MAKISA 26

1YI Angilipa akatôyela Paulu ene, Wamalekyelebwa ndo kuditôyela mikyebe. Paulu lolo akaxombola kianca kienci yi akakyata ku bwalo bwanci, ene, 2Ngwaxekyelela, Fumu Angilipa, bwalo bwa kukyata ku mpala ebe lelo, ku mucwe ă malo moso anamasanyibwa kudi bena Yuda ; 3bwalo bwamadika owe kulubukwa miesambu mioso yi miapangusu mioso yakala kudi bena Yuda ; mbwôso nkwalomba ungwombipa bikyebikye. 4Mwosambu ămene lolo pôi bwabuki bwamene, ăkadi yi bubila bwamene ku Yelusaleme pôi bubangabanga, ămalubukwa bungi bwa bena Yuda ; 5bakanguiubukwa pôi ku buxi buxi ndo bananga kutôbôla munakakala muFalixi, yi mwosambu ădika swi ă kixingilu kiecu. 6Nkyekyu lolo napwemana kunu ndo kusambolebwa, bwalo bwa mudingidilu ă kilaka kiakaxiyidibwa batetecu kudi Ncembi ; 7kiakyeba bungi bwa mabila ecu disangi yi abidi kufika kudikio, badi mu kusadila Ncembi yi ku munyinya yi ku butuku. Yi ku bwalo bwa mudingidilu ou, fumu, ndo kunamasanyibwa kudi bena Yuda. 8Kukai nuxekisa ene, bwalo kabuna bwa kwetabuxibwa, ndo Ncembi abisa bafu ? 9Meme nakakwenca mikyemi sôsôlwo, ene, nxekisa bintu bingi ndo kutanda yi dina dia Yisu a Nasalete. 10Yi nakakwenca nako kabidi mu Yelusaleme ; yi nakancibika bena babala bangi mu ncibo ya nkanu, bwalo bunakangata bumanya kudi makanda manene ; yi pakaxipibwabo, meme nakapa bilonga. 11Yi nakabatatisa matata mangi mu bixingidilu bioso, yi nakapalala kubatangolesa mietangu ; yi bwalo bunakabanyungudila kungi kungi, nakabakolomona isanga pôi ku mala a babene. 12Yi binakadi noku, nakadi mu kwenda lwa Damasako, yi bumanya yi ngulu kudi makanda manene ; 13yi ku munyinya pakacikaci mu ncila, nakamona, fumu, obo mu diulu adika munyinya dikai, akalumuka kundi yi kudibo bamakwenda yinami. 14Yi pakadi twamapona paxi cu-a-bwoso, nakakwombwa diyi diamangutôyela mu ludimi lwa bena Ebeleo, ene, Saulu, Saulu, kukai ungwakolomona ? Kudi kukola ndo wakuma masolo misobi. 15Yi nakatôya ene, Owe udi ñani, Fumu ? Yi Fumu akatôya ene, Meme ndi Yisu akolomona owe. 16Kate ombuluka, emana pa makasa ebe ; bwalo bunapumoneka kudi, nakadi ene, nakukuteka musadi, yi mutôbôdi a malo apumona yi a malo anamoneka kudi ; 17kukusokola kudi bantu yi kudi mabila kunkwatumina, 18kuya dipula meso abo bakulumuki ku mwedima ndo kwakala yi obo, yi ku bumanya bwa Satana ndo kwakala yi Ncembi, bangati kulekyelebwa kwa mabi, yi mwokito yinabo bamabalolebwa pa kungwetabuxila meme. 19Mbwôso, fumu Angilipa, kitamunini bwalo bunakamona bwa diulu, 20kate nakasakola ku buxi buxi kudibo badi ku Damasako, yi ku Yelusaleme, yi ku bungi bwa mbata a Yudiya, yi kudi mabila kabidi, ene, badibeli, bakulumuki kudi Ncembi, bakisi makisa alelekyela yi kudibela. 21Ku mucwe ă bintu bebi, kwakangukwata bena Yuda mu tempelo, yi bakapalala kunguxipa. 22Mbwôso binakapomana yi busamunini bulolwa kwa Ncembi, ka binamakwemana pôi dituku dedi, ndi mu kutôbôlela bantu yi babende yi banene, kutena kutôya bwalo butatôyeli badimuxi yi Mosese ene, bunalwa ; 23ene, Kalistu uxetata ; yi ene, yei buxi uxekwambila obo, ku kubisa kwa bafu, kudi bantu yi kudi mabila.

24Yi pakakyatayi nako, Festo akakwamena yi diyi dikola ene, Paulu, wamapasuka ; bwinu bwebe bungi bukwatulola mwombi. 25Kaninga Paulu ene, Kisopasuka, Festo munene, kate ngwasakola meyi a sôsôlwo yi a mulangu. 26Bwalo bwalubukwa fumu bintu bebi, unapwambila kabidi kutena kuxitaxita ; bwalo bungwakisa ene, kakuna kintu kimokimwe kia bintu bebi kiamamusokokyebwa ; bwalo butakwencebwa bwalo bobu ku ilunga basodi. 27Fumu Angilipa, owe wamakwetabusa badimuxi ? Ngwalubukwa ene, wamakwetabusa. 28Yi Angilipa akatôyela Paulu, ene, Ku kutôya kubende kuxengwetabuxisa, ntulowi muna Kalistu. 29Yi Paulu ene, Ngwakyeba kudi Ncembi, ndo ku kutôya kubende ndo kungi, kumoni owe mutupu kate bungi bwabo bamangwombwa lelo, baxetulowa bea luna bindi mikyemi, kutena nkanu yei.

30Yi fumu akakwombuluka yi mulopwe yi Beniki, yi bobo bakaxikama yinabo ; 31yi pakadi bamaya ku dituku bakakwambilañana ene, You mwamulumi kasokwenca bwalo bwaieiekyela ndo yi kufwa ndo lukanu. 32Yi Angilipa akatôyela Festo ene, Muntu you uxepaudibwa, kutena amakwabila Kyesa.

Currently Selected:

MAKISA 26: Luna_NT

Highlight

Copy