1 KOLINTI 16
16
1NKYEKYU ku bwalo bwa mwosangu ă kusangila bena babala, nwenci nonu kabidi bea binakatôyela bikokye bia Ngalatia. 2Ku diba dia buxi dia lumingu, muntu mwoso enu adibumbili dibomba bienci bea biapwakalayi yi bintu, bitaxesangibwa miesangu pandolwa. 3Yi binamafika, bantu boso banunakwalakana nonu ku mikanda, nakubatuma bayi fikisa dilongi dienu ku Yelusaleme. 4Ndo lolo kwalelekyela meme kuya kabidi, bobo banaya yinami. 5Yi nakulwa kunudi binamamana kudika mu Makyedonia, bwalo bungwadika mu Makyedonia. 6Mo ambeci nakubesala yinenu, isanga ambeci kumana ngondo ya maxika yinenu ; binuxengwendesa ku lwendo Iwamene kwoso kungwendenda. 7Bwalo buntasonanga kunumona nkyekyu mu ncila ; bwalo bungwencenca ene, nakuxina yinenu kikondo ndo Fumu unakwetabusa. 8Mo nakusala ku Efeso pôi Pentekosto. 9Bwalo bwamangudipudibwa mbelo munene yi a mudimo unengela, yi bono bamatanda bado bangi. 10Akali lolo Timoteo ulolwa, nudingili bixeakalayi yinenu kutena bowa ; bwalo bwakisayi mudimo ă Fumu bea bingwakisa meme kabidi. 11Mbwôso muntu umoumwe kumutamuna kumoni, mo numuxindikisi yi polo, alwi kundi ; bwalo bumwadingila yi bakunyi. 12Ku bwalo bwa muna kwecu Apolo, nakamubondabonda kungi, alwi kunudi yi bakunyi ; mo akadi kiena yi nyinga pô ya kulwa nkyekyu ; mo unalwa panamonayi kipoma kia loko.
13Nudingili, nwemani mu kwetabusa bô, nwenci bea babalumi, nwakali yi ngulu. 14Bintu bienu bioso biencebwi yi nyinga.
15Nkyekyu meme nwabondabonda bakunyi, (nwalubukwa ncibo a Stefanasa ene, udi somo a buxi a Akaya, yi ene, bamadilungika ndo kusadila bena babala), 16ene, nwedeyi bena noku, yi muntu mwoso kabidi amasangila yi mudimo ou, yi encenca mudimo.
17Ngwaxekyelela kilulu kia Stefanasa yi Fôtunato yi Akaiko, bwalo bwamankisabo bintu biakasaka ku bwalo bwenu. 18Bwalo bwamasubisabo kidimu kiamene yi kienu ; mbwôso nunemeki bena noku.
19Bikokye bia mu Asia binwelela môyo. Akwila yi Pilisikila banwelela môyo mungi mu Fumu, yi kikokye kitani mu ncibo abo. 20Bungi bwa bakunyi banwelela môyo. Nubisanani yi kunyita kwa babala. 21Môyo kundi meme, Paulu, mufunda yi kianca kiamene mikyemi.
22Aka muntu mwoso kasonanga Fumu, afingibwi difingu. Fumu ulolwa.
23Lwoxixi lwa Fumu Yisu Kalistu lwakali yinenu. 24Nyinga yamene yakali yinenu bungi bwenu mu Kalistu Yisu. Amen.
Currently Selected:
1 KOLINTI 16: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
