EBELEO 1

1NCEMBI, akatôyela babakulu kalikali mu badimuxi ku bicini bingi, yi ku mitôyelu mingi, 2amatutôyela coco ku sula kwa matuku aa noku mu Mwana, amatekayi muna mwokito a bintu bioso ; akapangayi mieciya mioso kudiyi. 3You udi obo kaikai a dikai dienci, yi kifwanisa kia mwakadilu ănci, yi abamba bintu bioso ku diyi dia ngulu yenci. Pakadi yei amamana kikusudilu ku bwalo bwa mabi bienci, akaxikama ku kidyo kia Bunene kulu wapa ; 4yi mo nako akalwa dika bangele kulu ku lwedi lolu Iwamakitayi dina mwokito diamadika diabo dinene.

5Bwalo bwakatôyelayi ñani a bangele ku dituku dioso ene, Owe ndo Mwanami ; ku dituku dedi ndo kunamakulela ? Yi kabidi ene, Meme nakwakala ku bwalo bwanci Tete, yi yei unakala ku bwalo bwamene Mwana ? 6Yi kabidi, pa kufikisa Mwana a buxi mu loboko, yei amatôya ene, Bangele boso ba Ncembi bamuxingili yei. 7Yi ku bwalo bwa bangele kwatôyayi ene, You amateka bangele banci mpepele, yi basadi banci mwanga ă mudilu ; 8mo ku bwalo bwa Mwana ene, Lukwasa lwebe Ncembi ludi lwa kô kô, yi kita kia nkwami kidi kita kia bufumu bwebe. 9Wamananga nkwami yi wamanyañana kwona ; mbwôso Ncembi, Ncembi ebe, amakuxinga yi manyi a kiango kulu kwa bantu bamasangilañana yinebe. 10Yi ene, Owe ku buxi buxi Fumu wakasubisa kibangolelu kia loboko, yi melu kulu adi makisa a makaci ebe ; 11bebi binafwa, mo Owe wasala ; yi bebi bioso binakala binunu luna kilamba, 12yi bea mucwala ndo binabibotaka Owe, yi binakulumunibwa ; mo Owe ulexi, yi mbula yebe kayinaxikila. 13Mo kudi ñani a bangele kwamatôyayi ku kikondo kioso ene, Xikama ku kidyo kiamene binateka bantu katanda ka makasa ebe bamatanda yinebe ? 14Ki bad bidimu binengela bungi bwabo biama sala mudimo ă Ncembi, biamatumibw ; ndo kusadila bantu batanalanda kuki ta kupandixibwa kwa môyo mwokito ?

Currently Selected:

EBELEO 1: Luna_NT

Highlight

Copy

Compare