KIEBEXELU 10

1YI nakamona munga mwangele a ngulu udi mu kupweka mu diulu, ulete dibaxi, yi nkongolo kulu kwa mucwe ănci ; mpala anci akadi luna diba, yi makasa anci bea mitondo ya mudilu ; 2yi mu kianca kienci mwakadi mukanda mubende mudipula. Akateka lolo dikasa dienci dia kidyo ku mai manene, yi dia kimoso ku loboko, 3yi akakwamena diyi dikola byaka biamatôya ntambwi ; yi pakakwamenayi, makongola sambwali akatôya meyi ao.

4Yi pakatôya makongola sambwali, meme nakananga kufunda ; yi nakakwombwa diyi mu diulu ene, Bucika malo amatôya makongola sambwali, kwafundi.

5Yi mwangele unakamona amakwemana ku mai manene yi ku loboko, akasangola kianca kienci kia kldyo lwa diulu, 6yi akateya kiteyi kudi You apwakala yi môyo ku mieciya ya mieciya, akapanga diulu yi bintu bidi momu, yi loboko yi bintu bidi momu, yi mai manene yi bintu bidi momu, ene, Kabaxekwopisa kikondo kinga ; 7kate ku matuku a diyi dia mwangele a sambwali, panakala udi pepe yi kukuma mpungi, bwalo busokoka bwa Ncembi bunamanibwa, bea biakakwambilayi basadi banci losangu lunengela badi badimuxi.

8Yi diyi dinakakwombwa mu diulu diakangutôyela kabidi ene, Yaka yangati mukanda mubende udi bwaxi mu kianca kia mwangele amakwemana ku mai manene yi ku loboko. 9Nakaya lolo kudi mwangele, yi nakamwambila ene, Ungupi mukanda mubende. Yi akangwambila ene, Uwangati, udi dyendeli ; unateka difu diebe bululu, kate mu musuku ӗbe munakalau maxika bea buki. 10Yi nakangata mukanda mubende ku kianca kia mwangele yi nakaudya ; yi mu musuku ămene mwakadiu maxika bea buki ; mo pakadi namaudya, difu diamene diakatekyebwa bululu. 11Yi diyi diakangwambidibwa ene, Udi yi dibambu dia kudimusa kabidi bwalo bwa bantu, yi mabila, yi ndimi, yi bafumu bangi.

Currently Selected:

KIEBEXELU 10: Luna_NT

Highlight

Copy

Compare