MAKISA 11

1YI batumibwi yi bakunyi bakadi mu Yudiya bakakwombwa ene, mabila kabidi bamangata diyi dia Ncembi. 2Yi pakaximuna Pita ku Yelusaleme, bobo ba bena bwadi bakafwilañana yinanci 3ene, Wakabwela kudi bantu badi bena mientonto, wakadya yinabo. 4Mo Pita akabangola, akabalwandwadila ndwandwa ene, 5Nakadi mu bula bwa Yopa, ndi mu kulombela, yi nakamona bea mu dilu dia tulu, kintu kitanapweka bea mbuxa munene, kiamapwexebwa mu diulu pa macu anai, kiakalwa isanga kundi ; 6binakanamacisa lolo meso amene koku nakaxingulula, yi nakamona nyama ya loboko ya mikolo inai, yi nyama ya mutu, yi bintu bialambalala paxi, yi nyonyi ya kulu. 7Yi nakakwombwa kabidi diyi didi mu kungutôyela, ene, Emana Pita, xipa, dyaka. 8Yi meme ene, Kañana, Fumu ; bwalo butabweleli kintu kia kanana ndo kia mbindu mu musuku ămene pô. 9Yi diyi diakakulumuna diamubidi munda mwa diulu ene, Bintu biamakusula Ncembi, owe kutambi ene, bia kanana. 10Nako kwakakwencebwa menca asatu, yi bungi bwanci bwakapucibwa kabidi munda mwa diulu.

11Yi mona babalumi basatu bakadiko mangwoso ku ncibo kunakakala, bamatumibwa kundi ku Kyesalia. 12Yi Mwoxixi akangutôyela dia kuya yinabo kutena kuxitaxita. Yi bakunyi basambomo baba bakasangila yinami kabidi, yi twakabwela munda mwa ncibo a muntu you ; 13yei lolo akatwambila mwakamonayi mwangele mu ncibo anci, akakwemana akamwambila ene, Tuma bantu ku Yopa, kuya angata Ximono, abikidibwa ene, Pita, 14unakutôyela meyi anapandixibwa owe yinao, mikyebe yi bungi bwa ncibo ebe.

15Yi panakabanga kutôya, Mwoxixi a babala akabaponena kulu, bea kulu kwecu kabidi ku bubangabanga. 16Yi nakakwela diyi dia Fumu lukanyi, diakatôyayi ene, Yoano akanumeya yi mai, kaninga nonu nunanumeyebwa yi Mwoxixi a babala. 17Ndo Ncembi lolo akabapa dilongi dedi diakatupelayi kabidi coco, bitwakakwetabuxila Fumu Yisu Kalistu, meme nakadi ñani uxelubukwa kuximba Ncembi ? 18Pakakwombwa bo lolo bintu bebi, bakapudikila, yi bakatumbisa Ncembi, ene, Mbwôso Ncembi amapela mabila kabidi kudibela bwalo bwa môyo.

19Mbwôso bobo bakacakanixibwa ku kufinibwa kwakalwa ku bwalo bwa Stefano bakadikanana pôi ku Finiki, yi ku Kupuloso, yi ku Antioko, badi mu kwambila diyi kudi bena Yuda batupu, kudi banga kumoni. 20Kaninga bamo bakadi yinabo, bena Kupuloso, yi bena Kulene, pakabwelabo mu Antioko, bakakwambila bena Ngiliki kabidi, badi mu kusakola losangu lwa Fumu Yisu. 21Yi kianca kia Fumu kiakadi yinabo, yi bantu bangi bakakwetabusa bakakulumuka kudi Fumu. 22Yi mwoximo ăbo ăkafika ku macu a kikokye kiakadi ku Yelusaleme, yi bakatuma Banabasa pôi ku Antioko ; 23you, pakafikayi, akamona lwoxixi lwa Ncembi, akaxekyelela ; yi akabatôyela bungi bwabo ene, banamati kudi Fumu yi lukanyi lwa mucima ; 24bwalo bwakakalayi muntu unengela amakwolubila yi Mwoxixi a babala yi kwetabusa, yi bantu bangi bakabodeyebwa kudi Fumu. 25Yei lolo akaya ku Taso kuya palala Saulu ; 26pakadi amamusañana, akamucwala ku Antioko. Nako ku mbula muncimancima kwakasangilabo mu kikokye, bakakweyesa bantu bangi ; yi ku Antioko buxi kwakabikidibwa beyi ene, bena Kalistu.

27Ku matuku yia kwakapweka badimuxi ku Yelusaleme kuya ku Antioko ; 28umoumwe akakwemana akadi yinabo, dina dienci ene, Angabusu, akakwebesa kudi Mwoxixi ene, ku bungi bwa loboko kuxeakala lukombo lwa ncala lwa bubi, lwakafika ku matuku a Kolôdyo. 29Yi beyi bakakwela lukanyi, muntu mwoso ku lwedi Iwanci, lwa kutuma bintu kudi bakunyi bakakala mu Yudiya, ndo kubasadila ; 30yi bakakwenca noku kabidi, yi bakabituma kudi babakulu ku bianca bia Banabasa yi Saulu.

Currently Selected:

MAKISA 11: Luna_NT

Highlight

Copy