EFESO 1

1PAULU, mutumibwi a Yisu Kalistu ku nyinga ya Ncembi, kudi bena babala badi ku Efeso, yi kudi bena kibaku badi mu Kalistu Yisu ; 2lwoxixi lwakali yinenu yi polo kudi Ncembi Tetecu yi Fumu Yisu Kalistu.

3Ncembi yi Tete a Fumwecu Yisu Kalistu atumbixibwi, amatulwangwasana yi mulwangwasanu mwoso ă Mwoxixi, mu melu kulu, munda mwa Kalistu ; 4bea biakatusungulayi munda mwanci buxi bwa kibangolelu kia loboko, bituxeakala yi babala yi kutena bwalo bubi ku mpala anci mu nyinga. 5Akatulungika buxi bituxeakala yi bwana kudi Yisu Kalistu ku mpala anci mikyenci, luna bidi kiango kia nyinga yenci ; 6bixetumbixibwa dikai dia lwoxixi Iwanci, lwamatumonayi yinalu munda mwa Munangibwi you. 7Munda mwanci ndo mutudi yi kupikudibwa kwecu ku maxi anci, kilekyelo kia mona ecu, luna bidi bodidi bwa lwoxixi lwanci ; 8Iwamalekolesayi ku bwalo bwecu yi bwinu bwoso yi mayala moso. 9Amatulubukisa bwalo busokoka bwa nyinga yenci, luna bidi kiango kienci kiakakwelayi lukanyi munda mwanci mikyenci, 10ene, ku mulungikilu ă kikondo kinakukixibwa mieciya mioso kiolubilu tô ndo kunasangisayi bintu bioso mu Kalistu ; bintu bia mu melu kulu, yi bintu bia pa loboko. 11Munda mwanci, mwa you utwamatekyebwa bena mwokito munda mwanci kabidi ; bwalo butwakalungikibwa buxi, bea biakadi lukanyi lwa you akisa bintu bioso luna bidi lukanyi lwa nyinga yenci, 12bituxeakala bena lotumbu lwa kutumbisa dikai dienci ; isanga coco bamadingidila Kalistu buxi. 13Yi munda mwanci nonu kabidi, pakadi nwamakwombwa diyi dia sôsôlwo, losangu lunengela lwa kupandixibwa kwenu ; munda mwanci, binwakamwetabuxila kabidi, ndo munwakabakibwa kilembetelu kia Mwoxixi a kilaka a babala, 14udi kibutuku kia mwokito ecu pôi kipikudilu kia bintu bienci mikyenci, bixetumbixibwa dikai dienci.

15Ku bwalo bobu meme kabidi, binamakwombwa dia kwetabusa kudi munda mwenu kwa kwetabuxila Fumu Yisu, yi dia nyinga idi yinenu ya kunanga bena babala boso, 16kisolekyela kuxinga biloba ku bwalo bwenu, ndi mu kunutamba tamba mu ndombu yamene. 17Ncembi a Fumwecu Yisu Kalistu, Tete a dikai, anupi mucima ă bwinu yi ă kiebexelu mu kilubukilu kienci ; 18binuxetekyebwa obo ku meso a mucima enu, binuxelubukwa mudingidilu ă kubikila kwanci bidiu, yi bodidi bwa dikai dia mwokito ănci bidibu munda mwa bena babala, 19yi ngulu yenci bungi bungi yitena lwedi bidiyo ku bwalo bwecu bamakwetabusa, bea bidi mukixilu ă mpinyu ya ngulu yenci 20yakakisayi munda mwa Kalistu, pakamubisayi kudi bafu ; yi akamuxikika ku kianca kienci kia kidyo mu melu kulu, 21kulu kwa bukalanga bwoso kulekule, yi kwa bumanya bwoso, yi kwa ngulu mioso, yi kwa bufumu bwoso, yi kwa dina dioso diamatambibwa, kumoni ku mwociya ou kutupu, kate ku mwociya ou kabidi ulolwa ; 22yi akapwesa bintu bioso muxi mwa makasa anci ; yi akamupa akali Mucwe ă bintu bioso ku mpala a kikokye, 23kidi mumbidi ănci ; kiolubilu kia you a-olubisa bintu bioso mu bintu bioso.

Currently Selected:

EFESO 1: Luna_NT

Highlight

Copy

Compare