YAKOBO 5

1NWOMBWI nkyekyu, nonu badidi ; nudili yi nuntentuki yi bidilu bwalo bwa mpeya idi mu kulwa kunudi. 2Bodidi bwenu bwamabola ; yi bilamba bienu biamadibwa bixi. 3Olo enu yi mpalata enu biamakwata bodingo ; yi bodingo bunakala ntôbô ku bwalo bwenu, yi bunadya munyu ěnu bea mudilu. Nwamabumba bima bienu ku matuku a ku sula. 4Mona mafuto a bena midimo benu bakabuka mixekye mu bibidi bienu, anwamaximba ku bumanya kanana, adi mu kwamena ; yi biia bia bantu bakabuka biamabwela mu macu a Fumu a Sabaoto. 5Nwamalekola yi kuxekyelela pa loboko, yi nwamaianda budibi bwoso ; nwamabuiundisa micima yenu ku dituku dia kixipilu. 6Nwamabela, nwamaxipa muna nkwami ; yei kasotanda yinenu.

7Mbwôso nwakali yi bwika, bakunyi, pôi kilulu kia Fumu. Mona, muna mudimo amakungila muxekye unengela ă loboko, udi yi bwika ku mucwe ău, binakala amangata mbula ya buxi yi mbula ya kunyuma. 8Nonu kabidi nwakali yi bwika ; nusubisi micima yenu ; bwalo budi kilulu kia Fumu pepe. 9Kanupindudilanani bakunyi, binutaxebelebwa ; mona, musambodi amakwemana ku mbelo. 10Ndo kwelekyesa kwombwa kwa kusama yi kicwandundu bakunyi, nutebeli badimuxi bakatôya ku dina dia Fumu. 11Mona, twabikila bantu bamakwombwa yi bwika ene, balwangwasanibwi ; nwamakwombwa dia bwika bwa Yobo, yi nwamamona kisudeyelu kia Fumu, mwapwakala Fumu yi mwengo tô, yi bonkangi.

12Kulu kwa manga malo moso bakunyi, kanuteyi biteyi, ndo bwalo bwa diulu, ndo bwa loboko, ndo kinga kiteyi kioso ; mo ya enu akali ene, ya ; yi kumoni enu akali ene, kumoni ; binutaxepona muxi mwa lopelo.

13Kwenu kudi muntu mwoso amafinibwa ? Alombi. Kudi muntu mwoso yi kiango ? A-embikisi misambu. 14Kwenu kudi muntu mwoso ombombwa kusama ? Abikili babakulu ba kikokye ; balombi ku bwalo bwanci, bamuxingi manyi mu dina dia Fumu ; 15yi lulombu lwa kwetabusa lunapandisa you ombombwa kusama, yi Fumu unamubisa ; yi akali amakwona malo, kwona kunamulekyelebwa. 16Mbwôso nusakolanani mabi enu muntu kudi muna kwanci, muntu kudi muna kwanci ; yi nulombelanani binuxepandixibwa masama, Mulombelelu ă kucwa ă muna nkwami ăpwakala yi ngulu mingi. 17Eliya akadi muntu a butonga bumobumwe yinecu ; yi akalomba ku lulombu ene, mbula kayiloki ; yi mbula kalokyeli ku loboko lwedi lwa mbula isatu yi ngondo isambomo. 18Yi akalomba kabidi ; yi diulu diakalokyesa mbula, yi loboko lwakalelañana bidibwa.

19Bakunyi bamene, ndo muntu mwoso kwenu amaungaunga ku sôsôlwo, yi muntu umwapingasa, 20alubukwi ene, you amapingasa mwoni ku kwona kwa ncila anci unapandisa kidimu lufu, yi unancibika kibumbu kia mabi.

Currently Selected:

YAKOBO 5: Luna_NT

Highlight

Copy

Compare