KIEBEXELU 1

1KIEBEKELU kia Yisu Kalistu kiakamupa Ncembi, ndo kwebesa basadi banci bintu bixepona mangwoso ; akatuma mwangele and, yi akalubukisa musadi anci Yoano, 2akatôbôlela diyi dia Ncembi nt, yi ntôbô a Yisu Kalistu, isanga bintu bioso biakamonayi. 3Balwangwasanibwi yi you abala, yi bobo bombombwa meyi a kidimuxilu kieki, yi bamanama malo amafundibwa momu ; bwalo butani kikondo pepe.

4Yoano kudi bikokye sambwali bidi mu Asia ; lwoxixi lwakali yinenu yi polo, kudi You udiko, yi akadiko, yi unakala ; yi kudi Miexixi sambwali idi ku buxi bwa lukwasa lwanci ; 5yi kudi Yisu Kalistu, mutôbôdi a kibaku, you akalelebwa kudi bafu buxi, yi Fumu a bafumu ba loboko. Kudi you amatunanga, amatukusula mabi ecu mu maxi anci ; 6yi amatuteka bufumu, makanda ku mpala a Ncembi anci yi Tetenci ; kudiyi kwakali dikai yi mpinyu ku mieciya ya mieciya. Amen.

7Mona, ulolwa yi mabaxi ; yi diso dioso dinamumona, yi bobo bakamubongola ; yi mabila moso a loboko anadila ku bwalo bwanci. Mo nako, Amen.

8Fumu Ncembi ndo atôya ene, Meme ndi Alafa yi Omenga ; You udiko, yi akadiko, yi unakala, Ncembi Xadai. 9Meme, Yoano, mukulwenu yi mwabanyanani yinenu ku mpeya, yi mu bufumu yi mu bwika budi mu Yisu, nakadi mu kisala kiabikilabo ene, Patamoso, bwalo bwa diyi dia Ncembi yi bwa ntôbô a Yisu. 10Nakadi mu Mwoxixi ku dituku dia Fumu, yi nakakwombwa diyi dikola kunyuma kwamene bea diyi dia mpungi, 11diakatôya ene, Funda bintu biamamona mu mukanda, utumi kudi bikokye sambwali ; ku Efeso, ku Sumuna, ku Pengamo, ku Tiatila, ku Sadisi, ku Filadelefia, yi ku Laodikia.

12Yi meme nakakulumuka ndo kumona diyi diamatôya yinami ; yi binakakulumuka nakamona minda sambwali, ya ôlo ; 13yi pakacikaci pa minda pakadi muntu luna Mwana a muntu amalata kifunda kiamafika ku makasa anci, yi amakoba mwokaba ă ôlo ku mabele anci. 14Mucwe ănci yi nyonyi yenci biakadi susu, luna nyonyi ya mikwakwa ya susu, luna “ neige ” ; yi meso anci bea luna mwanga ă mudilu ; 15makasa anci lolo luna kiengele obo, bea ndo kiamasusudibwa mu dilungu ; yi diyi dienci bea diyi dia mai mangi. 16Yi akadi yi mitoto sambwali mu kianca kienci kia kidyo ; yi mu musuku ănci mwakabatuka mwele ă kucwa, ă mpala ibidi ; yi mpala anci luna diba diamalumuka yi ngulu yenci.

17Panakamumona lolo, nakapona paxi ku makasa anci luna mufu. Yi akabaka kianca kienci kia kidyo kulu kwamene ene, Kucini ; meme ndi you a buxi, yi you a ku sula, 18yi you a môyo. Nakadi mufu, mo mona, ndi yi môyo ku mieciya ya mieciya, yi ndi yi fungula ya lufu yi ya Adese.

19Mbwôso funda bintu biapumona, yi bintu biapwakala nkyekyu, yi bintu bilolwa kunyuma kwa bintu bebi. 20Bwalo busokoka bwa mitoto sambwali yapumona mu kianca kiamene kia kidyo, yi minda sambwali ya ôlo. Mitoto sambwali idi bangele ba bikokye sambwali bebi ; yi minda sambwali idi bikokye sambwali.

Currently Selected:

KIEBEXELU 1: Luna_NT

Highlight

Copy

Compare