1 PITA 3

1MO nako nonu bakaxi, nwakali yi diedya kudi babayenu ; mbwôso, isanga banga kabasokwedeya diyi, baxepucibwa kutena diyi, ku bwalo bwa mwosambu ă bakaxi babo ; 2badi mu kutebela mwosambu ěnu ă babala yi diedya. 3Kubonga kwenu kakwakadi kwa kunci, kwa nyonyi kuluka, yi kwa bikanu bia ôlo kuteka, yi kwa bilamba kulata ; 4kate kwa muntu musokoka a mucima, kubonga kutena musalu kwa mucima ă diedya yi ă polo, udi ă dipiko dikola ku meso a Ncembi. 5Mo nako kwakadibongesa mikyeabo babakaxi ba babala kalikali, bakadingidila Ncembi, bakadi yi diedya kudi babayabo ; 6bea biakakwedeya Sala Abalami, udi mu kumubikila ene, fumu ; unwapwakala bana banci ndo nwencenca kunengela, yi kanusocina bowa bwoso.

7Mo nako nonu, babalumi, nuxikami yi mukaxi luna bialelekyela yi kilubukilu, bea kuxikama yi mumbidi ă butonga bulebela, nudi mu kubanemeka, bwalo bunudi yinabo kabidi bakitañani ba mwokito ă lwoxixi lwa môyo ; bitaxekandibwa ndombu yenu.

8Ku sula, bungi bwenu nwakali yi lukanyi iumolumwe, nudi mu kwombwelañana mwengo, yi mu kunangañana bea bakunyi, yi micima yilebela yi nkanyi ya diedya ; 9kanupingaxi bubi ku mucwe ă bubi, ndo lukisu ku mucwe ă kukixibwa kumoni ; kate bunga bwalo, nulwangwasani ; bwalo bunwakabikidibwa ku noku binuxekita mulwangwasanu mwokito. 10Bwalo you akyeba kunanga môyo yi kumona matuku anengela, aximbi ludimi lwanci ku bubi yi milomo yenci ku kutôya kwa ncimi. 11Akulumuki kudi bubi, yi akisi kunengela ; apalali polo yi amulabeli ; 12bwalo bwamatebela meso a Fumu bena nkwami, yi macu anci ombombwa mwapangusu ăbo ; mo mpala a Fumu amatanda yi bantu bencenca malo mabi. 13Ñani lolo unanutatisa ndo nwakala yi mulukutu ă kulukutila bwalo bunengela ? 14Kate ndo nuxetata ku mucwe ă nkwami kabidi, balwangwasanibwi nonu ; mo kanucini ku bowa bwabo, yi kanutepexebwi ; 15mo nubaloli Kalistu mu micima yenu, Fumu ; yi nwakali yi lungwoso matuku moso lwa kulwandwadila muntu mwosondwandwa amanwapanguxila dia mudingidilu udi munda mwenu, kate yi diedya yi bowa ; 16nudi yi kilubukilu kia munda kinengela ; bixexipibwabo bundu, ku bwalo bunwatôyelabo, bamatangola mwosambu ěnu unengela mu Kalistu. 17Bwalo bwamadika loko, akali nyinga ya Ncembi yamananga nako, nonu kutata ku bwaio bwa kukisa kunengela, kumoni bwalo bwa kwenca bubi. 18Bwalo bwakatata Kalistu kusama kabidi ditata dimodimwe dyendeli nya ku bwalo bwa mabi, muna nkwami ku mucwe ă bantu batena yi nkwami ; bixetufikisayi kudi Ncembi ; akaxipibwa mu munyu, mo akatekyebwa yi môyo mu Mwoxixi ; 19mwakayayi kabidi munda mwanci kuya ambila bidimu mu ncibo a nkanu, 20biakadi yi ntamu kalikali, ku kikondo kiakakunga kicwandundu kia Ncembi ku matuku a Nowa, pakadi kibusu kidi mu kulungikibwa ; kiakapandixibwa bantu babende munda mwakio, bantu yenana, ku mai ; 21amanupandisa nkyekyu ku kifwanisa kabidi, isanga kunumeyebwa ; kumoni kunamuna lobindu lwa munyu, kate kwapangusa kwa kilubukilu kinengela ku mpala a Ncembi, bwalo bwa kubika kwa Yisu Kalistu kudi bafu, udi ku kidyo kia Ncembi, 22bwalo bwamabwelayi munda mwa diulu ; yi bangele yi mamanya yi ngulu bamapwexebwa muxi mwanci.

Currently Selected:

1 PITA 3: Luna_NT

Highlight

Copy

Compare