku kidi kiau, kutena unadibela. 6Kate udi yi bwalo bobu bunengela, ene, wombombwa makisa a bena Nikolao nyete, angwombombwa meme nyete kabidi.
7You udi yi dicu, a-ombwi mwatôyela Mwoxxxi bikokye. You amapila, nakumupa ndo kudya mamoma a muci ă môyo, udi mu Paladisi a Ncembi.
8Yi kudi mwangele a kikokye kia mu Sumuna, funda ene, Bintu bebi ndo biatôya you a buxi yi you a ku sula, you akadi mufu yi akapiñana yi môyo, 9ene, Ngwalubukwa buxitu bwebe yi bokombi bwebe (kate udi yi bodidi) ; yi mwotangu ăbo bamatôya ene, badi bena Yuda, yi kabena noku, kate badi kikokye kia Satana. 10Kucini bintu binatata owe mo nkyekyu. Mona, diaoolo ditanalanda kwela banga bantu benu mu ncibo a nkanu, binuxekwelekyexebwa, yi nunakala yi buxitu matuku disangi. Ikala owe yi kibaku pôi ku lufu, yi nakukupa kilongo kia môyo.
11You udi yi dicu, a-ombwi mwatôyela Mwoxixi bikokye. You amapila kanatatixibwa ku lufu lwamubidi pô.
12Yi kudi mwangele a kikokye kia mu Pengamo, funda ene, Bintu bebi ndo biatôya you udi yi mwele ă kucwa, ă mpala ibidi ; 13ene, Ngwalubukwa kidi kiamaxikama owe, kitani nkwasa a Satana ; yi wamanamata ku dina diamene, yi wakadi kusonyañana kwetabusa kwamene, isanga ku matuku a Antipasa, mutôbôdi amene a kibaku, akaxipibwa pakacikaci penu, mu kidi kiapwakala Satană. 14Kate ndi yi malo mabende yinebe, bwalo butani owe yi banga koku bamanamata ku kweyesa kwa Balama, akakweyusa Balaka ndo kuteka kiponexelu mu ncila a bena Isalele, bixedyabo malongi akalongolebwa ku mpala a ngixi, yi bixekwendelabo bakaxi babene. 15Udi kabidi yi banga bamanamata ku kweyesa kwa bena Nikolao mo nako. 16Mbwôso udibeli ; kaninga ndo kumoni, ndolwa kudi mangwoso, yi nakutanda yinabo mbita yi mwele ă musuku ămene.
17You udi yi dicu, a-ombwi mwatôyela Mwoxixi bikokye. You amapila, nakumupa “ Mana ” musokoka ; yi nakumupa dibwe dia susu yi dina difunda ku dibwe ditasolubukwa muntu mwoso kutena you amadiangata.
18Yi kudi mwangele a kikokye kia mu Tiatila funda ene, Bintu bebi ndo biatôya Mwana a Ncembi, udi yi meso bea mwanga ă mudilu, yi makasa anci bea kiengele obo, 19ene, Ngwalubukwa makisa ebe, yi nyinga, yi kwetabusa, yi mudimo, yi bwika ; yi ene, makisa ebe a nyuma amadika makisa ebe a buxi bungi. 20Kate ndi yi bwalo bobu yinebe ene, Wamakwekyela yi mwamukaxi you Yesebele, amadibikila mikyenci ene, Mudimuxi, yi eyesa basadi bamene, yi amabaungisaungisa bendeli bakaxi babene, yi badi bixipilu biamalongolebwa ku mpala a ngixi. 21Yi nakamupa kikondo bixedibelayi, yi yei kasonanga kudibela bwalo bwa budibi bwanci. 22Mona, meme nakumwela mu ntangi, yi bobo bamwendela yi budibi mu buxitu bungi, kutena banadibela bwalo bwa makisa anci. 23Yi nakuxipa bana banci yi lufu ; yi bikokye bioso binalubukwa ene, Meme ndi you amaxixima mala yi micima ; yi nakufuta muntu mwoso enu bea biamalelekyela yi makisa enu. 24Mo nwatôyela nonu, isangu bobo bamasala mu Tiatila batena yi kweyesa koku, batasokweya malo malemale twakô a Satana, luna biatôyabo ; ene, kisokwapeya bunga buxitu kulu kwenu ; 25mo bwalo bwa bintu bebi bidi yinenu nkyekyu, nunamati kudibio pôi kikondo kindolwa.
26You amapila, amanama makisa amene pôi ku sula, nakumupa bumanya kulu kwa mabila ; 27yi unabumba yi kita kia kidimadima ; bea biamanyanyudibwa sala ya mufumbi ; luna binamangata kabidi kudi Tetemi ; 28yi nakumupa mutoto ă butwatuku.
29You udi yi dicu, a-ombwi mwatôyela Mwoxixi bikokye.
Currently Selected:
KIEBEXELU 2: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
