2 KOLINTI 1
1
1PAULU mutumibwi a Kalistu Yisu ku nyinga ya Ncembi, yi Timoteo mwakunyi, kudi kikokye kia Ncembi kidi ku Kolinti, yi kudi bena babala boso badi mu bungi bwa Akaya ; 2lwoxixi lwakali yinenu yi polo kudi Ncembi Tetecu yi Fumu Yisu Kalistu.
3Ncembi atumbixibwi, Tete a Fumwecu Yisu Kaiistu, Tete a mankangi yi Ncembi a kibondelu kioso, 4utwabondabonda mu buxitu bwecu bwoso bituxelubukwa kubabondabonda badi mu buxitu bwoso yi kibondelu kieki kitwamabondebwa yinakio mikyecu kudi Ncembi.
5Byaka biamalekola masama a Kalistu yinecu ndo biamalekola kabidi kibondelu kiecu kudi Kalistu. 6Kaninga ndo twamatekyebwa yi buxitu, kudi bwalo bwa kibondelu kienu yi bwa kipandilu kienu ; sungu ndo twamabondebwa, kudi bwalo bwa kibondelu kienu kiakisañana ndo kunwombwesa masama aa yi bwika atwombombwa coco kabidi. 7Yi mudingidilu ěcu ku bwalo bwenu udi bô, bwalo butwalubukwa ene, bea binwamakwabanyafiana yi masama ndo binwamakwabanyañana kabidi yi kibondelu.
8Bwalo bututasonanga nonu kwakala kutena kulubukwa bakunyi, dia buxitu bwecu bwakatuponena mu Asia, bitwakanemenenebwa yi buxitu bungi bwakadika lwedi lwa ngulu yecu ; bitwakadixengaxenga isanga bwalo bwa môyo ăcu. 9Kate coco mikyecu twakadi yi lopelo lwa kufwa munda mwecu, bitutaxedietabuxila mikyecu, kate Ncembi abisa bafu ; 10akatupaula mu lufu lwa bubi lolu noku, yi unatupaula ; utwamamwetabuxila ene, unatupaula kabidi ; 11pakala nonu nudi mu kutusadisa yi lulombu lwenu ; bixe xingibwa biloba ku micwe yecu kudi bantu bangi, bwalo bwa dilongi diamatupebwa ku mucwe ă bantu bangi.
12Mwanu utwañana ka ou, ntôbô ya kilubukilu kiecu kia munda, ene, ku babala yi ku sôsôlwo a Ncembi, (kumoni ku bwinu bwa munyu kate ku lwoxixi lwa Ncembi), ndo kutwamakala yi mwosambu ěcu ku loboko, yi kunudi nonu. 13Bwalo bututasonufundila binga bintu bitena bebi binwabala yi binwalembetela ; yi bingwakyeba ene, nunabilembetela pôi ku sula ; 14bea binwakatulembetela kabidi kabende ene, coco tudi mwanu ěnu, bea binudi nonu mwanu ěcu ku dituku dia Fumwecu Yisu.
15Yi ku kwetabusa kwa noku ndo kunakadi ene, ndolwa kunudi buxi, binuxeangata dilongi diamubidi ; 16yi binxedika panudi kuya ku Makyedonia ; binxebatuka kabidi mu Makyedonia kulwa kunudi ; yi binxekwendexebwa kunudi mu lwendo Iwamene lwa kuya ku Yudiya. 17Mbwôso binakadi yi lukanyi lwa noku, nakakwenca lolo yi mwocimbucimbu ? Ndo bebi bintu bingwelela lukanyi lwabio, mbielela lukanyi yi mwelelu ă munyu, bixeakala yinami ene, E, E, yi Kumoni, kumoni ? 18Mo bea bidi Ncembi yi kibaku ndo bitena diyi diecu kwenu ene, E, yi, Kumoni. 19Bwalo bwa Mwana a Ncembi, Yisu Kalistu, akakwambidibwa kwenu kutudi, kudi meme, yi Silasa, yi Timoteo, yei kakadi E yi Kumoni, kate munda mwanci mudi E. 20Ku bwalo bwa bilaka bioso bidiko bia Ncembi, munda mwanci mudi E ; mbwôso kudiyi kudi Amen, bixelundixibwa dikai dia Ncembi kutudi.
21You pako utwasubisa coco yinenu kidi kimokimwe munda mwa Kalistu, yi amatuxinga, udi Ncembi ; 22amatubaka kilembetelu kabidi, yi amatupa kibutuku kia Mwoxixi mu micima yecu.
23Kate ngwabikila Ncembi mutôbôdi ku bwalo bwa mucima ămene, ene, bwalo bwa kunulekyela ndo buntaluli pôi nkyekyu ku Kolinti ; 24kumoni luna kutôya ene, tutani yi bumanya kulu kwa kwetabusa kwenu, kate tudi basadisanani ba kiango kienu ; bwalo ku kwetabusa ndo kunwamakwemana.
Currently Selected:
2 KOLINTI 1: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
