2 TIMOTEO 3
3
1MO lubukwa bwalo bobu ene, ku matuku a nyuma kunakala bikondo bikola, 2Bwalo bunakala bantu banangi ba mikyeabo, banangi ba bima, bena mwanu, bena kukatala, bena mietangu, batasokwedeya bateteabo yi bamamabo, bata oxinga biloba, batena yi babala, 3basaka yi nyinga ya paxi, bangangala yi bituku, batendañani ba bantu, batena yi mulangu, bena lopangu, batena yi nyinga ya malo anengela, 4bengañani ba kwenga bantu, bena bosaka, bena masasa, banangi ba kiango, kumoni banangi ba Ncembi ; 5badi yi bufwani bwa mwosambu ă Ncembi, mo bamanyañana ngulu yau ; kulumuka owe kabidi kudi bantu baba.
6Bwalo bwa bena noku, banga bena kwabo bamabwela mu ncibo ya bantu, yi bamakwata babakaxi ba kanana luna misungi bamayibañana yi mabi, bamapucibwa yi minga xindilu mibi, 7badi mu kweyeyeya matuku moso, yi kababiyi pô kufika ku kilubukilu kia sôsôlwo. 8Yi bea biakatanda Yane yi Yambele yi Mosese ndo biatanda bantu baba kabidi yi sôsôlwo, badi bena misalu ku lukanyi, yi ku bwalo bwa kwetabusa kudibo basaluki batupu. 9Kate kabanakokyela ku buxi nyô, bwalo bunamoneka budibi bwabo kudi bantu boso, bea biakalwa moneka bwabo bwa Yane yi Yambele.
10Mo owe wamatomba tomba kweyesa kwamene, yi mwosambu amene, yi lukanyi Iwamene, yi kwetabusa kwamene, yi kicwandundu kiamene, yi nyinga yamene, yi bwika bwamene, 11yi kukolomonebwa kwamene, yi masama amene, yi malo akanguponena ku Antioko, ku Ikonyumu, ku Lustula ; yi makolomona anakakolomonebwa ; yi Fumu akangupaula mu bungi bwabio.
12Ya, yi bungi bwabo bamananga kwakala yi mwosambu ă Ncembi mu Kalistu Yisu banakolomonebwa.
13Mo bantu babi yi bena lwomonyi ba mancanga banalekola yi bubi, badi mu kudimba bantu yi badi mu kudimbibwa. 14Kaninga sala owe mu bintu biamakweya, yi biamakwetabuxixibwa, bwalo bwalubukwa bantu baba bamakweya owe kudibo ; 15yi bwalo bwamalubukwa mikanda ya babala pôi kikondo kiakadi kana kabende, yamalubukwa kukuteka yi bwinu bwalo bwa kupandixibwa, ku kwetabusa kudi mu Kalistu Yisu.
16Mukanda mwoso ă Ncembi ămatomenenebwa kudi Ncembi, yi ămalelekyela yi kweyesa yi kutongola yi kukwameya, yi kwekyelesa koku kudi mu nkwami ; 17bixeakala muntu a Ncembi amakuka dyendeli, amalungikibwa dyendeli bwalo bwa mudimo mwoso unengela.
Currently Selected:
2 TIMOTEO 3: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
