FILIPI 4
4
1MBWOSO bakunyi bamene banangibwi yi bakyebebwi, kiango kiamene yi kilongo kiamene, nwemani nako mu Fumu bô, banangibwi bamene.
2Ngwaxengula Ewodia yi ngwaxengula Suntuki, ene, bakali yi lukanyi lumolumwe mu Fumu. 3Ya, nkwalomba owe kabidi, mbayami a sôsôlwo, sadisapo babakaxi baba, bwalo bwakakambabo yinami mu losangu lunengela, yi Kalemente kabidi, yi banga bena kwami ba mudimo ou, badi yi mena abo mu mukanda ă môyo.
4Nuxekyeleli mu Fumu matuku moso. Nakutôya kabidi ene, Nuxekyeleli. 5Diedya dienu dialubukibwi kudi bantu boso. Fumu utani pepe. 6Kanwakadi yi mutete ku bwalo bwoso ; kate mu kintu kioso, ku kulomba yi ku kubondabonda yi biloba, ndombu yenu yilubukixibwi kudi Ncembi. 7Yi polo a Ncembi, amadika kiiubukilu kioso, unanama micima yenu yi nkanyi yenu mu Kalistu Yisu.
8Ku sula bakunyi, bwalo bwa bintu bioso bidi sôsôlwo, bintu bioso bidi bowa, bintu bioso bidi yi nkwami, bintu bioso bidi babala, bintu bioso bidi lwoxixi, bintu bioso bidi bia mwoximo unengela ; ndo dikimu dioso dia mucima didiko, ndo lotumbu lwoso, nweli bintu bebi nkanyi. 9Bintu binwamakweya yi binwamangata yi binwamakwombwa yi binwamamona munda mwamene, nwenci bintu bebi noku ; yi Ncembi a polo unakala yinenu.
10Mo nakaxekyelela kungi mu Fumu bwalo bunwamabisa lukanyi lwenu ku sokosoko ku bwalo bwamene. Nwakakwela nkanyi sôsôlwo, mo nwakadi kanusomona kipoma kinengela. 11Kisotôya dia kusaka ; bwalo bunamakweya mu mwakadilu mwoso mungwakala ndo kubakama ku mucima ămene momu. 12Ngwalubukwa mwa kupwexebwa yi ngwalubukwa mwa kulekola yi bintu ; ku kintu kioso pabwakio yi ku bintu bungi bwabio ndo ku namakweya bwalo bobu bwa bwisa mwa kwokuta yi mwa kwakala yi ncala ; mwa kulekola yi bintu yi mwa kwakala makaci matupu. 13Mbili kwenca bintu bioso kudi you ungupapa ngulu. 14Kaninga nonu nwamakwenca loko pa kusangila yinami ku buxitu bwamene. 15Yi nonu mikyenu kabidi nwalubukwa, nonu bena Filipi, ene, ku bubangabanga bwa losangu lunengela, panakancuka ku Makyedonia, kakwakadi kikokye kimoklmwe kiamasangila yinami ku bwalo bwa kupa yi bwa kwangata, mo nonu batupu. 16Bwalo bunwakatuma dituma dia buxi yi diamubidi, isanga ku Tesalonika, bwalo bwa bokombi bwamene. 17Kisopalala dilongi kupebwa, kate ngwapalala mamoma axedika bungi ku bwalo bwenu.
18Mo ndi yi bintu bioso, yi ngwalekola yi bintu ; namakwolubixibwa, bwalo bunamangata kudi Epafalodito bintu bebi biamalwa kunudi, manonu a mwoxixi unengela, dilongi dia ñonu, diamaxekyelesa Ncembi. 19Yi Ncembi amene unakwombudisa bintu bioso binwamasaka, pa lwedi lwa madidi anci mu dikai munda mwa Kalistu Yisu. 20Mo kudi Ncembi ecu yi Tetecu kwakali dikai ku mieciya ya mieciya. Amen.
21Nubisi muna babala mwoso mu Kalistu Yisu. Bakunyi badi yinami banwabisa. 22Bungi bwa bena babala banwabisa, yi bobo badi bena nkumbu a Kyesa.
23Lwoxixi lwa Fumu Yisu Kalistu lwakali yi mucima ěnu.
Currently Selected:
FILIPI 4: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
